Jeremias 6:8 - Ang Pulong sa Dios

⁸ Pasidaan kini kanimo, Jerusalem! Kon dili ka pa mamati, motalikod gayod ako kanimo ug himuon kong awaaw ang imong yuta aron wala nay magpuyo pa niini.”

Ang Biblia 2011

⁸ Pasidaan kini kanimo, O Jerusalem, kay tingali unya ug ako mahimulag kanimo; kay tingali unya ug himoon ko ikaw nga kamingawan, usa ka yuta nga walay magpuyo.”

Maayong Balita Biblia

⁸ Pasidaan kini kaninyo, katawhan sa Jerusalem; kon dili kamo magtagad niini, talikdan ko kamo; himoon ko ang inyong siyudad nga usa ka diserto diin wala nay tawong magpuyo.”

Ang Bag-ong Maayong Balita Biblia

⁸ Pasidaan kini kaninyo, katawhan sa Jerusalem; kon dili kamo magtagad niini, talikdan ko kamo; himoon ko ang inyong siyudad nga usa ka diserto diin wala nay tawong magpuyo.”

Jeremias 6:8 Cross References

Salmo 2:10

Busa, kamong mga hari ug mga pangulo sa kalibotan, sabta ninyo kining mga pulonga, ug pamatia ninyo ang mga pasidaan batok kaninyo.

Salmo 50:17

Gikasilagan ninyo ang akong pagdisiplina kaninyo; gisalikway ninyo ang akong gipangsulti.

Salmo 94:12

Ginoo, bulahan ang tawo nga imong gidisiplina ug gitudloan sa imong kasugoan.

Mga Panultihon 19:20

Pamatia ang mga tambag ug pagtul-id sa imong pamatasan aron magmaalamon ka sa umaabot.

Mga Panultihon 4:13

Ayaw gayod kalimti ang gihimo kong pagtul-id sa imong pamatasan; tipigi kini sa imong kasing-kasing kay imo kanang ikinabuhi.

Jeremias 17:23

Apan wala gayod sila maminaw kanako. Mga gahi silag ulo! Dili sila magpadisiplina.

Jeremias 2:15

Ang iyang mga kaaway daw liyon nga gangulob ngadto kaniya. Gilaglag nila ang iyang yuta; gipangguba ang iyang mga lungsod, ug nahimo kining awaaw.

Jeremias 31:19

Mibiya kami kanimo, apan naghinulsol kami. Sa dihang nakaamgo kami sa among sala, nakapanghinuktok kami sa kasubo. Naulaw kaayo kami sa among gipanghimo niadtong mga batan-on pa kami.”

Jeremias 32:33

Mitalikod sila kanako luyo sa akong pagsigeg tudlo kanila. Dili sila mamati ug dili gustong tudloan.

Jeremias 4:14

“Mga taga-Jerusalem, hinloi sa kadaotan ang inyong kasing-kasing aron maluwas kamo. Hangtod kanus-a magpabilin ang pagkadaotan sa inyong huna-huna?

Jeremias 7:20

“Busa ako, ang Ginoong Dios nag-ingon: Ipatagamtam ko ang labihan kong kasuko niining dapita, ngadto sa mga tawo, sa mga kahayopan, sa mga kahoy, ug sa mga abot sa yuta. Ang akong kasuko sama sa kalayo nga dili mapalong.”

Jeremias 7:28

Busa isulti kini kanila: Mao kini ang nasod nga ang mga katawhan dili motuman sa Ginoo nga ilang Dios, ug dili magpadisiplina. Wala na kanila ang kamatuoran; dili na gani sila mosulti sa tinuod.

Jeremias 7:34

Undangon ko ang kamaya ug kasadya diha sa kadalanan sa Jerusalem. Ang malipayon nga tingog sa bag-ong kasal dili na madunggan diha sa mga lungsod sa Juda. Kay mahimong awaaw kining yutaa.”

Jeremias 9:11

Kay miingon ang  Ginoo, “Laglagon ko ang Jerusalem, ug mahimo na lang kining puloy-anan sa ihalas nga mga iro. Himuon kong awaaw ang mga lungsod sa Juda ug wala nay magpuyo didto.”

Ezequiel 23:18

“Gikapungtan ko si Olibah ug gitalikdan sama sa akong gihimo sa iyang igsoon tungod kay dayag gayod ang iyang padayon nga pagbaligya sa iyang dungog.

Oseas 9:12

Bisan pa ug makapanganak sila, kuhaon ko ang tanan nilang mga anak ug magsubo kamo. Alaot gayod kamo kon biyaan ko na kamo.

Levitico 26:34

Samtang mga bihag kamo sa dapit sa inyong mga kaaway ug guba ang inyong dapit, makapahulay ang inyong yuta. Kay sa dihang nagpuyo pa kamo sa inyong yuta wala gayod ninyo kini papahulaya bisan sa tuig nga tingpahulay sa yuta. Apan karon makapahulay na gayod kini samtang guba pa.

Sofonias 3:7

Sa Jerusalem ako nagtuo, ikaw mahadlok kanako ug modawat ug koreksyon, unya ang iyang dapit nga dangpanan dili na gub-on, o ang tanan kong mga silot modangat pa kaniya. Apan mainiton gihapon silang mobuhat ug kadaotan sa tanan nilang gibuhat.

Deuteronomio 32:29

Kon maalamon lang sila, masabtan unta nila ang ilang dangatan.