Jonas 1:12 - Ang Pulong sa Dios

¹² Mitubag siya kanila, “Alsaha ninyo ako ug itambog sa dagat aron molinaw kini. Nasayod ako nga ako ang hinungdan kon nganong midangat kaninyo kining kusog nga bagyo.”

Ang Biblia 2011

¹² Siya miingon kanila, “Sakwata ako ug itambog ngadto sa dagat aron ang dagat molinaw alang kaninyo kay ako nahibalo nga tungod kanako kining dakong bagyo midangat kaninyo.”

Maayong Balita Biblia

¹² Si Jonas mitubag, “Itambog ako sa dagat aron mohunong ang unos kay akoy nakaingon niini.”

Ang Bag-ong Maayong Balita Biblia

¹² Si Jonas mitubag, “Itambog ako sa dagat aron mohunong ang unos kay akoy nakaingon niini.”

Jonas 1:12 Cross References

2 Samuel 24:17

Sa dihang nakita ni David ang anghel nga mipatay sa mga tawo, miingon siya sa Ginoo, “Ako ang nakasala. Kining mga tawhana inosente sama sa mga karnero. Wala silay nahimong sala. Ako na lang ug ang akong pamilya ang siloti.”

1 Cronicas 21:17

Miingon si David sa Dios, “Ako ang nagsugo nga ihapon ang katawhan. Ako ang nakasala ug naghimo niining hilabihan kadaotang buhat. Kining mga tawo sama sa inosenteng mga karnero. Wala silay nahimong sala. O Ginoo nga akong Dios, ako na lang ug ang akong pamilya ang siloti. Ayaw na paantosa ang imong katawhan niini nga katalagman.”

Job 35:8

Ang imong isigka-tawo lang ang maapektohan sa imong maayo o daotan nga mga binuhatan.

Ecclesiastes 9:18

Mas maayo ang kaalam kaysa mga armas sa gira. Apan ang usa ka makasasala makadaot sa daghang kaayohan.

Jonas 1:11

Sa dihang midagko ang mga balod, miingon ang mga tripulante kang Jonas, “Unsay among buhaton kanimo aron mokalma ang dagat ug dili na makaperwisyo kanamo?”

Jonas 1:13

Apan wala nila gisunod si Jonas; naningkamot hinuon sila pagbugsay aron makaabot sa baybayon. Apan wala nila kini mahimo kay misamot pa gayod paghapak kanila ang kusog nga mga balod.

Juan 11:50

Wala ba kamo makahuna-huna nga mas maayo pa nga usa lang ka tawo ang mamatay alang sa atong nasod kaysa ang tibuok nasod ang mawala?”

Mga Buhat 27:24

Miingon siya, ‘Pablo, ayawg kahadlok. Kinahanglan kang moatubang sa Emperador didto sa Roma. Ug sa kaluoy sa Dios ang tanan mong mga kauban dinhi sa barko maluwas tungod kanimo.’

Josue 7:12

Mao kini ang hinungdan kon nganong dili sila makasukol sa ilang mga kaaway. Nanibog sila sa ilang mga kaaway tungod kay sila mismo laglagon ingon nga halad nga hingpit alang kanako. Dili na ako mouban kaninyo hangtod dili ninyo laglagon ang mga butang nga gihalad na sa hingpit kanako.