Josue 17:2 - Ang Pulong sa Dios

² Ang kayutaan sa kasadpan sa Jordan gipang-apod-apod ngadto sa ubang mga kaliwat ni Manases nga mao ang mga pamilya ni Abiezer, Helek, Asriel, Sekem, Hefer, ug Shemida. Kini sila ang mga lalaki nga kaliwat ni Manases nga anak ni Jose sumala sa ilang mga panimalay.

Ang Biblia 2011

² Ug gihimo ang pagbahin ngadto sa ubang banay ni Manases sumala sa ilang mga panimalay, kang Abieser, kang Helek, kang Asriel, kang Sekem, kang Hefer ug kang Semida. Kini sila mao ang mga kaliwat nga lalaki ni Manases nga anak ni Jose sumala sa ilang mga panimalay.

Maayong Balita Biblia

² Gihatagan usab ug yuta ang nahibiling panimalay ni Manases nga mao sila si Abieser, si Helek, si Asriel, si Siquem, si Heper ug si Semida. Mao kini ang mga anak nga lalaki ni Manases nga anak ni Jose. Sila ang mga pangulo sa mga panimalay.

Ang Bag-ong Maayong Balita Biblia

² Gihatagan usab ug yuta ang nahibiling panimalay ni Manases nga mao sila si Abieser, si Helek, si Asriel, si Siquem, si Heper ug si Semida. Mao kini ang mga anak nga lalaki ni Manases nga anak ni Jose. Sila ang mga pangulo sa mga panimalay.

Josue 17:2 Cross References

1 Cronicas 7:18

Ang igsoon nga babaye ni Gilead nga si Hamoleket adunay mga anak nga sila si Ishhod, Abiezer, ug Mala.

Josue 17:1

Adunay gihatag usab nga kayutaan alang sa katunga sa tribo ni Manases nga kamagulangan nga anak ni Jose. Ang Gilead ug ang Basan sa sidlakan sa Suba sa Jordan gihatag na ngadto sa pamilya ni Makir tungod kay maayo siya nga sundalo. (Si Makir nga amahan ni Gilead, mao ang kamagulangan nga anak ni Manases.)

Josue 17:3

Unya, adunay usa ka tawo nga ginganlag si Zelofehad nga anak ni Hefer ug apo ni Gilead. Si Gilead anak ni Makir, ug si Makir anak ni Manases. Kini si Zelofehad walay anak nga lalaki, kondili, mga babaye lang. Sila mao si Mala, Noa, Hogla, Milca, ug Tirza.

Mga Maghuhukom 6:11

Unya, miabot ang anghel sa Ginoo didto sa Ofra. Milingkod siya ilalom sa punoan sa kahoyng terebinto nga iya ni Joas nga kaliwat ni Abiezer. Niadtong higayona, si Gideon nga anak ni Joas naggiok ug trigo didto sa pug-anan sa ubas aron dili makita sa mga Midianhon ang trigo.

Mga Maghuhukom 8:2

Apan miingon si Gideon kanila, “Unsa ra man ang akong nahimo kon itandi sa inyong nahimo? Ang gamay nga nahimo sa inyong tribo mas labaw pa kon itandi sa tanang nahimo sa banay ni Abiezer.