Jeremias 48:29 - Ang Pulong sa Dios

²⁹ “Labihan kaayo kamo ka garboso. Nasayod ako kon unsa kataas ang inyong pagtan-aw sa inyong kaugalingon ug kon unsa kamo kamapahitas-on.

Ang Biblia 2011

²⁹ Kami nakadungog sa pagpagarbo sa Moab— mapagarbohon kaayo siya— sa iyang pagkamapahitas-on, sa iyang garbo, ug sa iyang pagkamapangandakon, ug sa pagkamapalabilabihon sa iyang kasingkasing.

Maayong Balita Biblia

²⁹ Garboso kaayo ang Moab. Nasayod ako sa pagkahambugiro ug sa pagkaandakan sa katawhan sa Moab ug ang ilang paghunahuna alang lamang sa ilang kaugalingon.

Ang Bag-ong Maayong Balita Biblia

²⁹ Garboso kaayo ang Moab. Nasayod ako sa pagkahambugiro ug sa pagkaandakan sa katawhan sa Moab ug ang ilang paghunahuna alang lamang sa ilang kaugalingon.

Jeremias 48:29 Cross References

Salmo 138:6

Bisan halangdon ka kaayo, Ginoo, aduna kay kahangawa sa mga mapainubsanon. Ug bisan anaa ikaw sa halayo, nahibaloan mo ang tanan nga gihimo sa mga mapahitas-on.

Mga Panultihon 18:12

Ang pagpanghambog makapalaglag sa tawo, apan ang pagpaubos makahatag ug kadungganan.

Mga Panultihon 21:24

Ang tawong garboso ug mapahitas-on mailhan pinaagi sa iyang kamabiay-biayon ug kalabihan manghambog.

Mga Panultihon 30:13

Adunay mga tawo nga labihan gayod kamapahitas-on, nga kon motan-aw murag nakamenos.

Mga Panultihon 8:13

Ang nagtahod sa Ginoo nasilag sa daotan. Gikasilagan ko ang pagpanghambog, ang pagkamapahitas-on, ang daotang batasan, ug ang pagpamakak.

Isaias 13:11

Miingon ang  Ginoo, “Silotan ko ang kalibotan tungod sa iyang kadaotan, ug ang mga tawong daotan tungod sa ilang mga sala. Santaon ko ang mga garboso, ug sumpoon ko ang pagkamapahitas-on sa mga tawong walay kaluoy.

Isaias 16:6

Nakadungog kami kon unsa ka garboso ang mga taga-Moab. Mga garboso sila ug mapahitas-on, apan wala na kini kapuslanan.

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Lucas 14:11

Kay si bisan kinsa nga mapahitas-on ipaubos, ug ang mapainubsanon ipataas.”

Santiago 4:6

Apan ang Dios naghatag kanato ug dugang pa nga grasya. Mao kana nga nag-ingon ang Kasulatan: “Gisumpo sa Dios ang mapahitas-on, apan kaloy-an niya ang mapainubsanon.”