Jeremias 45:4 - Ang Pulong sa Dios

⁴ “Baruc, miingon ang  Ginoo nga sultihan ka niini, ‘Gub-on ko ang nasod nga akong gitukod. Ibton ko ang akong tinanom. Himuon ko usab kini sa tibuok yuta.

Ang Biblia 2011

⁴ Busa mao kini ang isulti kaniya, Mao kini ang giingon sa Ginoo: Unsay akong gitukod akong tumpagon ug unsay akong gitanom, akong ibton—kini mao ang tibuok nga yuta.

Maayong Balita Biblia

⁴ Busa gisugo ako sa Ginoo sa pag-ingon kang Baruc, “Gilumpag ko ang akong gitukod ug giibot ko ang akong gitanom. Buhaton ko kini sa tibuok kalibotan.

Ang Bag-ong Maayong Balita Biblia

⁴ Busa gisugo ako sa Ginoo sa pag-ingon kang Baruc, “Gilumpag ko ang akong gitukod ug giibot ko ang akong gitanom. Buhaton ko kini sa tibuok kalibotan.

Jeremias 45:4 Cross References

Ecclesiastes 3:3

adunay panahon sa pagpatay ug adunay panahon sa pagtambal, adunay panahon sa pagguba ug adunay panahon sa pagtukod,

Jeremias 1:10

Karong adlawa hatagan ka nako ug awtoridad sa pagsulti sa mga nasod ug mga gingharian. Sultihi sila nga ang uban kanila malaglag gayod, ug ang uban kanila mobangon ug motindog pag-usab.”

Jeremias 11:17

Ang Ginoo nga Makagagahom maoy nagtukod sa Juda ug Israel, apan karon nagmando siya nga laglagon kini tungod sa daotan ninyong binuhatan. Gipalagot ninyo siya pinaagi sa pagsunog ug insenso ngadto kang Baal.

Jeremias 12:2

Gipanalanginan mo sila sama sa kahoy nga nakapanggamot nga mitubo ug namunga. Kanunay silang nagsultig maayo bahin kanimo, apan ang ilang kasing-kasing layo kanimo.

Jeremias 31:28

Kaniadto gilaglag, giguba, ug gipukan ko sila. Apan karon sigurohon ko nga mapabarog sila, ug lig-onon ko sila.” Ako, ang  Ginoo, ang nag-ingon niini.

Mga Pagbangotan 2:6

Giguba niya ang iyang Templo nga daw sa usa lang kini ka payag sa uma. Pagbuot niya nga kalimtan sa katawhan sa Jerusalem ang gitakda nga mga pista ug Adlaw nga Igpapahulay. Sa iyang hilabihang kasuko gisalikway niya ang mga hari ug mga pari.

Oseas 2:14

“Karon, danihon ko siya ug dad-on sa kamingawan ug pangulitawhan pag-usab.

Deuteronomio 28:63

Maingon nga gikalipay sa Ginoo ang pagpauswag ug pagpadaghan kaninyo, ikalipay usab niya ang paglaglag ug pagpamatay kaninyo, hangtod nga mangawala kamo sa yuta nga inyong sudlon ug panag-iyahan.