Jeremias 6:21 - Ang Pulong sa Dios

²¹ Busa kini ang gisulti sa  Ginoo: “Magbutang ako ug kapandolanan niining mga tawhana. Tungod niini, malaglag ang mga amahan ug mga anak nga lalaki, apil ang managhigala ug managsilingan.”

Ang Biblia 2011

²¹ Busa mao kini ang giingon sa Ginoo: ‘Tan-awa, ako magbutang ug mga kapandolan sa atubangan niini nga katawhan, nga niini sila mangapandol; ang amahan ug ang mga anak, ang silingan ug ang higala mangamatay.’ ”

Maayong Balita Biblia

²¹ Busa ako, ang Ginoo, magbutang ug kapandulan nga maoy mopalukapa niining mga tawhana. Mangamatay gayod ang mga ginikanan ug mga anak, ingon man ang ilang mga higala ug mga silingan.”

Ang Bag-ong Maayong Balita Biblia

²¹ Busa ako, ang Ginoo, magbutang ug kapandulan nga maoy mopalukapa niining mga tawhana. Mangamatay gayod ang mga ginikanan ug mga anak, ingon man ang ilang mga higala ug mga silingan.”

Jeremias 6:21 Cross References

2 Cronicas 36:17

Gipasulong sa Ginoo ang mga taga-Babilonia ngadto kanila, nga mipatay sa ilang batan-ong mga lalaki didto sa Templo. Wala siyay gikaloy-an, lalaki man o babaye, bata man o tigulang, masakiton man o dili. Gitugyan sa Dios ang tanan niyang katawhan ngadto kang Nebucadnezar.

Isaias 8:14

Ako ang mahimo ninyong dalangpanan. Apan alang sa Israel ug Juda, sama ako sa usa ka bato nga makapandol ug makapadusmo kanila. Ug alang ngadto sa katawhan sa Jerusalem, sama ako sa lit-ag.

Isaias 8:15

Daghan kanila ang mapandol, matumba, ug malaglag. Malit-agan sila ug madakpan.”

Jeremias 13:14

unya, ipagbangga ko sila sa usag usa, ginikanan ug mga anak. Dili ako magpakita ug kaluoy sa paglaglag kanila. Ako, ang  Ginoo, ang nag-ingon niini.’ ”

Jeremias 13:16

Pasidunggi ninyo ang  Ginoo nga inyong Dios sa dili pa niya ipadala ang kangitngit, ug sa dili pa kamo mapandol sa mangitngit nga mga bukid. Ang kahayag nga inyong gilaoman himuon niyang labihan kangitngit.

Jeremias 18:21

Apan karon, pasagdi nga mangamatay ang ilang kabataan sa kagutom ug sa gira. Pasagdi nga mabiyuda nga mawad-an ug mga anak ang ilang mga asawa. Pasagdi nga mangamatay ang ilang mga lalaki sa balatian ug ang ilang mga batan-on sa gira.

Jeremias 18:23

Apan nasayod ka, O Ginoo, sa tanan nilang plano sa pagpatay kanako. Busa ayaw sila pasayloa sa ilang paglapas ug pagpakasala. Ipapildi sila sa ilang mga kaaway samtang ikaw nagtan-aw. Ipahamtang kanila ang imong kasuko.”

Jeremias 21:7

Unya, ikaw Zedekia nga hari sa Juda, ug ang imong mga opisyal, ug ang mga tawong nahibilin nga wala mangamatay sa balatian, sa gira, ug sa kagutom, itugyan ko kang Nebucadnezar nga hari sa Babilonia ug sa uban pa ninyong mga kaaway nga nagtinguha sa inyong kinabuhi. Pamatyon kamo ni Nebucadnezar nga walay kaluoy. Ako, ang  Ginoo, ang nag-ingon niini.

Jeremias 8:12

Naulaw ba sila sa ilang mangil-ad nga mga batasan? Wala! Kay wala na silay ulaw! Dili man lang gani mahilaw ang ilang mga dagway. Busa ipaubos sila sa panahon nga sila silotan. Ako, ang  Ginoo, nag-ingon nga mangalaglag sila sama sa uban.

Ezequiel 3:20

Kon ang matarong nga tawo magpakasala, ug pasagdan ko lang siya sa maong kahimtang, mamatay siya. Kon wala mo siya pasidan-i, mamatay siya tungod sa iyang sala, ug dili ko hinumdoman ang mga maayo niya nga binuhatan. Apan paninglan ka nako sa iyang kamatayon.

Ezequiel 5:10

Kaonon sa mga ginikanan ang ilang mga anak, ug kaonon sa mga anak ang ilang mga ginikanan. Silotan ko gayod kamo, ug ang mga mahibilin kaninyo katagon ko sa tibuok kalibotan.

Roma 11:9

Si David nag-ingon usab mahitungod kanila: “Hinaut nga ang ilang mga halad mahimong lit-ag ug kapandolan nga makapalaglag kanila.

Roma 9:33

Sama sa giingon sa Dios sa Kasulatan: “Nagbutang ako sa Zion ug bato nga kapandolan sa mga tawo. Kadtong bato makapadam-ag kanila. Apan ang mga tawo nga motuo niadto nga bato dili gayod maulawan.”

1 Pedro 2:8

Ug “Mao kini ang bato nga makapapandol sa mga tawo, ug makapadagma kanila.” Napandol sila kay wala sila motuman sa pulong sa Dios. Mao kini ang kabubut-on sa Dios alang kanila.