Josue 14:3 - Ang Pulong sa Dios

^3-4 Gihatagan na ni Moises ang duha ug tunga ka mga tribo sa ilang panulondon didto sa sidlakang bahin sa Jordan. Wala niya hatagig bahin ang mga kaliwat ni Levi, apan gihatagan niya silag mga lungsod nga ilang kapuy-an ug mga pasibsiban alang sa ilang mga kahayopan. Ang kaliwat ni Jose gibahin sa duha ka tribo: ang tribo ni Manases ug ang tribo ni Efraim.

Ang Biblia 2011

³ Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon.

Maayong Balita Biblia

³ Gihatag ni Moises ang usa ka bahin sa yuta ngadto sa duha ka banay ug tunga sa silangan sa Jordan apan wala niya hatagig yuta ang mga Levita.

Ang Bag-ong Maayong Balita Biblia

³ Gihatag ni Moises ang usa ka bahin sa yuta ngadto sa duha ka banay ug tunga sa silangan sa Jordan apan wala niya hatagig yuta ang mga Levita.

Josue 14:3 Cross References

Ezequiel 45:1

Miingon pa gayod ang Ginoo, “Kon bahinon na ninyo ang yuta ngadto sa matag tribo sa Israel, gahini ninyo ako sa akong bahin isip pinasahi nga luna alang kanako. Ang gitas-on niini 13 ka kilometro ug ang gilapdon 11 ka kilometro. Kini nga yuta isipon nga balaan.

Josue 12:6

Gipildi sila ni Moises, nga alagad sa Ginoo, ug sa mga Israelinhon. Gihatag ni Moises ang ilang yuta sa tribo ni Ruben, Gad ug sa katunga sa tribo ni Manases ingon nga ilang panulondon.

Josue 13:14

Wala hatagi ni Moises ug panulondon ang tribo ni Levi. Ang ilang pagadawaton mao ang bahin gikan sa mga halad pinaagi sa kalayo nga ginahalad alang sa Ginoo, nga Dios sa Israel, sumala sa giingon sa Ginoo kang Moises.

Josue 13:16

Gikan sa Aroer nga anaa sa kilid sa Walog sa Arnon (lakip na niini ang lungsod tapad niini nga walog) hangtod sa tibuok patag ibabaw sa bukid sa Medeba.

Josue 13:17

Lakip usab ang Hesbon ug ang tanang lungsod niini sa kapatagan nga mao ang Dibon, Bamot Baal, Bet Baal Meon,

Josue 13:8

Ang tribo ni Ruben, Gad, ug ang katunga sa tribo ni Manases gihatagan na ni Moises nga alagad sa Ginoo sa ilang bahin sa sidlakang bahin sa Jordan.