Jeremias 7:32 - Ang Pulong sa Dios

³² Busa pangandam kamo, kay ako, ang  Ginoo, nag-ingon nga moabot ang panahon nga ang mga tawo dili na motawag niining lugara ug Tofet o Walog sa Ben Hinom kondili Kapatagan nga Gipamatay. Kay ipanglubong nila didto ang daghan kaayong mga patay hangtod nga wala nay dapit nga malubngan.

Ang Biblia 2011

³² Busa, tan-awa, ang mga adlaw nagsingabot, nag-ingon ang Ginoo, nga dili na kini tawgon nga Tofet o ang walog sa anak ni Hinom, kondili ang walog sa Pag-ihaw: kay sila naglubong didto sa Tofet hangtod wala nay dapit bisan diin.

Maayong Balita Biblia

³² Ug moabot na gayod ang panahon nga dili na kini nganlag Tofet o Walog sa Hinom. Nganlan na kinig Walog sa Kamatay kay ipanglubong nila ang daghang tawo didto sa Tofet kay wala nay dapit nga kalubngan.

Ang Bag-ong Maayong Balita Biblia

³² Ug moabot na gayod ang panahon nga dili na kini nganlag Tofet o Walog sa Hinom. Nganlan na kinig Walog sa Kamatay kay ipanglubong nila ang daghang tawo didto sa Tofet kay wala nay dapit nga kalubngan.

Jeremias 7:32 Cross References

2 Mga Hari 23:10

Gipaguba usab ni Haring Josia ang halaran sa Tofet, sa Walog sa Ben Hinom, aron wala na didtoy maghalad sa iyang anak sa kalayo alang kang Molec.

Jeremias 19:11

Ingna sila nga ako, ang  Ginoo nga Makagagahom, nag-ingon, ‘Dugmokon ko ang nasod sa Juda ug ang siyudad sa Jerusalem sama nga gidugmok ang banga ug dili na maayo pa. Ipanglubong ang daghan kaayong mga patay sa Tofet hangtod nga wala nay luna nga kalubngan pa.

Jeremias 19:13

Oo, ang tanang pinuy-anan sa Jerusalem, lakip ang mga palasyo sa mga hari sa Juda, isipong hugaw sama sa Tofet. Sa atop niini nga mga pinuy-anan nagsunog ang mga tawo ug mga insenso alang sa ilang dios nga mga bitoon, ug naghalad ug mga halad nga ilimnon alang sa ubang mga dios.’ ”

Jeremias 19:2

pangadto kamo sa Walog sa Ben Hinom, duol sa Ganghaan sa Buak nga Kolon. Ug didto ipahayag ang akong isulti kanimo.

Jeremias 19:6

Busa, pangandam kamo, kay ako, ang  Ginoo, nag-ingon nga moabot ang panahon nga ang mga tawo dili na motawag niini nga dapit nga Tofet o Walog sa Ben Hinom, kondili Kapatagan nga Gipamatay.

Jeremias 31:40

Ang tibuok lugut nga labayanan sa mga patayng lawas ug sa mga abo sa mga halad, apil ang tanang kaumahan sa Kapatagan sa Kidron sa sidlakan, hangtod sa ganghaan nga ginaagian sa mga kabayo didto sa amihan, igahin alang kanako. Dili na gayod malaglag o mapukan pag-usab kini nga siyudad.”

Jeremias 7:31

Nagpatindog usab silag simbahanan diha sa habog nga mga dapit sa Tofet, sa Walog sa Ben Hinom, aron didto nila sunogon ang ilang mga anak ingon nga ilang halad. Wala gayod ako magsugo niini kanila. Wala gani kini moabot sa akong huna-huna.

Ezequiel 6:4

Mangaguba ang inyong mga halaran apil na ang mga halaran nga sunoganan sa mga insenso, ug pamatyon ko ang inyong mga nagpuyo atubangan sa inyong mga dios-dios.

Levitico 26:30

Gub-on ko ang inyong mga simbahanan diha sa habog nga mga dapit, lakip ang mga halaran nga sunoganan sa insenso. Ug ilabay ko ang inyong mga patayng lawas ibabaw sa inyong mga patayng dios-dios, ug isalikway ko kamo.