Jeremias 8:6 - Ang Pulong sa Dios

⁶ Gipaminaw kog maayo ang inyong gipanulti ug wala kamoy gisulti nga sakto. Walay bisan usa kaninyo nga naghinulsol sa iyang kadaotan. Wala gayoy nakaingon, ‘Unsa kining akong nahimo?’ Tanan kaninyo abtik kaayong magpakasala, daw mga kabayo kamo nga mipaturatoy ug dagan ngadto sa gira.

Ang Biblia 2011

⁶ Ako nagtagad ug namati, apan wala sila magsulti sa matarong; walay tawo nga naghinulsol sa iyang pagkadaotan nga nag-ingon, ‘Unsa bay akong nabuhat?’ Ang matag usa nagpadayon sa iyang kaugalingong dalan, sama sa kabayo nga nagdagan paingon sa gubat.

Maayong Balita Biblia

⁶ Namati ako kaninyo pag-ayo apan bakak ang gipanulti ninyo. Walay usa kaninyo nga nagbasol sa daotan ninyong binuhatan o may nangutana, ‘Unsa may daotan nga akong nabuhat?’ Ang matag usa nagpaturatoy lag subay sa iyang kaugalingong dalan, daw kabayong nagdagan paingon sa gubat.

Ang Bag-ong Maayong Balita Biblia

⁶ Namati ako kaninyo pag-ayo apan bakak ang gipanulti ninyo. Walay usa kaninyo nga nagbasol sa daotan ninyong binuhatan o may nangutana, ‘Unsa may daotan nga akong nabuhat?’ Ang matag usa nagpaturatoy lag subay sa iyang kaugalingong dalan, daw kabayong nagdagan paingon sa gubat.

Jeremias 8:6 Cross References

Job 10:2

Mao kini ang isulti ko sa Dios: ‘Ayaw ako hukmi nga daotan ako, kondili pahibaloa ako kon unsay sumbong mo batok kanako.

Job 34:31

“Job, nganong dili ka man moduol sa Dios ug moingon, ‘Nakasala ako, apan dili na ako magpakasala pa’ o

Job 34:32

‘Ipadayag kanako ang akong sala. Kon nakasala ako, dili ko na kini buhaton pag-usab.’

Salmo 14:2

Didto sa langit nagtan-aw ang  Ginoo sa mga tawo aron pagsusi kon aduna bay nakasabot sa kamatuoran ug nagdangop sa Dios.

Isaias 30:18

Apan naghulat ang  Ginoo nga moduol kamo kaniya aron ikapakita niya ang iyang kaluoy kaninyo. Andam siya mopakita sa iyang pagkahangawa kaninyo. Kay ang  Ginoo matarong nga Dios, ug bulahan ang tanang nagsalig kaniya.

Isaias 57:17

Nasuko ako tungod sa sala ug pagkahakog sa Israel, busa gisilotan ko sila ug gitalikdan. Apan nagpadayon gihapon sila sa pagpakasala.

Isaias 59:16

Natingala siya sa dihang iyang nakita nga wala gayoy bisan usa nga mitabang sa mga dinaog-daog, busa gigamit niya ang iyang gahom sa pagluwas kanila. Sa iyang pagkamatarong, tabangan niya sila.

Jeremias 23:25

“Nadungog ko ang bakak nga gipanulti sa mga propeta sa akong ngalan. Nag-ingon sila, ‘Gihatagan kami sa Ginoo ug mensahe pinaagi sa damgo!’

Jeremias 3:5

Kanunay ka na lang bang masuko kanako? Magpadayon ba ang imong kasuko hangtod sa kahangtoran?’ Mao kini kanunay ang inyong gisulti, apan gihimo gihapon ninyo ang tanang kadaotan nga gusto ninyong himuon.”

Jeremias 5:1

Miingon ang  Ginoo, “Mga lumulupyo sa Jerusalem, pangadto kamo sa mga kadalanan! Tan-awa ang mga plasa! Kon aduna kamoy makita nga bisan usa lang ka tawong matarong ug kasaligan, pasayloon ko ang inyong siyudad.

Ezequiel 18:28

Dili siya mamatay tungod kay gitalikdan niya ang tanan niya nga sala.

Ezequiel 22:30

“Nangita akog usa ka tawo nga makapanalipod sa siyudad ug makapataliwala kanako ug sa mga tawo aron dili ko gub-on kini nga siyudad, apan wala gayod akoy nakita.

Daniel 9:11

Nakalapas ang tanang Israelinhon sa imong Kasugoan; nagdumili sila sa pagtuman sa imong gisulti. “Tungod sa among pagpakasala, miabot kanamo ang tunglo nga nasulat sa Kasugoan ni Moises nga imong alagad.

Miqueas 7:2

Ang buot kong ipasabot, wala na akoy nakitang tawo sa Israel nga matinud-anon sa Dios. Wala nay nabiling matarong nga tawo. Ang matag-usa naghulat ug higayon sa pagpatay sa iyang katagilungsod; giandaman nila ug lit-ag ang ilang isigka-tawo.

Sofonias 3:7

Sa Jerusalem ako nagtuo, ikaw mahadlok kanako ug modawat ug koreksyon, unya ang iyang dapit nga dangpanan dili na gub-on, o ang tanan kong mga silot modangat pa kaniya. Apan mainiton gihapon silang mobuhat ug kadaotan sa tanan nilang gibuhat.

Hageo 1:5

Karon mao kini ang giingon sa Ginoo nga Makagagahom: Huna-hunaa ninyo pag-ayo ang inyong mga pamaagi.

Hageo 1:7

Mao kini ang giingon sa Ginoo nga Gamhanan: “Huna-hunaa ninyo pag-ayo ang inyong mga pamaagi.

Malaquias 3:16

Unya kadtong mga nagtahod sa Ginoo nagsultihanay. Namati kanila ang  Ginoo ug nadungog niya ang ilang gihisgotan. Gisulat ang ilang mga ngalan sa libro nga anaa sa presensya sa Ginoo, aron mahinumdoman niya sila nga nagtahod ug nahinumdom kanunay kaniya.

2 Pedro 3:9

Ang uban naghuna-huna nga gilangay-langay sa Ginoo ang pagtuman sa iyang saad. Apan ang tinuod, wala siya maglangay-langay kondili naghulat siya nga maghinulsol ang mga tawo sa ilang mga sala, tungod kay dili niya buot nga adunay mawala.

Gipadayag 9:20

Apan ang mga tawo nga nahibilin, nga wala mangamatay pinaagi niining tulo ka mga katalagman, wala gihapon maghinulsol sa ilang daotan nga mga binuhatan ug wala gayod mobiya sa mga dios-dios nga ilang gibuhat. Nagpadayon pa gihapon sila sa pagsimba sa mga demonyo ug sa mga rebulto nga bulawan, plata, bronsi, bato, ug kahoy. Kini nga mga rebulto dili makakita, dili makadungog, ug dili makalakaw.