Josue 12:7 - Ang Pulong sa Dios

^7-8 Nasakop usab ni Josue ug sa mga Israelinhon ang mga yuta sa kasadpang bahin sa Jordan, gikan sa Baal Gad sa Walog sa Lebanon hangtod sa Bukid sa Halak patungas sa Seir. Gihatag ni Josue kini nga mga yuta ngadto sa mga Israelinhon isip ilang panulondon. Gibahin niya kini sumala sa ilang tribo. Lakip niini nga yuta ang mga bukid, ang kabungtoran sa kasadpan, ang Walog sa Jordan, ang ubos nga mga bahin, ang disyerto sa habagatan, ug ang Negev. Gipuy-an kini kaniadto sa mga Hitihanon, Amorihanon, Canaanhon, Perisihanon, Hibihanon, ug mga Jebusihanon. Mao kini ang mga hari niadtong mga dapita nga gipangpildi ni Josue ug sa mga Israelinhon:

Ang Biblia 2011

⁷ Kini mao ang mga hari nga gilaglag ni Josue ug sa katawhan sa Israel didto sa kasadpang bahin sa Jordan sukad sa Baal-gad sa walog sa Lebanon hangtod sa Bukid sa Halak nga nagpadulong sa Seir, ug gihatag ni Josue ang ilang yuta sa mga banay sa Israel aron sa pagpanag-iya niini sumala sa ilang mga bahin,

Maayong Balita Biblia

⁷ Gibuntog ni Josue ug sa katawhan sa Israel ang tanang hari sa yuta sa kasadpan sa Jordan, gikan sa Baalgad sa walog sa Lebanon hangtod sa Bukid sa Halac padulong sa Seir. Gibahinbahin ni Josue kining yutaa ug giapod-apod niya sa mga kabanayan aron maila na sa hangtod.

Ang Bag-ong Maayong Balita Biblia

⁷ Gibuntog ni Josue ug sa katawhan sa Israel ang tanang hari sa yuta sa kasadpan sa Jordan, gikan sa Baalgad sa walog sa Lebanon hangtod sa Bukid sa Halac padulong sa Seir. Gibahinbahin ni Josue kining yutaa ug giapod-apod niya sa mga kabanayan aron maila na sa hangtod.

Josue 12:7 Cross References

Genesis 14:6

ug ang mga Horihanon sa kabungtoran sa Seir hangtod sa El Paran nga duol sa kamingawan.

Genesis 32:3

Nagsugo si Jacob ug mga tawo nga mouna kaniya ngadto sa iyang igsoon nga si Esau didto sa yuta sa Seir, ang dapit nga gitawag usab ug Edom.

Genesis 36:20

Mao kini ang mga anak ni Seir nga Horihanon nga nagpuyo sa Edom: si Lotan, Shobal, Zibeon, Ana,

Genesis 36:8

Busa didto nagpuyo si Esau (nga gitawag usab ug Edom) sa kabungtoran sa Seir.

Salmo 135:11

sama kang Sihon nga hari sa mga Amorihanon, kang Og nga hari sa Basan, ug ang tanang mga hari sa Canaan.

Deuteronomio 2:1

Unya namalik kita ug miadto sa kamingawan, paingon sa Pulang Dagat, sumala sa gimando sa Ginoo kanako. Ug sa dugay nga panahon naglibot-libot kita sa kabungtoran sa Seir.

Deuteronomio 2:4

Sultihi ang mga tawo nga moagi kamo sa teritoryo sa inyong mga kadugo nga kaliwat ni Esau, nga nagpuyo sa Seir. Mahadlok sila kaninyo, apan pagmatngon kamo.

Josue 11:17

Ang teritoryo nga nasakop niya naggikan sa Bukid sa Halak patungas sa Seir hangtod sa Baal Gad, sa Walog sa Lebanon sa tiilan sa Bukid sa Hermon. Gidakop ug gipamatay niya ang mga hari niining mga dapita

Josue 11:23

Busa nasakop ni Josue ang tibuok nga yuta, sumala sa gisugo sa Ginoo kang Moises. Gihatag niya kini nga yuta ngadto sa mga Israelinhon isip panulondon. Gibahin-bahin nila kini ngadto sa matag tribo. Niadtong higayona naundang na ang gira sa yuta sa mga Israelinhon.

Josue 3:17

Nagtindog taliwala sa mamalang suba sa Jordan ang mga pari nga nagdayong sa Sudlanan sa Kasabotan sa Ginoo, hangtod nga nakatabok ang tanang katawhan.

Josue 9:1

Nadunggan sa tanang mga hari sa kasadpan sa Jordan ang mga kadaogan sa mga Israelinhon. (Kini sila mao ang mga hari sa mga Hitihanon, Amorihanon, Canaanhon, Perisihanon, Hibihanon, ug mga Jebusihanon.) Nagpuyo sila sa mga bukid, kabungtoran sa kasadpan, ug sa kabaybayonan sa Dagat sa Mediteraneo hangtod sa Lebanon.