Jeremias 8:21 - Ang Pulong sa Dios

²¹ Hilabihan ang akong kasakit tungod sa kasakit nga nahiagoman sa akong mga katagilungsod. Nagbangotan ako ug hilabihan ang akong kaguol.

Ang Biblia 2011

²¹ Tungod sa samad sa anak nga babaye sa akong katawhan, nasamdan ang akong kasingkasing, ako nagsubo, ug ang kaluya miabot kanako.

Maayong Balita Biblia

²¹ Nadugmok ang akong kasingkasing kay nalaglag man ang akong katawhan; nagbangotan ug nawad-an na akog kadasig.

Ang Bag-ong Maayong Balita Biblia

²¹ Nadugmok ang akong kasingkasing kay nalaglag man ang akong katawhan; nagbangotan ug nawad-an na akog kadasig.

Jeremias 8:21 Cross References

Nehemias 2:3

apan mitubag ako sa hari, “Malungtarong kinabuhi alang sa Mahal nga Hari! Masulob-on ako tungod kay ang lugar nga gilubngan sa akong mga katigulangan guba ug nasunog ang mga ganghaan niini.”

Jeremias 14:17

“Jeremias, isulti kini sa mga tawo, “ ‘Adlaw ug gabii walay hunong ang akong paghilak kay grabe ang samad sa akong katawhan nga giisip ko nga akong putli nga anak, ug nasakitan gayod sila.

Jeremias 14:2

“Nagbangotan ang Juda. Huyang na ang mga tawo sa iyang mga lungsod. Nangyaka sa yuta ang iyang mga lumulupyo tungod sa kasubo, ug madungog ang mga pagtiyabaw gikan sa Jerusalem.

Jeremias 17:16

O Ginoo, wala ako magpasagad sa akong buluhaton isip magbalantay sa imong katawhan. Wala gayod ako magtinguha nga padad-an mo silag katalagman. Nasayod ka sa akong gipanulti.

Jeremias 4:19

Dili ko na maagwanta ang akong kaguol. Labihan gayod ang akong pag-agulo. Gikumot ang kasing-kasing ug dili ako mahimutang. Kay nadungog ko ang tingog sa budyong ug ang singgit sa pakig-gubat.

Jeremias 8:20

Mireklamo ang mga tawo, “Human na man unta ang ting-init, ug nahuman na usab ang ting-ani, apan wala gihapon kami maluwas!”

Jeremias 9:1

Kon ang akong ulo tinubdan pa sa tubig, ug ang akong mga mata tuboran sa mga luha, mohilak ako adlaw ug gabii alang sa akong mga katagilungsod nga gipamatay.

Mga Pagbangotan 3:1

Nakasinati ako sa pagsilot sa Ginoo tungod sa iyang kasuko.

Joel 2:6

Ang mga tawo nga makakita kanila mangahadlok ug mangluspad.

Nahum 2:10

Gikuha na ang tanan! Gikawatan, gihukasan! Natunaw ang mga kasingkasing, nangalusno ang mga tuhod, nangurog ang mga lawas, ug nangluspad ang mga panagway.

Lucas 19:41

Sa nagkaduol na si Jesus sa Jerusalem, ug sa dihang nakita niya kini, mihilak siya.