Josue 12:6 - Ang Pulong sa Dios

⁶ Gipildi sila ni Moises, nga alagad sa Ginoo, ug sa mga Israelinhon. Gihatag ni Moises ang ilang yuta sa tribo ni Ruben, Gad ug sa katunga sa tribo ni Manases ingon nga ilang panulondon.

Ang Biblia 2011

⁶ Si Moises nga alagad sa Ginoo ug ang katawhan sa Israel mibuntog kanila, ug si Moises nga alagad sa Ginoo mihatag sa ilang yuta ingon nga usa ka panulundon ngadto sa mga Rubenhanon ug sa mga Gadhanon ug sa katunga nga banay ni Manases.

Maayong Balita Biblia

⁶ Mao kini sila ang gibuntog ni Moises ug sa katawhan sa Israel. Gihatag ni Moises nga alagad sa Ginoo ang ilang yuta ngadto sa mga banay ni Ruben, ni Gad ug sa katunga sa banay ni Manases aron ilang panag-iyahon.

Ang Bag-ong Maayong Balita Biblia

⁶ Mao kini sila ang gibuntog ni Moises ug sa katawhan sa Israel. Gihatag ni Moises nga alagad sa Ginoo ang ilang yuta ngadto sa mga banay ni Ruben, ni Gad ug sa katunga sa banay ni Manases aron ilang panag-iyahon.

Josue 12:6 Cross References

1 Mga Hari 4:19

Si Geber nga anak ni Uri, ang gobernador sa Gilead, nga sakop kaniadto ni Sihon nga hari sa mga Amorihanon ug ni Og nga hari sa Basan. Si Geber lang ang gobernador niining tibuok distrito.

Numeros 32:29

Miingon siya, “Kon desidido gayod atubangan sa Ginoo ang mga tribo ni Gad ug ni Ruben nga motabok sa Jordan sa pagpakig-gira, ug kon mailog na ninyo ang maong yuta, ihatag kanila ang yuta sa Gilead aron ilang mapanag-iya.

Numeros 32:32

Desidido kami atubangan sa Ginoo nga motabok sa Jordan padulong sa Canaan sa pagpakig-gira, apan ang among panulondon mao kining yuta sa sidlakang bahin sa Jordan.”

Numeros 32:33

Busa gihatag ni Moises sa mga tribo ni Gad, ni Ruben, ug sa katunga sa tribo ni Manases nga anak ni Jose ang gingharian ni Sihon nga hari sa mga Amorihanon ug ang gingharian ni Og nga hari sa Basan, ang tibuok gayod niini nga yuta lakip ang mga lungsod ug mga teritoryo sa palibot niini.

Josue 14:3

Gihatagan na ni Moises ang duha ug tunga ka mga tribo sa ilang panulondon didto sa sidlakang bahin sa Jordan. Wala niya hatagig bahin ang mga kaliwat ni Levi, apan gihatagan niya silag mga lungsod nga ilang kapuy-an ug mga pasibsiban alang sa ilang mga kahayopan. Ang kaliwat ni Jose gibahin sa duha ka tribo: ang tribo ni Manases ug ang tribo ni Efraim.

Josue 18:7

Apan ang mga Levita dili bahinan ug yuta, kay ang ilang bahin mao ang pag-alagad sa Ginoo isip mga pari. Ang mga tribo ni Gad, ni Ruben, ug ang katunga sa tribo ni Manases nakadawat na sa ilang bahin sa yuta sa sidlakang bahin sa Jordan, nga gihatag kanila ni Moises nga alagad sa Ginoo.”

Josue 22:4

Ug karon, naangkon na sa inyong isigka-Israelinhon ang kalinaw nga gisaad kanila sa Ginoo nga inyong Dios. Busa pamauli na kamo sa inyong mga dapit sa tabok sa Suba sa Jordan, sa yuta nga gihatag kaninyo ni Moises nga alagad sa Ginoo.