Jeremias 6:7 - Ang Pulong sa Dios

⁷ Sama sa usa ka tuboran nga padayon ang pagdagayday sa tubig, padayon usab ang iyang paghimog daotan. Madungog kanunay dinhi niini nga siyudad ang pagpasakit ug pagpanglaglag. Ang balatian ug mga samad niini maoy kanunay kong makita.

Ang Biblia 2011

⁷ Ingon nga bag-o kanunay ang tubig sa atabay, gibag-o usab niya kanunay ang iyang pagkadaotan; ang kabangis ug pagpanglaglag nabati diha kaniya; ang balatian ug mga samad anaa kanunay sa akong atubangan.

Maayong Balita Biblia

⁷ Sama nga bag-o kanunay ang tubig sa atabay, bag-o usab kanunay ang pagkadaotan sa Jerusalem. Nasayod ako sa mga pagpinatyanay sulod sa siyudad. Nakita ko ang mga may balatian ug ang mga samaran.

Ang Bag-ong Maayong Balita Biblia

⁷ Sama nga bag-o kanunay ang tubig sa atabay, bag-o usab kanunay ang pagkadaotan sa Jerusalem. Nasayod ako sa mga pagpinatyanay sulod sa siyudad. Nakita ko ang mga may balatian ug ang mga samaran.

Jeremias 6:7 Cross References

Mga Panultihon 4:23

Bantayi pag-ayo ang imong huna-huna, kay kon unsay anaa sa imong huna-huna mao usab ang imong ikinabuhi.

Isaias 1:6

Gikan sa ulo hangtod sa lapa-lapa, wala gayoy bahin nga walay tatsa; nalukop kini sa mga samad, bun-og, ug kabahong. Wala man lang kini mahugasi, mabugkosi, ni mahidhirig lana.

Isaias 57:20

Apan ang mga daotan walay kalinaw. Sama sila sa baloron nga dagat nga gatulod sa mga sagbot ug hugaw sa daplin.

Jeremias 20:8

Kay sa matag sulti ko, kanunay akong maghisgot ug kalaglagan ug kagubot. Ang imong mensahe naghimo kanakong kataw-anan ug talamayon.

Jeremias 30:12

“Miingon pa gayod ang  Ginoo ngadto sa iyang katawhan: “ ‘Grabe na kaayo ang inyong mga samad. Dili na kini maulian.

Jeremias 30:13

Wala gayoy makatabang o makatambal kaninyo. Wala gayoy tambal alang kaninyo.

Jeremias 30:15

Nganong magpakitabang man kamo bahin sa inyong kasakit ug sa inyong samad nga wala nay kaayohan? Gihimo ko kini kaninyo kay grabe na kaayo ang inyong mga sala ug labihan na kadaghan.

Jeremias 32:31

Gikan pa sa pagkatukod niini nga siyudad hangtod karon, gipalagot na ako sa mga lumulupyo niini. Busa laglagon ko gayod kini.

Jeremias 8:22

Wala bay tambal sa Gilead? Wala bay mananambal didto? Nganong wala man maayo ang samad sa akong mga katagilungsod?

Ezequiel 21:29

Dili tinuod ang mga panan-awon ug mga tagna nga nadawat ninyo mahitungod sa espada. Ang tinuod, andam na ang espada sa pagputol sa mga liog sa daotan nga mga tawo. Ang panahon sa pagsilot kanila miabot na.

Ezequiel 24:7

“ ‘Kay ang iyang pagpamatay dayag sa tanan. Ang dugo sa iyang gipamatay gipasagdan lang niya diha sa mga bato nga makita sa tanan. Wala lang gani niya kini taboni ug yuta.

Ezequiel 45:9

Kay ako, ang Ginoong Dios, nag-ingon: Husto na mga pangulo sa Israel! Undangi na ninyo ang inyong ginahimo nga pagpanglupig ug kabangis, ug himoa ninyo ang matarong ug husto. Ayaw na ninyo iloga ang yuta sa akong katawhan.

Ezequiel 7:11

Ang ilang kabangis mobalik kanila ingon nga silot sa ilang pagkadaotan. Walay mahibilin kanila. Ang tanan nilang bahandi mawala.

Ezequiel 7:23

“Bihagon ang akong katawhan kay napuno sa pagpinatyanay ug kasamok ang ilang nasod.

Sofonias 3:1

Alaot ka siyudad sa mga magpaantos, masupilon ug nahugawan.