Jeremias 52:3 - Ang Pulong sa Dios

³ Busa gipapahawa sa Ginoo sa iyang presensya ang mga taga-Jerusalem ug ang mga taga-Juda. Nahitabo kini tungod sa kasuko sa Ginoo kanila. Unya nagrebelde si Zedekia batok sa hari sa Babilonia.

Ang Biblia 2011

³ Tungod sa kasuko sa Ginoo nahitabo gayod ang mga butang didto sa Jerusalem ug sa Juda, nga tungod niana gihinginlan niya sila gikan sa iyang atubangan. Ug si Zedekias misukol batok sa hari sa Babilonia.

Maayong Balita Biblia

³ Misamot kangil-ad ang kahimtang sa Jerusalem ug sa tibuok Juda nga tungod niini nasuko ang Ginoo ug gipabihag niya ang katawhan sa Juda. Unya mirebelde si Sedekias sa hari sa Babilonia.

Ang Bag-ong Maayong Balita Biblia

³ Misamot kangil-ad ang kahimtang sa Jerusalem ug sa tibuok Juda nga tungod niini nasuko ang Ginoo ug gipabihag niya ang katawhan sa Juda. Unya mirebelde si Sedekias sa hari sa Babilonia.

Jeremias 52:3 Cross References

Genesis 4:14

Giabog mo ako karon gikan niini nga yuta ug sa imong presensya. Wala na akoy permanente nga puloy-anan, busa maglatagaw na lang ako. Ug kon adunay makakita kanako sigurado nga patyon niya ako.”

Genesis 4:16

Unya nagpahilayo si Cain gikan sa Ginoo ug didto mipuyo sa yuta sa Nod, sa sidlakang bahin sa Eden.

2 Samuel 24:1

Nasuko na usab ang Ginoo sa mga Israelinhon, ug gisugyatan niya si David sa pagsilot kanila pinaagi sa pagbutang sa huna-huna niini sa plano sa pag-ihap sa katawhan sa Israel ug sa Juda.

1 Mga Hari 10:9

Dalaygon ang Ginoo nga imong Dios, nga nalipay kanimo ug nagbutang kanimo sa trono sa Israel. Tungod sa walay kataposan nga gugma sa Ginoo alang sa Israel, gihimo niya ikaw nga hari aron mapatunhay mo ang hustisya ug katarong.”

2 Mga Hari 17:18

Nasuko pag-ayo ang Ginoo sa Israel ug gipapahawa niya sila sa iyang presensya. Ang tribo lang ni Juda mao ang nahibilin.

2 Mga Hari 17:20

Busa gisalikway sa Ginoo ang tanang mga kaliwat ni Israel. Gisilotan niya sila pinaagi sa pagtugyan kanila sa mga nanulong kanila hangtod nga nahanaw sila sa iyang presensya.

2 Mga Hari 17:23

hangtod nga gipapahawa sila sa Ginoo sa iyang presensya, sumala sa iyang gipasidaan kanila pinaagi sa iyang mga alagad nga propeta. Busa gibihag ang katawhan sa Israel ngadto sa Asiria diin tua sila hangtod karon.

2 Mga Hari 24:20

Busa gipapahawa sa Ginoo ang mga taga-Jerusalem ug ang mga taga-Juda sa ilang dapit pahilayo sa iyang presensya. Nahitabo kini tungod sa kasuko sa Ginoo kanila. Nagrebelde si Zedekia batok sa hari sa Babilonia.

2 Cronicas 36:13

Mirebelde usab siya kang Haring Nebucadnezar, bisan ug gipapanumpa siya niini sa ngalan sa Dios nga magmatinud-anon siya kaniya. Gahi kaayog kasing-kasing si Zedekia, ug nagdumili siya sa pagbalik sa Ginoo, nga Dios sa Israel.

Esdras 4:15

aron masusi mo ang mga kasulatan nga gitipigan sa imong mga katigulangan. Pinaagi niini, mahibaloan mo nga ang mga lumulupyo sa siyudad sa Jerusalem rebelde sukad pa kaniadto. Mao gani nga gilaglag kining siyudara tungod kay nahimo kining problema sa mga hari ug sa mga nasod.

Mga Panultihon 28:2

Kon ang usa ka nasod magpakasala, kanunay pulihan ang ilang pangulo. Apan molig-on ang usa ka nasod kon ang pangulo niini maalamon.

Ecclesiastes 10:16

Alaot ang nasod nga ang hari niini ulipon kaniadto, ug ang mga pangulo niini nagkombira lang sa tibuok adlaw.

Isaias 19:4

Ipasakop ko sila sa gahom sa usa ka bangis nga hari.” Mao kini ang giingon sa Ginoong Dios nga Makagagahom.

Isaias 3:1

Pamati! Kuhaon sa Ginoo, ang Makagagahom nga Ginoo, ang tanang gisaligan sa mga tawo sa Jerusalem ug Juda: ang ilang pagkaon ug tubig,

Isaias 36:5

Naghuna-huna ka ba nga madaog nimo ang gira sa pulong lamang ug dili sa katakos ug kusog sa imong mga sundalo? Kinsay imong gisaligan nga nagrebelde ka man kanako?

Jeremias 15:1

Miingon ang  Ginoo kanako, “Bisan pag magpakiluoy si Moises ug si Samuel kanako alang niining mga tawhana, dili ko gayod sila kaloy-an. Busa papahawaa sila sa akong atubangan. Ipalayo sila gikan kanako!

Jeremias 7:15

Abugon ko kamo gikan sa akong presensya sama sa gihimo ko sa inyong mga paryente, ang katawhan sa Israel.’