Jeremias 8:7 - Ang Pulong sa Dios

⁷ Ang talabon, ang salampati, ang sayaw, ug ang lapay nahibalo kon kanus-a mobalhin ngadto sa ubang mga dapit ug kanus-a sila mobalik, apan kamong akong mga katawhan wala mahibalo sa akong kasugoan.

Ang Biblia 2011

⁷ Bisan ang talabon sa kalangitan nahibalo sa iyang mga panahon; ug ang tukmo, ang sayaw ug ang lapay nagbantay sa panahon sa ilang pag-abot; apan ang akong katawhan wala mahibalo sa tulumanon sa Ginoo.

Maayong Balita Biblia

⁷ Gani ang naglupad nga tabon nasayod man kon kanus-a ang tingpauli; ang salampati, ang sayaw ug ang lapay nasayod usab kon kanus-a ang tinglangyaw. Apan kamong katawhan ko wala masayod sa akong balaod.

Ang Bag-ong Maayong Balita Biblia

⁷ Gani ang naglupad nga tabon nasayod man kon kanus-a ang tingpauli; ang salampati, ang sayaw ug ang lapay nasayod usab kon kanus-a ang tinglangyaw. Apan kamong katawhan ko wala masayod sa akong balaod.

Jeremias 8:7 Cross References

Awit sa mga Awit 2:12

Namukhad na ang mga bulak sa kapatagan, ug panahon na sa pag-awit. Madungog na diha sa kaumahan ang tingog sa mga salampati.

Isaias 1:3

Bisan gani ang mga baka makaila sa ilang agalon, ug ang mga asno makatultol sa pasungan nga pakan-an kanila sa ilang agalon, apan ang Israel nga akong katawhan wala makasabot, wala makaila kanako.”

Isaias 27:11

Ug sa dihang nangalaya ug nangabali ang mga sanga, gitigom kini sa mga babaye aron isugnod. Tungod kay ang mga katawhan niini walay pagtagad, dili sila kaloy-an sa Dios nga nagbuhat kanila.

Isaias 5:12

Sa inyong mga kombira aduna kamoy mga banda ug bino. Apan wala ninyo tagda ang mga buhat sa Ginoo.

Jeremias 4:22

Miingon ang  Ginoo, “Buang-buang ang akong katawhan. Wala sila makaila kanako. Sama sila sa mga batang walay panabot. Hanas silang mohimo ug daotan; dili sila mahibalong mobuhat ug maayo.”

Jeremias 5:6

Busa sulongon sila sa ilang mga kaaway nga daw liyon nga gikan sa kalasangan o daw bangis nga iro nga gikan sa disyerto o daw mananap nga leopardo nga mag-atang duol sa ilang mga lungsod ug mokunis-kunis sa bisan kinsa nga mogawas. Mahitabo kini kanila kay nanobra na ang ilang pagkamasinupakon sa Dios, ug makadaghan na sila nga mitalikod kaniya.

Habacuc 1:4

Busa ang balaod paralisado, ug ang hustiya dili gayod modaug. Ang mga daotan mitago sa sidsid sa mga matarong mao nga ang hustisya nahimong hiwi.

Zacarias 5:9

Unya nakita ko ang duha ka babaye nga naglupad nga gipalid sa hangin. Ang ilang mga pako sama sa pako sa talabon. Gialsa nila ang bukag paibabaw.