Josue 18:3 - Ang Pulong sa Dios

³ Busa miingon si Josue sa mga Israelinhon, “Kanus-a pa ba ninyo panag-iyahan ang nahibilin nga kayutaan nga gihatag kaninyo sa Ginoo, nga Dios sa inyong mga katigulangan?

Ang Biblia 2011

³ Busa si Josue miingon sa katawhan sa Israel, “Unsa ka dugay ang inyong paglangaylangay sa pagsulod ug pagpanag-iya sa yuta nga gihatag kaninyo sa Ginoo nga Dios sa inyong katigulangan?

Maayong Balita Biblia

³ Busa giingnan ni Josue ang katawhan sa Israel, “Kanus-a pa ba kamo mosulod aron pagpanag-iya sa yuta nga gihatag kaninyo sa Ginoo, ang Dios sa inyong katigulangan?

Ang Bag-ong Maayong Balita Biblia

³ Busa giingnan ni Josue ang katawhan sa Israel, “Kanus-a pa ba kamo mosulod aron pagpanag-iya sa yuta nga gihatag kaninyo sa Ginoo, ang Dios sa inyong katigulangan?

Josue 18:3 Cross References

Mga Panultihon 10:4

Ang pagkatapolan makapakabos sa tawo, apan ang pagkakugihan makapaadunahan kaniya.

Mga Panultihon 13:4

Kon tapolan ang usa ka tawo, bisan unsa pay iyang pangandoyon dili gayod niya maangkon, apan kon kugihan siya, maangkon niya ang labaw pa sa iyang gipangandoy.

Mga Panultihon 15:19

Kon tapolan ka mahimong lisod ang imong kinabuhi, apan kon magkugi ka maharuhay imong kinabuhi.

Ecclesiastes 9:10

Pagkugi sa tanan mong buluhaton, kay didto sa dapit sa mga patay nga imong padulngan wala nay trabaho, panghuna-huna, kaalam o kahibalo.

Sofonias 3:16

Niadto unyang adlawa moingon sila sa Jerusalem, “Ayaw kahadlok Zion, ayaw tugoti nga magbitay nga piang ang imong kamot.

Mateo 20:6

Sa mga alas singko na mibalik na usab siya sa merkado ug aduna pa gayod siyay nakita nga mga istambay. Miingon siya kanila, ‘Ngano bang gaistambay lang kamo dinhi sa tibuok nga adlaw?’

Juan 6:27

Apan ayaw kamo paghago alang sa pagkaon nga madunot lang, kondili paghago kamo alang sa pagkaon nga molungtad ug naghatag ug kinabuhi nga walay kataposan. Ang Anak sa Tawo mao ang mohatag kaninyo niini nga pagkaon, kay siya ang gihatagan sa Dios nga Amahan sa katungod nga mohatag niini.”

Josue 1:6

Lig-ona ang imong kaugalingon ug pagmaisogon, kay ikaw ang mangulo niining katawhan sa pagpanag-iya sa yuta nga akong gisaad sa ilang mga katigulangan.

Josue 13:1

Sa dihang tigulang na kaayo si Josue, miingon ang Ginoo kaniya, “Tigulang ka na kaayo ug daghan pang kayutaan nga kinahanglang panag-iyahon.

Josue 18:2

Adunay pito pa ka mga tribo sa mga Israelinhon nga wala pa mahatagi sa ilang bahin sa yuta.

Josue 18:4

Pagpili kamog tulo ka tawo gikan sa matag tribo. Ipasusi ko kanila ang nahibilin nga kayutaan. Unya maghimo silag mapa nga nagpakita kon unsaon pagbahin ang maong kayutaan, ug dad-on nila kini kanako.

Mga Maghuhukom 18:9

Miingon sila, “Tana, sulongon na nato sila! Nakita namo nga maayo kaayo ang ilang dapit. Busa lihok na kamo, dili na kita maglangan. Sulongon na nato ug panag-iyahan ang maong yuta.