Jeremias 9:17 - Ang Pulong sa Dios

¹⁷ Nagpadayon sa pag-ingon ang  Ginoo nga Makagagahom, “Pamalandongi ninyo ang mga panghitabo! Panawga ninyo ang mga babaye nga tigbangotan, labi na gayod kadtong hanas niini.

Ang Biblia 2011

¹⁷ Mao kini ang giingon sa Ginoo sa mga panon: “Palandonga kini ninyo, ug ipatawag ang mga babaye nga tigbangutan aron moanhi; paadtoi ang mga batid nga mga babaye aron moanhi;

Maayong Balita Biblia

¹⁷ Nag-ingon ang Ginoo nga Labing Gamhanan, “Palandonga kini ug ipatawag ang mga tigbangotan ug ang mga babayeng batid moawit sa mga alawiton alang sa paglubong.”

Ang Bag-ong Maayong Balita Biblia

¹⁷ Nag-ingon ang Ginoo nga Labing Gamhanan, “Palandonga kini ug ipatawag ang mga tigbangotan ug ang mga babayeng batid moawit sa mga alawiton alang sa paglubong.”

Jeremias 9:17 Cross References

2 Cronicas 35:25

Naghimo si Jeremias ug mga awit sa pagbangotan alang kang Josia, ug hangtod karon giawit pa kini sa mga mag-aawit sa paghinumdom kaniya. Ang maong mga awit sa pagbangotan nahimo nang kabahin sa tradisyon sa Israel, ug nasulat kini sa Libro sa Mga Pagbangotan.

Job 3:8

Hinaut nga panghimaraoton kadtong gabhiona sa mga tigpanghimaraot nga makabalong mopukaw sa Leviatan.

Ecclesiastes 12:5

Mahadlok ka na sa habog nga dapit ug peligro na alang kanimo ang paglakaw-lakaw sa karsada. Moputi na ang buhok sa imong ulo, mag-aginod ka na, ug mawala na ang imong lawasnong tinguha. Sa kaulahian, moadto ka na sa dapit nga imong puy-an sa walay kataposan, ug daghan ang magsubo alang kanimo sa mga karsada.

Jeremias 7:29

“O mga taga-Jerusalem, pagpakiskis kamo sa inyong ulo ug ilabay ang inyong buhok sa pagpakita sa inyong pagsubo. Pagbangotan kamo didto sa taas nga mga dapit, kay gisalikway ug gipasagdan na sa Ginoo ang inyong henerasyon nga nagpalagot kaniya.”

Mga Pagbangotan 2:5

Sama sa usa ka kaaway, gilaglag sa Ginoo ang Israel. Giguba niya ang pinarilan nga mga lungsod sa Israel ug ang tanang lig-ong bahin niini. Gidugangan niya ang kasubo ug panaghilak sa Juda.

Ezequiel 27:2

“Tawo, pag-awit ug usa ka awit sa pagbangotan alang sa Tiro,

Ezequiel 32:16

“Mao kini ang awit sa pagbangotan nga awiton sa mga nagpuyo sa mga nasod alang sa Ehipto ug sa tanan niya nga mga nagpuyo. Ako, ang Ginoong Dios, ang nag-ingon niini.”

Amos 5:1

Mga Israelinhon, pamatia ninyo kining awit sa pagbangotan alang kaninyo:

Miqueas 2:4

Nianang adlawa bugal-bugalan kamo sa mga tawo pinaagi sa awit sa pagminatay nga nag-ingon, ‘Gilaglag kami sa hingpit! Gikuha sa Ginoo ang among yuta ug gihatag sa mga maluibon.’ ”

Mateo 9:23

Mipadayon si Jesus ngadto sa balay sa pangulo. Sa pagsulod niya, nakita niya ang mga musikero alang sa lubong ug ang mga tawo nga nagkaguliyang.

Marcos 5:38

Sa pag-abot nila didto sa balay ni Jairo nakita ni Jesus nga nagkaguliyang ang mga tawo. Ug adunay nanghilak ug nagminatay.