Joel 2:29 - Ang Pulong sa Dios

²⁹ Nianang mga adlawa ihatag ko ang akong Espiritu bisan sa mga sulugoon nga lalaki ug babaye.

Ang Biblia 2011

²⁹ Bisan nganha sa mga sulugoong lalaki ug sa mga sulugoong babaye niadtong mga adlawa, ibubo nako ang akong espiritu.

Maayong Balita Biblia

²⁹ Niadtong panahona ibubo ko ang akong espiritu bisan pa sa mga ulipon nga lalaki ug babaye.

Ang Bag-ong Maayong Balita Biblia

²⁹ Niadtong panahona ibubo ko ang akong espiritu bisan pa sa mga ulipon nga lalaki ug babaye.

Joel 2:29 Cross References

Ezequiel 36:27

Hatagan ko usab kamo sa akong Espiritu aron masunod ninyo pag-ayo ang akong mga tulomanon ug mga lagda.

Ezequiel 37:14

Ihatag ko ang akong Espiritu kaninyo ug mabuhi kamo, ug papuy-on ko kamo sa inyong kaugalingong yuta. Unya mahibaloan ninyo nga ako mao ang  Ginoo. Kon unsa ang akong gisulti, ginatuman ko. Ako, ang  Ginoo, ang nag-ingon niini.”

Zacarias 12:10

“Hatagan ko ang mga kaliwat ni David ug ang mga lumulupyo sa Jerusalem sa espiritu nga maluloy-on ug mainampoon. Tan-awon nila siya, nga ilang gipatay, ug manghilak sila sama sa ginikanan nga gahilak sa pagkamatay sa ilang bugtong anak o kamagulangang anak.

1 Mga Taga-Corinto 12:13

Kay kitang tanan, Judio man o dili, ulipon man o gawasnon, gibautismohan diha sa usa lang ka Espiritu aron mahimong usa ka lawas. Ug usa pud ka Espiritu ang ania kanatong tanan.

Mga Taga-Galacia 3:28

Karon managsama na lang ang mga Judio ug ang mga dili Judio, ang mga ulipon ug ang mga dili ulipon, ang mga lalaki ug ang mga babaye. Kitang tanan managsama na lang tungod kay kita anaa na kang Cristo Jesus.

Mga Taga-Colosas 3:11

Sa ingon niini walay kalainan, Judio man o dili Judio, tinuli man o dili tinuli, mga luog o bisan pa ang labing ubos kanila, mga ulipon o dili ulipon, kay si Cristo mao ang tanan ug anaa siya kanatong tanan.