Jeremias 51:9 - Ang Pulong sa Dios

⁹ “Miingon ang mga Israelinhon nga namuyo didto, ‘Tambalan unta namo ang Babilonia apan dili na gayod siya maulian, kay sangko na sa langit ang iyang mga sala, busa gisilotan siya sa Ginoo. Tana! Mamiya na kita ug mamauli sa tagsa-tagsa nato ka dapit.

Ang Biblia 2011

⁹ Mahimo pa untang ayohon nato ang Babilonia, apan dili siya mamaayo. Biyai siya, ug mangadto kita ang matag usa sa kaugalingon niyang yuta; kay ang paghukom kaniya miabot ngadto sa langit, ug gibayaw bisan ngadto sa kalangitan.

Maayong Balita Biblia

⁹ Ang mga langyaw nga nagpuyo diha kaniya miingon, ‘Gisulayan namo pagluwas ang Babilonia apan ulahi na ang tanan! Tana, mamauli na kita! Gipahiagom na sa Dios ang Babilonia sa makalilisang nga silot ug gilaglag niya kini sa hingpit.’”

Ang Bag-ong Maayong Balita Biblia

⁹ Ang mga langyaw nga nagpuyo diha kaniya miingon, ‘Gisulayan namo pagluwas ang Babilonia apan ulahi na ang tanan! Tana, mamauli na kita! Gipahiagom na sa Dios ang Babilonia sa makalilisang nga silot ug gilaglag niya kini sa hingpit.’”

Jeremias 51:9 Cross References

2 Cronicas 28:9

Adunay usa ka propeta sa Ginoo didto sa Samaria nga ginganlan ug Oded. Sa dihang miabot ang mga sundalo sa Samaria, gisugat sila ni Oded ug giingnan, “Gitugyan kaninyo sa Ginoo nga inyong Dios ang Juda tungod sa iyang kasuko kanila. Apan gipamatay ninyo sila sa walay kaluoy, ug nahibaloan kini sa Ginoo didto sa langit.

Esdras 9:6

Miingon ako: “Dios ko, naulaw ako pag-ayo. Dili ako makaatubang kanimo sa kaulaw tungod kay labihan na gayod ang among mga sala; molapaw na kini sa among mga ulo ug mosangko na sa langit.

Isaias 13:14

Ang mga dumuduong sa Babilonia moikyas balik sa ilang tagsa-tagsa ka dapit sama sa hayop nga usa nga gipangayam. Manguli sila sama sa karnero nga walay magbalantay.

Isaias 47:15

Ingon ra niana ang mga tawong gipangayoan mo ug tambag sukad sa imong pagkabata. Ang matag-usa kanila nahisalaag ug dili sila makaluwas kanimo.

Jeremias 46:16

Magdinasmagay ang inyong mga sundalo, ug mangatumba sila ug magdinat-ugay. Moingon sila, ‘Bangon ug mamauli kita sa atong mga katagilungsod, ngadto sa yuta nga atong natawhan aron makalikay kita sa espada sa atong kaaway.’

Jeremias 46:21

Bisan ang iyang sinuholan nga mga sundalo nga daw mga nating torong baka nga maayong pagkaatiman dili mobarog ug dili makig-away; mangatras sila ug mangikyas. Mahitabo kini tungod kay miabot na ang panahon nga silotan sila ug laglagon.

Jeremias 50:16

Puoha sa Babilonia ang mga mananomay ug mga mangangani. Luwasa ang mga binihag gikan sa espada sa mga kaaway ug papaulia sila sa ilang kaugalingong mga dapit.

Jeremias 8:20

Mireklamo ang mga tawo, “Human na man unta ang ting-init, ug nahuman na usab ang ting-ani, apan wala gihapon kami maluwas!”

Oseas 7:13

Alaot sila tungod kay nagpahilayo sila kanako. Laglagon ko sila tungod kay mirebelde sila kanako. Buot ko silang luwason, apan nagsulti silag bakak mahitungod kanako.

Gipadayag 18:4

Ug aduna akoy nadungog nga lain na usab nga tingog gikan sa langit nga nag-ingon: “Kamo nga akong katawhan, gawas kamo gikan nianang siyudad, aron dili kamo makasunod sa iyang daotang buhat, ug aron dili kamo malakip sa silot nga alang kaniya.

Gipadayag 18:5

Kon tapukon ang iyang mga sala sangko na kini sa langit, kay daghan kaayo ang iyang mga gibuhat nga daotan, ug dili gayod kini kalimtan sa Dios.