Josue 13:6 - Ang Pulong sa Dios

⁶ ug lakip usab ang mga bukid gikan sa Lebanon hangtod sa Misrefot Maim, nga iya sa mga Sidonhon. “Inigsulong ninyo, ako mismo ang moabog sa mga lumulupyo niining mga dapita. Siguradoha nga mabahin kini nga mga yuta ngadto sa mga Israelinhon isip ilang panulondon, sumala sa gisugo ko kanimo.

Ang Biblia 2011

⁶ sa tanang namuyo sa kabungtoran sukad sa Lebanon ngadto sa Misrefot-maim, bisan ang tanang mga Sidonhanon. Ako gayod maoy maghingilin kanila gikan sa atubangan sa katawhan sa Israel, igahin lamang ang yuta alang sa Israel ingon nga panulundon, sumala sa akong gisugo kanimo.

Maayong Balita Biblia

⁶ Kini naglakip sa tanang mga Sidonihanon nga nagpuyo sa kabungtoran tungatunga sa kabukiran sa Lebanon ug sa Misrefotmaim. Abugon ko sila samtang modasdas ang katawhan sa Israel. Bahina ang yuta aron panag-iyahon sa Israel sumala sa gisugo ko kanimo.

Ang Bag-ong Maayong Balita Biblia

⁶ Kini naglakip sa tanang mga Sidonihanon nga nagpuyo sa kabungtoran tungatunga sa kabukiran sa Lebanon ug sa Misrefotmaim. Abugon ko sila samtang modasdas ang katawhan sa Israel. Bahina ang yuta aron panag-iyahon sa Israel sumala sa gisugo ko kanimo.

Josue 13:6 Cross References

Salmo 80:8

Sama kami sa tanom nga ubas nga gikuha mo gikan sa Ehipto ug gitanom sa yuta sa mga katawhan nga imong giabog.

Numeros 33:54

Bahinon ninyo ang yuta pinaagi sa hulbot-hulbot basi sa gidaghanon sa matag tribo. Ang tribo nga daghan ug sakop bahinan ug dako, ug ang tribo nga gamay ra ug sakop bahinan ug gamay. Kon unsay ilang mabunotan mao na ang ilang mahimong bahin. Niining paagiha mabahin ang yuta ngadto sa matag tribo.

Josue 1:6

Lig-ona ang imong kaugalingon ug pagmaisogon, kay ikaw ang mangulo niining katawhan sa pagpanag-iya sa yuta nga akong gisaad sa ilang mga katigulangan.

Josue 11:12

Nailog nila ni Josue kining tanang mga lungsod. Gipatay nila ang tanang mga lumulupyo niini, lakip ang ilang mga hari. Gilaglag nila kini sa hingpit sumala sa gisugo ni Moises nga alagad sa Ginoo.

Josue 11:8

Ug gipadaog sila sa Ginoo batok sa ilang mga kaaway. Gigukod nila ang ilang mga kaaway hangtod sa Bantogan nga Sidon ug sa Misrefot Maim, ug hangtod sa Walog sa Mizpa sa sidlakan. Nahurot gayod nilag patay ang ilang mga kaaway.

Josue 13:7

Bahinon mo kining mga yutaa ngadto sa siyam ka mga tribo ug sa katunga sa tribo ni Manases.”

Josue 23:13

sigurado gayod nga dili na ipaabog sa Ginoo nga inyong Dios kining mga nasora. Mahimo silang sama kadelikado sa lit-ag alang kaninyo. Maghatag silag kasakit kaninyo sama sa kasakit sa lapdos sa latigo diha sa inyong likod o sa tuslok sa tunok sa inyong mga mata. Magpadayon kini hangtod nga mangamatay kamo niining maayo nga yuta nga gihatag kaninyo sa Ginoo nga inyong Dios.

Josue 23:4

Gibahin-bahin ko na kaninyo isip panulondon sa inyong mga tribo ang tanang kayutaan sa mga nasod nga atong nailog. Kini nga kayutaan gikan sa Suba sa Jordan sa sidlakan paingon sa Dagat sa Mediteraneo sa kasadpan, ingon man ang kayutaan sa mga nasod nga wala pa nato mailog.

Josue 23:5

Mainyo ang ilang mga yuta, sumala sa gisaad kaninyo sa Ginoo nga inyong Dios. Kay ipaabog sila sa Ginoo kaninyo.