Josue 18:6 - Ang Pulong sa Dios

⁶ Pagkahuman nila mahimoan ug mapa ang maong kayutaan, dad-on nila kini kanako kay ripahon ko kini sa presensya sa Ginoo nga atong Dios kon kang kinsa nga tribo mapaingon ang kada bahin sa yuta.

Ang Biblia 2011

⁶ Ug ihulagway ninyo ang yuta sa pito ka bahin ug dad-a ang hulagway nganhi kanako, ug ripahon kini nako alang kaninyo dinhi sa atubangan sa Ginoo nga atong Dios.

Maayong Balita Biblia

⁶ Isulat ninyo ang mga utlanan sa pito ka bahin sa yuta ug dad-a kini ngari kanako. Unya magripa ako aron pagtino sa kabubut-on sa Ginoo nga atong Dios alang kaninyo.

Ang Bag-ong Maayong Balita Biblia

⁶ Isulat ninyo ang mga utlanan sa pito ka bahin sa yuta ug dad-a kini ngari kanako. Unya magripa ako aron pagtino sa kabubut-on sa Ginoo nga atong Dios alang kaninyo.

Josue 18:6 Cross References

Salmo 105:11

Miingon siya sa matag-usa kanila, “Ihatag ko kaninyo ang yuta sa Canaan ingon nga inyong panulondon.”

Mga Panultihon 16:33

Maghulbot-hulbot ang mga tawo aron mahibaloan nila kon unsay hustong desisyon, apan ang tanang desisyon nag-agad sa pagbuot sa Ginoo.

Mga Panultihon 18:18

Ang hulbot-hulbot makapaundang sa panaglalis, ug makahusay sa panagbangi sa duha ka gamhanang tawo.

Numeros 33:54

Bahinon ninyo ang yuta pinaagi sa hulbot-hulbot basi sa gidaghanon sa matag tribo. Ang tribo nga daghan ug sakop bahinan ug dako, ug ang tribo nga gamay ra ug sakop bahinan ug gamay. Kon unsay ilang mabunotan mao na ang ilang mahimong bahin. Niining paagiha mabahin ang yuta ngadto sa matag tribo.

Numeros 34:13

Unya miingon si Moises sa mga Israelinhon, “Bahinon ninyo kini nga yuta ingon nga inyong panulondon pinaagi sa hulbot-hulbot. Miingon ang Ginoo nga ihatag kini ngadto sa siyam ug tunga ka tribo,

Mga Buhat 13:19

Pagkahuman, gilaglag niya ang pito ka mga nasod sa Canaan, ug gihatag niya kining yutaa sa atong mga katigulangan.

Josue 14:2

Sumala sa gisugo sa Ginoo kang Moises, ang kayutaan sa siyam ug tunga ka mga tribo gibahin-bahin pinaagi sa hulbot-hulbot.

Josue 18:10

Ug pinaagi sa hulbot-hulbot sa presensya sa Ginoo sa Silo, gihatagan ni Josue sa ilang bahin ang mga tribo sa Israel.

Josue 18:7

Apan ang mga Levita dili bahinan ug yuta, kay ang ilang bahin mao ang pag-alagad sa Ginoo isip mga pari. Ang mga tribo ni Gad, ni Ruben, ug ang katunga sa tribo ni Manases nakadawat na sa ilang bahin sa yuta sa sidlakang bahin sa Jordan, nga gihatag kanila ni Moises nga alagad sa Ginoo.”

Josue 18:8

Sa dihang molakaw na ang napili nga mga tawo, miingon si Josue kanila, “Susiha ninyo ang kayutaan ug himoi ninyo kinig mapa. Unya balik kamo dinhi kanako sa Silo, kay ripahon ko kini sa presensya sa Ginoo kon kang kinsa nga tribo mapaingon ang kada bahin sa yuta.”