Josue 20:8 - Ang Pulong sa Dios

⁸ Sa sidlakang bahin sa Suba sa Jordan duol sa Jerico, gipili nila ang Bezer sa kamingawan sa kapatagan nga sakop sa tribo ni Ruben, ang Ramot sa Gilead nga sakop sa tribo ni Gad, ug ang Golan sa Basan nga sakop sa tribo ni Manases.

Ang Biblia 2011

⁸ Ug sa tabok sa Jordan sa silangan sa Jerico, ilang gipili ang Beser sa kamingawan sa kapatagan sa banay ni Ruben, ang Ramot nga sakop sa Gilead sa banay ni Gad ug ang Golan sa Basan sa banay ni Manases.

Maayong Balita Biblia

⁸ Sa silangan sa Jordan, sa kabungtoran silangan sa Jerico sa kamingawan, gipili nila ang Bezer sa banay ni Ruben, ang Ramot sa Gilead sa banay ni Gad ug ang Golan sa Basan sa banay ni Manases.

Ang Bag-ong Maayong Balita Biblia

⁸ Sa silangan sa Jordan, sa kabungtoran silangan sa Jerico sa kamingawan, gipili nila ang Bezer sa banay ni Ruben, ang Ramot sa Gilead sa banay ni Gad ug ang Golan sa Basan sa banay ni Manases.

Josue 20:8 Cross References

1 Mga Hari 22:6

Busa gipatawag ni Ahab ang mga propeta, mga 400 silang tanan ug gipangutana, “Molakaw ba ako sa pagpakig-gira sa Ramot Gilead o dili?” Mitubag sila, “Lakaw, kay hatagan ka sa Ginoo ug kadaogan!”

2 Mga Hari 8:28

Nakig-uban si Ahazia kang Joram nga anak ni Ahab sa pagpakig-gira kang Hazael nga hari sa Aram. Naggira sila didto sa Ramot Gilead, ug nasamdan si Joram. Busa mipauli si Haring Joram sa lungsod sa Jezreel aron magpaayo sa iyang mga samad. Ug samtang didto siya, mibisita kaniya si Ahazia nga hari sa Juda.

1 Cronicas 6:78

Gikan sa tribo ni Ruben, sa tabok sa Suba sa Jordan sa sidlakang bahin sa Jerico: Bezer sa disyerto, Jahaz,

1 Cronicas 6:80

Ug gikan sa tribo ni Gad: Ramot sa Gilead, Mahanaim,

Deuteronomio 3:10

Giilog nato ang tanang mga lungsod nga anaa sa patag ibabaw sa bukid, ang tibuok Gilead, ug ang tibuok Basan hangtod sa Saleca ug Edrei, nga mga lungsod nga sakop sa gingharian ni Og sa Basan.

Deuteronomio 4:43

Mao kini ang mga lungsod: alang sa tribo ni Ruben, Bezer sa kamingawan nga anaa mahimutang sa patag ibabaw sa bukid; alang sa tribo ni Gad, Ramot sa Gilead; ug alang sa tribo ni Manases, Golan sa Basan.

Josue 20:7

Busa gipili nila ang Kedesh sa Galilea sa kabukiran sa Neftali, ang Sekem sa kabungtoran sa Efraim, ug ang Kiriat Arba (nga mao ang Hebron) sa kabukiran sa Juda.

Josue 20:9

Mao kini ang mga lungsod nga dalangpanan nga gipili alang sa mga Israelinhon ug sa mga langyaw nga nagpuyo uban kanila. Si bisan kinsa nga makapatay nga dili tinuyo makadangop didto, aron dili siya mapatay sa mga buot manimalos kaniya samtang wala pa mahusay ang iyang kaso atubangan sa katilingban.

Josue 21:27

Ang mga kaliwat ni Gershon nga gikan usab sa tribo ni Levi nakaangkon ug duha ka lungsod gikan sa kayutaan sa katunga sa tribo ni Manases. Kini mao ang Golan sa Basan (nga usa sa mga lungsod nga dalangpanan, diin makadangop ang usa ka tawong nakapatay nga dili tinuyo), ug ang Beeshtera, lakip ang mga pastohan niini.

Josue 21:36

Gihatag pa gayod kanila ang upat ka mga lungsod gikan sa kayutaan sa tribo ni Ruben. Kini mao ang Bezer, Jahaz, Kedemot, ug Mefaat, lakip ang mga pasibsibanan niini.

Josue 21:38

Gihatag pa gayod kanila ang upat ka mga lungsod gikan sa kayutaan sa tribo ni Gad. Kini mao ang Ramot sa Gilead (nga usa sa mga lungsod nga dalangpanan, diin makadangop ang usa ka tawong nakapatay nga dili tinuyo), ang Mahanaim, Hesbon, ug Jazer, lakip ang mga pastohan niini.