Jeremias 48:7 - Ang Pulong sa Dios

⁷ Kamo nga mga taga-Moab, nagsalig kamo sa inyong abilidad ug bahandi. Bihagon kamo apil ang inyong dios-dios nga si Kemosh ug ang iyang mga pari ug mga opisyal.

Ang Biblia 2011

⁷ Tungod kay ikaw nagsalig sa imong mga kuta ug sa imong mga bahandi, kuhaon usab ikaw; ug si Camos bihagon, uban ang iyang mga pari ug ang iyang mga pangulo.

Maayong Balita Biblia

⁷ “Moab, kay misalig ka man sa imong mga kota ug bahandi, mailog ka usab ug bihagon ang inyong diosdios nga si Camos uban sa iyang mga prinsipe ug kaparian.

Ang Bag-ong Maayong Balita Biblia

⁷ “Moab, kay misalig ka man sa imong mga kota ug bahandi, mailog ka usab ug bihagon ang inyong diosdios nga si Camos uban sa iyang mga prinsipe ug kaparian.

Jeremias 48:7 Cross References

2 Samuel 5:21

Gibiyaan sa mga Filistihanon ang ilang mga dios-dios didto, ug gidala kini ni David ug sa iyang mga tawo.

1 Mga Hari 11:33

Himuon ko kini tungod kay gisalikway niya ako ug gisimba si Ashtarot, ang diosa sa mga Sidonhon, si Kemosh, ang dios sa mga Moabihanon, ug si Molec, ang dios sa mga Amonihanon. Wala siya mosunod sa akong mga pamaagi ug wala siya magkinabuhi nga matarong sa akong atubangan. Wala siya motuman sa akong mga tulomanon ug mga sugo; dili sama sa iyang amahan nga si David.

1 Mga Hari 11:7

Nagpahimo si Solomon ug simbahanan diha sa habog nga dapit, sa sidlakang bahin sa Jerusalem alang kang Kemosh, ang ngil-ad nga dios sa mga Moabihanon, ug alang kang Molec, ang ngil-ad nga dios sa mga Amonihanon.

Salmo 40:4

Bulahan ang tawo nga nagsalig sa Ginoo, ug dili modangop sa mga garboso nga nagsunod sa bakak.

Salmo 52:7

“Tan-awa ninyo ang mga tawo nga wala mosalig sa Dios ingon nga ilang tigpanalipod. Misalig hinuon sila sa ilang daghang bahandi ug nahimo silang labaw pa kagamhanan pinaagi sa pagpanglaglag sa uban.”

Jeremias 43:12

Daoban niya ang mga templo sa mga dios sa Ehipto; sunogon niya ang mga dios niini o dad-on ingon nga mga bihag. Kuhaan niya sa tanang bililhong kabtangan ang yuta sa Ehipto, sama sa pagkuha sa magbalantay sa karnero sa mga kuto gikan sa iyang bisti, ug mobiya siya gikan didto nga wala maunsa.

Jeremias 48:13

Unya ikaulaw sa Moab ang ilang dios-dios nga si Kemosh, maingon nga gikaulaw sa katawhan sa Israel ang Betel nga ilang gisaligan.

Jeremias 48:46

Alaot gayod kamo, mga taga-Moab! Malaglag kamong nagsimba sa dios-dios nga si Kemosh, ug pamihagon ang inyong mga kabataan.

Jeremias 49:3

Panghilak kamo taman sa ginhawa, kamong taga-Hesbon, kay napukan na ang Ai. Panghilak usab kamo nga taga-Raba! Pagbisti kamog sako, pagbangotan, ug dagan kamo ngadto-nganhi sa kilid sa mga paril, kay bihagon ang inyong dios-dios nga si Molec uban sa iyang mga pari ug mga opisyal.

Jeremias 49:4

Mga maluibon, nganong gipanghambog man ninyo ang inyong tabunok nga mga walog? Nagsalig kamo sa inyong bahandi ug nag-ingon nga walay makahimo pagsulong kaninyo.

Jeremias 9:23

Miingon pa gayod ang  Ginoo, “Dili angayng magpasigarbo sa iyang kaalam ang maalamon, o ang kusgan sa iyang kusog, ni ang adunahan sa iyang bahandi.

Oseas 10:13

“Apan nagtanom kamo ug kadaotan, busa miani usab kamo ug kadaotan. Nalingla kamo sa mga bakak tungod kay misalig kamo sa inyong kaugalingong katakos ug sa inyong daghang mga sundalo.

Numeros 21:29

Makaluluoy kamong mga taga-Moab! Alaot kamong mga nagsimba sa dios-dios nga si Kemosh! Kamong iyang mga anak gipasagdan niya nga mabihag ni Sihon nga hari sa mga Amorihanon.

1 Timoteo 6:17

Bahin sa mga adunahan dinhi sa kalibotan, ingna sila nga dili sila magpasigarbo o magsalig sa ilang bahandi nga daling mahanaw. Kinahanglan nga ibutang nila ang ilang pagsalig ngadto sa Dios nga maoy naghatag kanato sa tanan aron magmalipayon kita.

Gipadayag 18:7

Kon giunsa niya pagpasigarbo ug pagpatuyang sa iyang bahandi, mao usab ang ibalos nga kalisod ug kasubo kaniya. Nagtuo siya nga rayna siya ug dili gayod magsubo sama sa mga biyuda.

Mga Maghuhukom 11:24

Angkona ninyo ang gihatag kaninyo ni Kemosh nga inyong dios. Ug angkonon usab namo ang tanang gihatag kanamo sa Ginoo nga among Dios.