Jeremias 52:11 - Ang Pulong sa Dios

¹¹ Gipalugit niya ang mata ni Zedekia ug gipakadenahan siya ug gidala sa Babilonia diin gipriso hangtod nga namatay.

Ang Biblia 2011

¹¹ Iyang gilugit ang mga mata ni Zedekias ug gigapos kini sa mga kadena ug ang hari sa Babilonia midala kaniya ngadto sa Babilonia ug gibilanggo siya hangtod sa adlaw sa iyang pagkamatay.

Maayong Balita Biblia

¹¹ Unya gipalugit niya ang mga mata ni Sedekias ug gidala niya si Sedekias nga gikadenahan ngadto sa Babilonia. Didto gibilanggo siya hangtod sa iyang kamatayon.

Ang Bag-ong Maayong Balita Biblia

¹¹ Unya gipalugit niya ang mga mata ni Sedekias ug gidala niya si Sedekias nga gikadenahan ngadto sa Babilonia. Didto gibilanggo siya hangtod sa iyang kamatayon.

Jeremias 52:11 Cross References

Jeremias 21:7

Unya, ikaw Zedekia nga hari sa Juda, ug ang imong mga opisyal, ug ang mga tawong nahibilin nga wala mangamatay sa balatian, sa gira, ug sa kagutom, itugyan ko kang Nebucadnezar nga hari sa Babilonia ug sa uban pa ninyong mga kaaway nga nagtinguha sa inyong kinabuhi. Pamatyon kamo ni Nebucadnezar nga walay kaluoy. Ako, ang  Ginoo, ang nag-ingon niini.

Jeremias 39:7

Unya gipalugit niya ang mga mata ni Zedekia ug gipakadenahan siya ug bronsi ug gidala sa Babilonia.

Mga Pagbangotan 2:6

Giguba niya ang iyang Templo nga daw sa usa lang kini ka payag sa uma. Pagbuot niya nga kalimtan sa katawhan sa Jerusalem ang gitakda nga mga pista ug Adlaw nga Igpapahulay. Sa iyang hilabihang kasuko gisalikway niya ang mga hari ug mga pari.

Ezequiel 12:13

Lit-agon ko siya nga daw sa usa ka mananap ug dad-on sa Babilonia sa yuta sa mga Kaldeanhon. Apan dili niya kini makita, ug mamatay siya didto.

Ezequiel 17:16

Dili! Kay ako, ang Ginoong Dios nga buhi, nanumpa nga kini nga hari sa Juda sigurado gayong mamatay sa Babilonia, kay gilapas niya ang kasabotan nga iyang gipanumpaan ngadto sa hari sa Babilonia nga mao ang naghimo kaniya nga hari.

Ezequiel 23:24

Mosulong sila kanimo gikan sa amihan uban ang daghang mga sundalo, mga kabayo, ug mga karwahi. Adunay mga taming sila ug mga helmet, ug ila kang palibotan. Itugyan ka nako kanila aron silotan, ug silotan ka nila sa gusto nila nga isilot kanimo.