Jeremias 49:3 - Ang Pulong sa Dios

³ Panghilak kamo taman sa ginhawa, kamong taga-Hesbon, kay napukan na ang Ai. Panghilak usab kamo nga taga-Raba! Pagbisti kamog sako, pagbangotan, ug dagan kamo ngadto-nganhi sa kilid sa mga paril, kay bihagon ang inyong dios-dios nga si Molec uban sa iyang mga pari ug mga opisyal.

Ang Biblia 2011

³ “Pagminatay, O Hesbon, tungod kay ang Ai nagun-ob na! Hilak, O mga anak nga babaye sa Raba! Pagtapis kamo ug sako, pagbangutan, ug pagbalikbalik ug dagan diha sa mga koral! Kay si Milcom bihagon uban sa iyang mga pari ug sa iyang mga pangulo.

Maayong Balita Biblia

³ Mga lumolupyo sa Hesbon, panghilak kamo kay nagun-ob na ang Ai. Pagbangotan kamong mga babayeng lumolupyo sa Raba ug pagbisti kamog sako. Panagan kamo sama sa nagkabuang. Bihagon ang inyong dios nga si Moloc lakip ang iyang mga pari ug mga prinsipe.

Ang Bag-ong Maayong Balita Biblia

³ Mga lumolupyo sa Hesbon, panghilak kamo kay nagun-ob na ang Ai. Pagbangotan kamong mga babayeng lumolupyo sa Raba ug pagbisti kamog sako. Panagan kamo sama sa nagkabuang. Bihagon ang inyong dios nga si Moloc lakip ang iyang mga pari ug mga prinsipe.

Jeremias 49:3 Cross References

2 Samuel 11:1

Sa bag-ong tuig diin ang mga hari molakaw sa pagpakig-gira, wala mouban si David. Si Joab ug ang iyang mga opisyal lang ang iyang gipalakaw, ug ang tanang kasundalohan sa Israel. Gipildi nila ni Joab ang mga Amonihanon ug gilibotan ang Raba.

1 Mga Hari 11:33

Himuon ko kini tungod kay gisalikway niya ako ug gisimba si Ashtarot, ang diosa sa mga Sidonhon, si Kemosh, ang dios sa mga Moabihanon, ug si Molec, ang dios sa mga Amonihanon. Wala siya mosunod sa akong mga pamaagi ug wala siya magkinabuhi nga matarong sa akong atubangan. Wala siya motuman sa akong mga tulomanon ug mga sugo; dili sama sa iyang amahan nga si David.

1 Mga Hari 11:5

Misimba siya kang Ashtarot, ang diosa sa mga Sidonhon, ug kang Molec, ang ngil-ad nga dios sa mga Amonihanon.

2 Mga Hari 23:13

Gipaguba usab niya ang mga simbahanan diha sa habog nga mga dapit sa sidlakan sa Jerusalem ug sa habagatan sa Bukid sa Kadaotan. Kini nga mga simbahanan gipahimo ni Solomon nga hari sa Israel alang kang Ashtarot, ang mangil-ad nga diosa sa mga Sidonhon, ug alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

Esdras 2:28

Mga namalik gikan sa Betel ug Ai 223

Isaias 13:6

Panghilak kamo tungod kay haduol na ang adlaw sa Ginoo, ang adlaw nga manglaglag ang Makagagahom nga Dios.

Isaias 14:31

Pagminatay kamo, kamong mga Filistihanon. Kay mosulong kaninyo ang inyong kaaway nga sama sa aso gikan sa amihan. Andam na silang tanan sa pagpakig-gira.

Isaias 15:2

Mitungas ang mga taga-Dibon sa ilang templo ug sa ilang mga halaran sa habog nga mga dapit aron manghilak didto. Gihilakan sa mga taga-Moab ang Nebo ug Medeba. Ang matag-usa kanila nagpaupaw ug namarbas sa pagpakita sa ilang pagsubo.

Isaias 16:7

Busa hilakan sa mga taga-Moab ang ilang nasod. Manghilak silang tanan tungod sa pagkawala sa ilang lami nga pagkaon sa Kir Hareset.

Isaias 23:1

Mao kini ang mensahe bahin sa Tiro: Panghilak kamong mga naglawig sa Tarshish kay naguba na ang inyong pantalan sa Tiro! Gisugilon na kini kaninyo sa mga naggikan sa Cipro.

Isaias 23:6

Panghilak kamo nga mga nagpuyo sa isla. Tabok kamo ngadto sa Tarshish!

Jeremias 4:8

Busa pagbisti kamog sako sa pagpakita sa inyong pagsubo. Pagminatay kamog hilak kay anaa pa gihapon ang hilabihan nga kasuko sa Ginoo kanato.

Jeremias 46:25

Nagpadayon sa pagsulti ang  Ginoo nga Makagagahom, ang Dios sa Israel, “Silotan ko si Amon nga dios sa Tebes, ug ang ubang mga dios sa Ehipto. Silotan ko usab ang hari sa Ehipto ug ang iyang mga hari, apil ang mga nagsalig kaniya.

Jeremias 48:2

Dili na dayegon ang Moab. Didto sa Hesbon, nagplano ang kaaway sa paglaglag sa Moab. Miingon sila, ‘Dali! Laglagon ta ang Moab.’ Ang lungsod sa Madmen sulongon usab sa mga kaaway ug mahimong awaaw.

Jeremias 48:20

Motubag sila, ‘Nalaglag ug naulawan ang Moab. Busa pagsubo kamo ug panghilak. Isinggit ninyo sa Arnon nga nalaglag ang Moab.’

Jeremias 48:37

Ang matag-usa magpakita ug pagsubo pinaagi sa pagpaupaw, pagpamalbas, pagsamad-samad sa ilang mga kamot, ug pagbistig sako.

Jeremias 48:7

Kamo nga mga taga-Moab, nagsalig kamo sa inyong abilidad ug bahandi. Bihagon kamo apil ang inyong dios-dios nga si Kemosh ug ang iyang mga pari ug mga opisyal.

Jeremias 49:1

Mao kini ang gisulti sa Ginoo bahin sa mga Amonihanon: “Kamong mga tawo nga nagsimba sa dios-dios nga si Molec, nganong giilog ninyo ug gipuy-an ang mga lungsod sa yuta ni Gad? Wala bay mga kaliwat si Israel nga manunod niini nga yuta?

Jeremias 51:8

Kalit nga malaglag ang Babilonia! Pagsubo kamo alang kaniya. Tambali ninyo ang iyang mga samad, basin pag maayo siya.

Jeremias 6:26

O mga katagilungsod ko, pagbisti kamog sako ug ligid sa abo sa pagpakita sa inyong pagsubo. Pagbangotan kamo nga daw namatyan kamog bugtong anak nga lalaki. Kay sa kalit lang mosulong kanato ang kaaway.

Amos 1:15

Bihagon ang hari sa Ammon apil ang iyang mga opisyal. Ako, ang  Ginoo, ang nag-ingon niini.”

Sofonias 1:5

sila nga nagyukbo diha sa mga atop nga nagsimba sa panon sa kabituonan, sila nga nakyukbo ug nagsaad sa Ginoo ug nagsaad usab kang Molec,

Santiago 5:1

Kamo nga mga adunahan, paminaw kamo! Panghilak kamo sa hilabihan tungod sa mga kalisod nga modangat kaninyo.

Josue 7:2

Gikan sa Jerico nagsugo si Josue ug mga tawo nga mangispiya sa Ai, usa ka lungsod sa sidlakang bahin sa Betel, nga duol sa Bet Aven. Busa nanglakaw ang maong mga tawo sa pagpangispiya.

Josue 8:1

Unya, miingon ang Ginoo kang Josue, “Ayaw kahadlok o kaluya. Tigoma ang tanan mong mga sundalo ug sulonga ninyo ang Ai, kay gitugyan ko na sa imong mga kamot ang hari sa Ai, ang iyang katawhan, ang iyang lungsod, ug ang iyang mga yuta.

Josue 8:28

Pagkahuman gipasunog ni Josue ang tibuok nga Ai, ug wala na gayod kini matukod pa pag-usab.