Jeremias 8:12 - Ang Pulong sa Dios

¹² Naulaw ba sila sa ilang mangil-ad nga mga batasan? Wala! Kay wala na silay ulaw! Dili man lang gani mahilaw ang ilang mga dagway. Busa ipaubos sila sa panahon nga sila silotan. Ako, ang  Ginoo, nag-ingon nga mangalaglag sila sama sa uban.

Ang Biblia 2011

¹² Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Maayong Balita Biblia

¹² Katawhan ko, gikaulaw ba ninyo ang inyong mga buhat nga daotan? Wala, bisan na lag diyutay unta. Busa pamatyon kamo sama sa uban; inigsilot ko kaninyo, wala gayoy makaikyas bisag usa. Ako, ang Ginoo, ang nag-ingon niini.

Ang Bag-ong Maayong Balita Biblia

¹² Katawhan ko, gikaulaw ba ninyo ang inyong mga buhat nga daotan? Wala, bisan na lag diyutay unta. Busa pamatyon kamo sama sa uban; inigsilot ko kaninyo, wala gayoy makaikyas bisag usa. Ako, ang Ginoo, ang nag-ingon niini.

Jeremias 8:12 Cross References

Genesis 19:34

Pagkasunod nga adlaw, miingon ang magulang sa iyang manghod, “Nakighilawas ako sa atong amahan kagabii. Karong gabii, paimnon na usab nato siya ug bino hangtod nga mahubog siya, ug ikaw na usab ang makighilawas kaniya aron makabaton kitang duha ug anak pinaagi kaniya.”

Salmo 52:1

Kamong gamhanan nga mga tawo, nganong gipasigarbo man ninyo ang inyong pagkadaotan? Dili ba nga ang Dios maayo man kanunay kaninyo?

Salmo 52:7

“Tan-awa ninyo ang mga tawo nga wala mosalig sa Dios ingon nga ilang tigpanalipod. Misalig hinuon sila sa ilang daghang bahandi ug nahimo silang labaw pa kagamhanan pinaagi sa pagpanglaglag sa uban.”

Isaias 24:2

Usa lang ang dangatan sa tanan, pari o lumulupyo, agalon o sulugoon, tigbaligya o tigpalit, tigpautang o tigpangutang.

Isaias 3:9

Makita sa ilang dagway nga sila sad-an. Gipasundayag nila ang ilang pagpakasala sama sa gihimo sa taga-Sodom. Wala kini nila ikaulaw. Alaot sila! Sila mismo ang nagdalag kalaglagan sa ilang kaugalingon.

Jeremias 10:15

Talamayon kini ug walay pulos. Sa panahon sa pagsilot malaglag silang tanan.

Jeremias 14:15

Busa ako, ang  Ginoo, nag-ingon nga silotan ko kining mga bakakon nga propeta. Nanagna sila sa akong ngalan bisan wala ko sila ipadala. Nag-ingon sila nga walay gira o kagutom nga moabot niini nga nasod. Apan malaglag sila pinaagi sa gira ug kagutom.

Jeremias 23:12

Busa mahimong danlog ug ngitngit ang ilang dalan. Magkapandol-pandol ug mangasukamod sila kay padad-an ko silag kalaglagan sa panahon nga silotan ko sila. Ako, ang  Ginoo, ang nag-ingon niini.

Jeremias 3:3

Mao kana ang hinungdan nga wala mag-ulan sa panahon sa ting-ulan. Apan bisan pa niana, gahi gihapon kamog ulo. Sama sa babayeng nagbaligya sa iyang dungog, wala gayod kamoy ulaw.

Jeremias 44:10

Hangtod karon wala pa gihapon kamo magpaubos sa inyong kaugalingon ug wala motahod kanako. Wala usab kamo motuman sa akong balaod ug sa mga kasugoan nga akong gihatag kaninyo ug sa inyong mga katigulangan.’

Jeremias 6:15

Naulaw ba sila sa ilang daotang mga binuhatan? Wala, kay wala na silay ulaw! Dili man lang gani sila mahilaw. Busa mangamatay sila sama sa uban. Malaglag sila sa panahon nga silotan ko na sila. Ako, ang  Ginoo, ang nag-ingon niini.”

Jeremias 6:21

Busa kini ang gisulti sa  Ginoo: “Magbutang ako ug kapandolanan niining mga tawhana. Tungod niini, malaglag ang mga amahan ug mga anak nga lalaki, apil ang managhigala ug managsilingan.”

Ezequiel 23:18

“Gikapungtan ko si Olibah ug gitalikdan sama sa akong gihimo sa iyang igsoon tungod kay dayag gayod ang iyang padayon nga pagbaligya sa iyang dungog.

Oseas 5:9

Malaglag ang Israel sa adlaw sa pagsilot. Mahitabo gayod ang akong giingon batok sa mga tribo sa Israel!

Sofonias 3:5

Ang Ginoo nga anaa kaniya matarong; wala siya magbuhat ug sayop. Matag buntag gihatag niya ang iyang hustisya, ug matag buntag dili gayod siya mopakyas. Apan ang dili matarong dili sila mobati ug kaulaw.

Deuteronomio 32:35

Manimalos ang Ginoo ug magsilot kanila, kay moabot ang panahon nga madakin-as gayod sila. Hapit na moabot ang ilang kalaglagan.”

Mga Taga-Filipos 3:19

Ang dangatan niini nga mga tawo mao ang kalaglagan, kay ang ilang tiyan mao ang ilang gipakadios. Gipasigarbo pa nila ang mga butang nga angay unta nilang ikaulaw. Ang gihuna-huna nila mao lang ang mga butang dinhi sa kalibotan.