Jeremias 48:36 - Ang Pulong sa Dios

³⁶ “Busa mag-agulo gayod ako alang sa Moab ug sa mga taga-Kir Hareset, sama sa subo nga tingog sa plawta nga gitukar alang sa patay. Nahanaw na ang bahandi nga ilang naangkon.

Ang Biblia 2011

³⁶ Busa ang akong kasingkasing nag-agulo alang sa Moab sama sa usa ka plawta, ug ang akong kasingkasing nag-agulo sama sa usa ka plawta alang sa mga tawo sa Kirheres, busa ang mga bahandi nga iyang naangkon nahanaw.

Maayong Balita Biblia

³⁶ “Nasubo ako pag-ayo alang sa Moab ug sa mga lumolupyo sa Kirheres sama sa usa ka tawo nga nagtugtog ug honi sa paglubong pinaagi sa plawta kay ang tanan nilang naangkon nga kabtangan nahanaw na man.

Ang Bag-ong Maayong Balita Biblia

³⁶ “Nasubo ako pag-ayo alang sa Moab ug sa mga lumolupyo sa Kirheres sama sa usa ka tawo nga nagtugtog ug honi sa paglubong pinaagi sa plawta kay ang tanan nilang naangkon nga kabtangan nahanaw na man.

Jeremias 48:36 Cross References

2 Mga Hari 3:25

Gipangguba sa mga Israelinhon ang mga lungsod, ug giitsahan ug mga bato ang maayong kaumahan hangtod nga nalukop kini sa mga bato. Gipangsampongan nila ang mga tuboran ug gipangputol ang mga maayong kahoy. Ang Kir Hareset na lang ang nahibilin, apan gilibotan pa gayod nila kini ug gipildi.

Mga Panultihon 11:4

Ang bahandi dili makatabang kon silotan sa Dios ang tawo sa kamatayon, apan ang matarong nga pagkinabuhi makaluwas gikan sa kamatayon.

Mga Panultihon 13:22

Ang bahandi sa maayo nga tawo mapanunod sa iyang mga apo, apan ang bahandi sa makasasala mapanag-iya sa mga matarong.

Mga Panultihon 18:11

Naghuna-huna ang mga adunahan nga ang ilang bahandi makapanalipod kanila sama sa lig-on ug habog nga mga paril nga naglibot sa siyudad.

Isaias 15:5

Naluoy gayod ako sa Moab. Miikyas ang iyang mga katawhan ngadto sa Zoar ug sa Eglat Shelishiya. Naghilak sila nga mitungas sa Luhit. Ang uban kanila naniyabaw samtang nagpaingon sa Horonaim tungod sa ilang gidangatan.

Isaias 15:7

Busa gidala nila sa tabok sa lugut sa Arabim ang mga bahandi nga ilang gihagoan ug natigom.

Isaias 16:11

Busa nagsubo ako sa gidangatan sa Moab sama sa masulob-ong tingog sa harpa. Nagsubo usab ako sa gidangatan sa Kir Hareset.

Isaias 63:15

Tan-awa kami gikan sa langit, ang balaan ug dungganon mong puloy-anan. Hain na ang imong kahangawa kanamo ug ang imong gahom nga gipakita mo kaniadto kanamo? Hain na ang imong gugma ug kaluoy?

Jeremias 17:11

Ang tawo nga nakaangkon ug bahandi sa dinaotan nga paagi sama sa langgam nga naglomlom sa itlog nga dili iya. Sa tunga-tunga sa iyang pagkinabuhi, mahanaw kaniya ang iyang bahandi, ug mogawas nga buang-buang diay siya.

Jeremias 4:19

Dili ko na maagwanta ang akong kaguol. Labihan gayod ang akong pag-agulo. Gikumot ang kasing-kasing ug dili ako mahimutang. Kay nadungog ko ang tingog sa budyong ug ang singgit sa pakig-gubat.

Jeremias 48:31

Busa maghilak ako alang sa Moab ug sa mga taga-Kir Hareset.