Jeremias 9:9 - Ang Pulong sa Dios

⁹ Dili ko ba diay sila silotan tungod niini? Dili ko ba diay panimaslan ang nasod nga sama niini? Ako, ang  Ginoo, ang nag-ingon niini.”

Ang Biblia 2011

⁹ Dili ba nako sila silotan tungod niining mga butanga? nag-ingon ang Ginoo; dili ba ako manimalos batok sa usa ka nasod nga sama niini?

Maayong Balita Biblia

⁹ Dili ko ba lang sila silotan tungod niini? Dili ko ba lang panimaslan ang katawhan nga sama niini? Ako, ang Ginoo, ang nagsulti niini.”

Ang Bag-ong Maayong Balita Biblia

⁹ Dili ko ba lang sila silotan tungod niini? Dili ko ba lang panimaslan ang katawhan nga sama niini? Ako, ang Ginoo, ang nagsulti niini.”

Jeremias 9:9 Cross References

Isaias 1:24

Busa miingon ang  Ginoo, ang Makagagahom nga Dios sa Israel, “Manimalos ako kaninyo nga akong mga kaaway, aron dili na ako mahasol pa sa inyong ginahimo.

Isaias 10:3

Unsay inyong buhaton sa adlaw nga silotan kamo? Unsay inyong himuon inig-abot sa katalagman gikan sa halayo? Kinsay inyong pangayoan ug tabang? Ug asa man ninyo tagoan ang inyong bahandi?

Isaias 57:6

Ang hamis nga mga bato sa mga lugut mao ang inyong mga dios. Gisimba ninyo kini pinaagi sa paghalad ug mga halad nga ilimnon ug mga halad sa pagpasidungog. Malipay ba ako niining inyong gihimo?

Jeremias 12:11

Gihimo nila kining usa ka dapit nga dili na mapuslan sa akong atubangan. Nahimo kining awaaw, kay wala may nagtagad niini.

Jeremias 12:4

Hangtod kanus-a magpabilin nga uga ang yuta ug laya ang mga sagbot sa tanang kaumahan? Nangamatay ang mga hayop ug ang mga langgam tungod sa pagkadaotan sa mga katawhan nga nagpuyo sa mao nga yuta. Kay nag-ingon sila, “Wala manghilabot ang Dios sa atong dangatan.”

Jeremias 4:25

Nakita ko usab nga wala nay mga tawo, ug ang tanang langgam nanglupad na.

Jeremias 5:29

Ako, ang  Ginoo, nag-ingon: Dili ba angay ko silang silotan tungod niini? Dili ba angay kong panimaslan ang nasod nga sama niini?

Jeremias 5:9

Dili ba nako sila angayng silotan tungod niini? Dili ba nako angayng balosan ang nasod nga sama niini? Ako, ang  Ginoo, ang nag-ingon niini.

Oseas 4:3

Tungod niini nagmala ang inyong yuta ug nangamatay ang tanang nagpuyo niini, apil ang tanang klasi sa mga mananap nga naglakaw, naglupad, ug naglangoy.

Joel 1:19

Nagpanawag ako kanimo, Ginoo, kay nangalaya ang mga sibsiban ug ang tanang kahoy sa kaumahan nga daw sa gilamoy sa kalayo.

Amos 5:1

Mga Israelinhon, pamatia ninyo kining awit sa pagbangotan alang kaninyo:

Amos 5:2

“Ang Israel sama sa usa ka dalagang putli nga nalaglag ug dili na gayod makabangon pag-usab. Gipasagdan siya diha sa iyang yuta ug walay mopabangon kaniya.”