Jeremias 51:8 - Ang Pulong sa Dios

⁸ Kalit nga malaglag ang Babilonia! Pagsubo kamo alang kaniya. Tambali ninyo ang iyang mga samad, basin pag maayo siya.

Ang Biblia 2011

⁸ Ang Babilonia sa kalit napukan ug nabuak; pagminatay kamo alang kaniya! Pagkuha kamo ug tambal alang sa iyang samad; basin ug mamaayo siya.

Maayong Balita Biblia

⁸ Kalit lamang napukan ug nagun-ob ang Babilonia! Hilaki ninyo siya! Tambali ninyo ang iyang samad basin pag mamaayo pa siya!

Ang Bag-ong Maayong Balita Biblia

⁸ Kalit lamang napukan ug nagun-ob ang Babilonia! Hilaki ninyo siya! Tambali ninyo ang iyang samad basin pag mamaayo pa siya!

Jeremias 51:8 Cross References

Isaias 21:9

Ug karon, tan-awa! Adunay nagpadulong dinhi nga mga karwahi ug mga tigkabayo nga nagparis-paris.” Unya mipadayon ang tigbalantay, “Napukan na gayod ang Babilonia. Ang tanang imahen sa iyang mga dios nangadugmok ug nagkatag sa yuta.”

Isaias 47:11

Busa moabot kanimo ang katalagman ug dili ka mahibalo kon unsaon mo kini pag-abog pinaagi sa imong salamangka. Moabot kanimo ang kalamidad nga dili mo mabayran aron moundang. Sa kalit lang moabot kanimo ang kalaglagan nga wala mo damha.

Isaias 47:9

Apan sa kalit lang, mahitabo kini kanimo. Mabalo ka ug mawad-ag mga anak. Mahitabo gayod kining tanan kanimo bisag daghan ka pag nahibaloang pagpamarang ug gamhanang mga lamat.

Jeremias 46:11

“Kamo nga mga lumulupyo sa Ehipto, bisan moadto pa kamo sa Gilead sa pagpangitag tambal, ang tanan ninyong tambal walay kapuslanan ug dili makaayo kaninyo.

Jeremias 48:20

Motubag sila, ‘Nalaglag ug naulawan ang Moab. Busa pagsubo kamo ug panghilak. Isinggit ninyo sa Arnon nga nalaglag ang Moab.’

Jeremias 48:31

Busa maghilak ako alang sa Moab ug sa mga taga-Kir Hareset.

Jeremias 50:2

“Ipahibalo ngadto sa mga nasod ang balita! Ipataas ang bandera ug ipahibalo sa tanan. Malaglag ang Babilonia! Mangadugmok ug maulawan ang iyang mga dios-dios apil na si Bel ug si Marduk.

Jeremias 51:41

“Pagkamakalilisang ang pagkalaglag sa Babilonia, ang nasod nga gidayeg sa tibuok kalibotan! Malisang ang mga nasod sa nahitabo kaniya.

Jeremias 8:22

Wala bay tambal sa Gilead? Wala bay mananambal didto? Nganong wala man maayo ang samad sa akong mga katagilungsod?

Ezequiel 30:2

“Tawo, isugilon kini nga akong mensahe ngadto sa mga taga-Ehipto. Ingna sila nga ako, ang Ginoong Dios, nag-ingon: “Pagminatay kamo ug hilak tungod sa umaabot ninyo nga kalaglagan.

Daniel 5:24

Busa gipadala niya kadtong kamot aron mosulat niining mga pulonga: Mene, Mene, Tekel, Parsin.

Daniel 5:31

Ang mipuli kaniya nga hari mao si Darius nga Medianhon, nga nagpanuigon ug 62 ka tuig.

Nahum 3:19

Walay makatambal kanimo; kay ang imong samad makamatay. Ang tanan nga makadungog sa balita mopakpak sa ilang mga kamot sa imong pagkapukan; kay kinsa man ang wala makabati sa imong walay kinutoban nga kabangis.

Gipadayag 14:8

Adunay ikaduhang anghel nga misunod ug miingon, “Nagun-ob! Nagun-ob na ang inila nga siyudad sa Babilonia. Kay ang iyang mga lumulupyo mao ang nagtintal sa mga tawo sa tibuok kalibotan nga mosunod sa ilang mga daotang binuhatan nga gikayugtan sa Dios.”

Gipadayag 18:2

Misinggit siyag kusog, “Nagun-ob na! Ang inila nga Babilonia nagun-ob na! Karon nahimo na kining puloy-anan sa mga demonyo ug mga daotang espiritu, ug sa tanang matang sa langgam nga daotan ug dulumtanan nga mga mananap.