Josue 20:5 - Ang Pulong sa Dios

⁵ Kon gukdon siya didto sa buot manimalos kaniya, kinahanglan dili siya itugyan sa mga lumulupyo didto tungod kay wala niya tuyoa ang pagpatay sa iyang isigka-tawo, ug dili usab kini tungod sa kasuko.

Ang Biblia 2011

⁵ Ug kon ang manimalos sa dugo mogukod kaniya dili gayod nila itugyan ang nakapatay ngadto sa iyang kamot tungod kay ang iyang igsoon napatay nga wala tuyoa ug siya walay pagdumot kaniya sa unang panahon.

Maayong Balita Biblia

⁵ Kon ang tawo nga buot manimalos mosunod kaniya sa siyudad, ang katawhan sa siyudad dili magtugyan sa tawo nga nakapatay ngadto sa nangita kaniya. Panalipdan nila siya kay ang iyang pagpatay ug isigka-Israelita dili man tinuyo ug dili tungod sa kasuko.

Ang Bag-ong Maayong Balita Biblia

⁵ Kon ang tawo nga buot manimalos mosunod kaniya sa siyudad, ang katawhan sa siyudad dili magtugyan sa tawo nga nakapatay ngadto sa nangita kaniya. Panalipdan nila siya kay ang iyang pagpatay ug isigka-Israelita dili man tinuyo ug dili tungod sa kasuko.

Josue 20:5 Cross References

Levitico 4:2

“Sultihi ang mga Israelinhon: ‘Si bisan kinsa nga nakalapas sa sugo sa Ginoo apan wala tuyoa, mao kini ang angay niyang buhaton:

Numeros 35:12

aron dili siya mapatay sa mga tawong buot manimalos hangtod wala pa siya mahukmi atubangan sa katilingban.

Numeros 35:25

Kinahanglan nga protektahan sa katilingban ang tawong nakapatay batok sa tawong buot manimalos kaniya, ug ibalik siya ngadto sa lungsod nga dalangpanan, diin siya midangop. Kinahanglan nga magpabilin siya didto hangtod mamatay ang pangulong pari.