Jeremias 47:4 - Ang Pulong sa Dios

⁴ Kay miabot na ang panahon nga laglagon ang tanang Filistihanon uban sa ilang mga kaabin gikan sa Tiro ug Sidon. Laglagon gayod sa Ginoo ang mga Filistihanon, ang mga katawhan nga naggikan sa isla sa Caftor.

Ang Biblia 2011

⁴ tungod sa adlaw nga moabot sa paglaglag sa tanang mga Filistihanon, sa pagpuo gikan sa Tiro ug sa Sidon sa tanang mga mitabang nga nagpabilin. Kay laglagon sa Ginoo ang mga Filistihanon, ang nahibilin sa pulo sa Caftor.

Maayong Balita Biblia

⁴ Miabot na ang panahon nga laglagon ang Filistia aron maputol ang bisan unsang hinabang nga maggikan sa Tiro ug sa Sidon. Ako, ang Ginoo, maoy molaglag sa mga Filistihanon, ang tanan nga gikan sa kabaybayonan sa Caftor.

Ang Bag-ong Maayong Balita Biblia

⁴ Miabot na ang panahon nga laglagon ang Filistia aron maputol ang bisan unsang hinabang nga maggikan sa Tiro ug sa Sidon. Ako, ang Ginoo, maoy molaglag sa mga Filistihanon, ang tanan nga gikan sa kabaybayonan sa Caftor.

Jeremias 47:4 Cross References

Genesis 10:15

Si Canaan mao ang amahan ni Sidon ug ni Het. Si Sidon mao ang kamagulangan.

1 Cronicas 1:12

Patrusnon, Caslunon, ug sa mga Caftornon nga mao ang kagikan sa mga Filistihanon.

Job 9:13

Dili pugngan sa Dios ang iyang kasuko. Bisan ang mga katabang sa dragon nga si Rahab moluhod sa kahadlok kaniya.

Salmo 37:13

Apan nagkatawa lang ang Ginoo sa mga daotan, kay nahibalo siya nga hapit na ang panahon nga laglagon sila.

Isaias 10:3

Unsay inyong buhaton sa adlaw nga silotan kamo? Unsay inyong himuon inig-abot sa katalagman gikan sa halayo? Kinsay inyong pangayoan ug tabang? Ug asa man ninyo tagoan ang inyong bahandi?

Isaias 14:31

Pagminatay kamo, kamong mga Filistihanon. Kay mosulong kaninyo ang inyong kaaway nga sama sa aso gikan sa amihan. Andam na silang tanan sa pagpakig-gira.

Isaias 20:6

Sa panahon nga mahitabo kini, moingon ang mga Filistihanon, ‘Tan-awa ang nahitabo sa mga nasod nga gisaligan nato ug gipangayoan ug tabang aron sa pagluwas kanato gikan sa hari sa Asiria. Unsaon na man nato karon pag-ikyas?’ ”

Isaias 31:8

Mangamatay ang mga taga-Asiria, apan dili pinaagi sa espada sa tawo. Moikyas sila sa panggubatan, ug mahimong ulipon ang ilang mga pamatan-on.

Jeremias 46:10

Apan magmadaogon ang Ginoong Dios nga Makagagahom niini nga away. Niining higayona, manimalos siya sa iyang mga kaaway. Ang iyang espada daw gutom nga mananap nga molamoy kanila ug mohigop sa ilang dugo hangtod nga mabusog kini ug matagbaw. Mahimo silang halad sa Ginoong Dios nga Makagagahom didto sa kayutaan sa amihan, duol sa Suba sa Eufrates.

Ezequiel 21:25

“Ikaw nga daotan ug makasasala nga pangulo sa Israel, miabot na ang panahon nga ikaw silotan!

Ezequiel 21:29

Dili tinuod ang mga panan-awon ug mga tagna nga nadawat ninyo mahitungod sa espada. Ang tinuod, andam na ang espada sa pagputol sa mga liog sa daotan nga mga tawo. Ang panahon sa pagsilot kanila miabot na.

Ezequiel 25:16

Busa ako, ang Ginoong Dios, nag-ingon nga silotan ko ang mga Filistihanon. Pamatyon ko ang mga Keretnon ug ang uban pang mga nagpuyo duol sa dagat.

Ezequiel 30:8

Kon sunogon ko na ang Ehipto ug mangamatay na ang tanang nagdapig kaniya, mahibaloan sa iyang mga nagpuyo nga ako mao ang  Ginoo.

Ezequiel 7:12

Oo, miabot na gayod ang panahon sa pagsilot. Dili na angay nga malipay ang mga mamalitay, ug dili na usab angay nga maguol ang mga namaligya, kay ang akong kasuko matagamtaman sa tanan.

Oseas 9:7

Mga taga-Israel, miabot na ang higayon nga silotan kamo, ang higayon nga singlon kamo sa inyong gipanghimo. Ug mahibaloan gayod ninyo nga miabot na kini. Nag-ingon kamo, ‘Kana nga propeta buang-buang! Kanang tawhana nga gigamhan sa espiritu, buang!’ Mao kana ang inyong giingon bahin kanako tungod kay daghan na kaayo ang inyong sala ug nasuko kamo pag-ayo kanako.

Amos 9:7

Miingon ang  Ginoo, “Sama ra sa mga taga-Etiopia ang pagtan-aw ko kaninyo nga mga Israelinhon.” Tinuod nga gipagawas ko kamo gikan sa Ehipto, apan gipagawas ko usab ang mga Filistihanon sa Caftor, ug ang mga Aramehanon gipagawas ko sa Kir.

Lucas 21:22

Kay nianang mga adlawa silotan sa Dios ang Jerusalem aron sa pagtuman sa giingon sa Kasulatan.

Deuteronomio 2:23

Mao usab kini ang nahitabo sa dihang gisulong sa taga-Caftor ang mga taga-Ava nga nagpuyo sa mga baryo sa Gaza. Gilaglag nila ang mga taga-Ava ug gipuy-an ang ilang dapit.)

Josue 22:30

Nalipay si Pinehas nga pari ug ang mga pangulo sa mga pamilya sa katilingban sa Israel sa dihang nadungog nila ang giingon sa mga tribo nila ni Ruben, Gad, ug katunga sa tribo ni Manases.