Jeremias 6:23 - Ang Pulong sa Dios

²³ Armado sila sa mga pana ug bangkaw. Bangis sila ug walay kaluoy. Nagsakay sila sa ilang mga kabayo, ug ang ilang kabanha sama sa dahunog sa makusog nga balod. Moabot sila aron sa pagsulong kaninyo, O mga taga-Jerusalem.”

Ang Biblia 2011

²³ Sila nagkupot ug mga pana ug bangkaw, sila bangis ug walay kaluoy, ang ilang tingog sama sa nagdahunog nga dagat; sila nagsakay sa mga kabayo, gihan-ay ingon nga usa ka tawo alang sa gubat batok kaninyo, O anak nga babaye sa Zion!”

Maayong Balita Biblia

²³ Nagdala silag mga pana ug mga espada; wala silay kaluoy ug bangis sila kaayo. Sama sila sa nagdahunog nga dagat; nagkabayo sila ug andam na aron pag-ataki sa Sion.”

Ang Bag-ong Maayong Balita Biblia

²³ Nagdala silag mga pana ug mga espada; wala silay kaluoy ug bangis sila kaayo. Sama sila sa nagdahunog nga dagat; nagkabayo sila ug andam na aron pag-ataki sa Sion.”

Jeremias 6:23 Cross References

Isaias 10:32

Niining adlawa, moabot sa Nob ang mga taga-Asiria. Ug mosinyas sila sa pagsulong sa bukid sa Jerusalem, ang Bukid sa Zion.

Isaias 13:18

Pamatyon nila pinaagi sa pana ang mga batan-ong lalaki. Dili nila kaloy-an ang mga kabataan bisan ang mga masuso.

Isaias 17:12

Ang kabanha sa daghang mga nasod sama sa haguros sa dagkong mga balod.

Isaias 19:4

Ipasakop ko sila sa gahom sa usa ka bangis nga hari.” Mao kini ang giingon sa Ginoong Dios nga Makagagahom.

Jeremias 25:32

Nagpadayon sa pag-ingon ang  Ginoo nga Makagagahom, “Pangandam kamo! Ang kalaglagan moabot sa mga kanasoran sama sa makusog nga bagyo nga naggikan sa pinakalayong bahin sa kalibotan.”

Jeremias 25:9

tigomon ko ang mga katawhan sa amihan nga gipangulohan sa akong alagad nga si Nebucadnezar nga hari sa Babilonia. Sulongon nila kini nga yuta ug ang tanang lumulupyo niini, apil ang tanang nasod sa palibot. Laglagon ko kamo sa hingpit, ug malisang ang mga tawo nga makakita sa nahitabo kaninyo ug mahimo kamong talamayon. Oo, malaglag gayod kamo hangtod sa hangtod.

Jeremias 30:14

Gikalimtan na kamo sa inyong kaabin nga mga nasod; wala na sila magpakabana kaninyo. Gisulong ko kamo sama sa pagsulong sa usa ka kaaway. Gisilotan ko kamo sa hilabihan tungod kay bug-at na kaayo ang inyong mga sala ug labihan kadaghan.

Jeremias 4:13

Tan-awa! Ang atong kaaway nagpadulong nga daw sa mga panganod. Ang iyang mga karwahi daw buhawi, ug ang iyang mga kabayo tulin pa sa mga agila. Alaot kita! Malaglag gayod kita.

Jeremias 4:16

Gisugo sila nga pasidan-an ang mga nasod ug ang Jerusalem nga adunay mosulong nga mga sundalo gikan sa layong dapit. Gapanghagit sila ug away batok sa mga lungsod sa Juda.

Jeremias 4:29

Sa pagkadungog nila sa kabanha sa nagpadulong nga mga tigkabayo ug mga tigpana, nangikyas sa kahadlok ang mga lumulupyo sa matag lungsod. Ang uban nanagan ngadto sa kakahoyan, ug ang uban nanaka sa mga kabatoan. Gipamiyaan ang tanang lungsod ug wala nay namuyo niini.

Jeremias 5:16

Ang ilang mga armas makamatay, ug silang tanan isog nga mga sundalo.

Jeremias 50:41

“Tan-awa! Adunay moabot nga mga sundalo gikan sa amihan. Usa ka gamhanang nasod ug daghang mga hari nga gikan sa layong dapit ang nangandam sa pagpakig-gira sa Babilonia.

Jeremias 50:42

Armado sila sa mga pana ug mga bangkaw. Bangis sila ug walay kaluoy. Ang ilang kasaba sama sa dahunog sa makusog nga balod samtang nagsakay sila sa ilang mga kabayo. Moabot sila nga andam na sa pagsulong kaninyo nga mga lumulupyo sa Babilonia.

Jeremias 6:4

“Moingon ang mga komander, ‘Pangandam kamo sa pagsulong sa Jerusalem. Sulongon nato sila sa udto.’ Apan sa dihang hapon na, moingon ang mga komander, ‘Hala! Gasalop na man ang adlaw ug hapit nang mongitngit.

Jeremias 8:16

Gikan sa Dan mabatian ang pagpangusmo sa mga kabayo sa mga kaaway. Sa tingog lang sa ilang mga kabayo mangurog na sa kahadlok ang tibuok kayutaan. Mianhi sila aron sa paglaglag niini nga yuta ug sa tanan nga anaa niini, ang mga lungsod ug ang tanang mga lumulupyo niini.’ ”

Ezequiel 21:31

Ipatagamtam ko kaninyo ang akong labihan nga kasuko, ug itugyan ko kamo ngadto sa mabangis nga mga tawo, nga anad sa pagpatay.

Deuteronomio 28:49

“Ipasulong kamo sa Ginoo sa usa ka nasod nga gikan sa layong dapit, sa kinatumyang bahin sa kalibotan, kansang pinulongan dili ninyo masabtan. Sulongon nila kamo nga daw sama sa agila nga nagsakdap.