Jeremias 9:15 - Ang Pulong sa Dios

¹⁵ Busa ako, ang  Ginoo nga Makagagahom, ang Dios sa Israel, nag-ingon nga pakan-on ko kining mga tawhana ug pait nga mga pagkaon ug paimnon ug tubig nga adunay hilo.

Ang Biblia 2011

¹⁵ Busa mao kini ang giingon sa Ginoo sa mga panon, ang Dios sa Israel: Akong pakaonon ug panyawan kining katawhan ug hatagan nako sila ug makahilo nga tubig aron imnon.

Maayong Balita Biblia

¹⁵ Busa, pamati niining pulong sa Ginoo nga Labing Gamhanan, ang Dios sa Israel. Pakan-on ko kining maong katawhan ug panyawan ug paimnon ko silag hilo.

Ang Bag-ong Maayong Balita Biblia

¹⁵ Busa, pamati niining pulong sa Ginoo nga Labing Gamhanan, ang Dios sa Israel. Pakan-on ko kining maong katawhan ug panyawan ug paimnon ko silag hilo.

Jeremias 9:15 Cross References

Salmo 60:3

Gipaantos mo kami sa hilabihan gayod. Gasusapinday kami; daw sa gihubog mo kami ug bino.

Salmo 69:21

Gibutangan hinuon nila ug hilo ang akong pagkaon, ug sa dihang giuhaw ako gihatagan nila ako ug suka.

Salmo 75:8

Kay nagkupot ang  Ginoo ug kopa nga puno sa bag-ong bino nga labihan kaisog timaan sa iyang kasuko. Ibubo niya kini, ug imnon sa tanang daotang tawo sa kalibotan hangtod ang kataposang tulo niini.

Salmo 80:5

Daw sa gipakaon mo kamig kagul-anan ug gipainom ug daghang mga luha.

Isaias 2:17

Nianang adlawa, ang  Ginoo lamang maoy pasidunggan. Ipaubos niya ang mga mapasigarbohon ug ang mga mapahitas-on.

Isaias 2:22

Ayaw na kamo pagsalig sa tawo kay mamatay ra siya. Unsa ba gayod ang iyang matabang?

Jeremias 23:15

“Busa ako, ang  Ginoo nga Makagagahom, nag-ingon bahin niini nga mga propeta: Pakan-on ko silag pait nga pagkaon ug paimnon ug tubig nga adunay hilo. Kay tungod kanila mikuyanap ang kadaotan sa tibuok yuta.”

Jeremias 24:10

Padad-an ko silag gira, kagutom, ug balatian hangtod nga mahurot silag kamatay sa yuta nga gihatag ko kanila ug sa ilang mga katigulangan.”

Jeremias 25:15

Miingon kanako ang  Ginoo, nga Dios sa Israel, “Kuhaa sa akong kamot kining kopa nga puno sa akong kasuko ug ipainom sa tanang kanasoran diin ka nako ipadala.

Jeremias 44:27

Kay imbis nga bantayan ko kamo alang sa inyong kaayohan, silotan ko kamo. Mangamatay kamo sa Ehipto pinaagi sa gira o kagutom hangtod nga wala nay mahibilin kaninyo.

Jeremias 49:37

Laglagon ko sila atubangan sa ilang mga kaaway nga buot mopatay kanila. Sa akong labihan nga kasuko, laglagon ko sila. Ipasulong ko sila sa mga kaaway hangtod nga mahurot silang tanan.

Jeremias 8:14

“Unya moingon sila, ‘Unsa pa may atong gihulat? Dali, mangadto kita sa pinarilan nga mga lungsod ug didto kita magpakamatay, kay gihukman na kita nga patyon sa Ginoo nga atong Dios. Daw sama lang nga gihatagan niya kita ug tubig nga adunay hilo aron atong imnon, tungod kay nakasala kita kaniya.

Mga Pagbangotan 3:15

Pulos kapaitan ang gihatag niya kanako.

Mga Pagbangotan 3:19

Pait kaayong pamalandongon ang akong pag-antos ug paglatagaw.

Ezequiel 5:12

Bahinon ko kamo sa tulo ka bahin. Ang unang bahin mangamatay diha sa siyudad pinaagi sa kagutom ug mga sakit. Ang ikaduhang bahin mangamatay sa gawas sa siyudad pinaagi sa espada. Ug ang ikatulong bahin katagon ko sa tibuok kalibotan ug padayon ko silang lisod-lisoron.

Ezequiel 5:2

Ibutang ang usa ka bahin sa tisa nga gikulitan mo sa Jerusalem, ug sunoga kini diha sa taliwala sa siyudad human mo mapakita ang pagsulong niini. Ibutang ang usa pa ka bahin sa palibot sa siyudad ug tigbas-tigbasa kini sa imo nga espada. Ang nahibilin nga bahin isabwag sa kahanginan, kay katagon ko ang akong katawhan pinaagi sa espada.

Deuteronomio 28:36

“Kamo ug ang inyong pinili nga hari ipabihag sa Ginoo sa nasod sa diin kamo ug ang inyong mga katigulangan wala masuhito. Didto mosimba kamo sa ubang mga dios nga hinimo sa kahoy ug bato.

Deuteronomio 29:18

Siguroha ninyo nga wala kaninyoy lalaki, babaye, panimalay, o tribo nga mobiya sa Ginoo nga atong Dios ug mosimba sa mga dios niadto nga mga nasod aron walay bisan usa kaninyo nga mahisama sa gamot sa tanom nga naghatag ug pait ug makahilo nga bunga.

Gipadayag 8:11

Ang ngalan niadtong bitoon “Pait.” Busa ang ikatulo nga bahin sa mga tubig mipait, ug daghang mga tawo ang nangamatay tungod sa pag-inom nila niini.