Jeremias 43:10 - Ang Pulong sa Dios

¹⁰ Ingna sila nga ako, ang  Ginoo nga Makagagahom, ang Dios sa Israel, nag-ingon, ‘Ipadala ko ang akong alagad nga si Nebucadnezar nga hari sa Babilonia, ug ibutang ko ang iyang trono niining mga bato nga akong gilubong ug ipahimutang niya ang iyang harianong tolda ibabaw niini.

Ang Biblia 2011

¹⁰ ug ingna sila, ‘Mao kini ang giingon sa Ginoo sa mga panon, ang Dios sa Israel: Ako magpadala ug magkuha kang Nabucodonosor nga hari sa Babilonia nga akong alagad. Ipahimutang niya ang iyang trono ibabaw niining mga bato nga akong gitagoan ug siya magbukhad sa harianon niyang puluy-anan ibabaw kanila.

Maayong Balita Biblia

¹⁰ Unya sultihi sila nga ako, ang Ginoo nga Labing Gamhanan, ang Dios sa Israel, nag-ingon: Dad-on ko nganhi ang akong sulugoon nga si Nabucodonosor nga hari sa Babilonia. Ibutang niya ang iyang trono ibabaw niining mga batoha nga akong gilubong ug hikyaron ang iyang harianong tolda sa ibabaw niini.

Ang Bag-ong Maayong Balita Biblia

¹⁰ Unya sultihi sila nga ako, ang Ginoo nga Labing Gamhanan, ang Dios sa Israel, nag-ingon: Dad-on ko nganhi ang akong sulugoon nga si Nabucodonosor nga hari sa Babilonia. Ibutang niya ang iyang trono ibabaw niining mga batoha nga akong gilubong ug hikyaron ang iyang harianong tolda sa ibabaw niini.

Jeremias 43:10 Cross References

1 Mga Hari 20:12

Nadawat ni Ben Hadad ang tubag ni Ahab samtang nag-inom siya ug ang kauban niya nga mga hari didto sa ilang mga tolda. Unya gimandoan niya ang iyang mga tawo nga mangandam sa pagsulong sa Samaria. Ug gituman nila kini.

1 Mga Hari 20:16

Misulong sila sa panahon sa kaudtohon, samtang si Ben Hadad ug ang 32 ka hari nga iyang kaabin naghubog sa ilang mga tolda.

Salmo 18:11

Gihimo mo ang kangitngit nga mosalipod kanimo. Nagtago ka sa mabagang dag-om.

Salmo 27:5

Kay sa panahon sa katalagman tagoan niya ako ug panalipdan diha sa iyang templo. Ipahimutang niya ako sa dapit diin luwas ako sa katalagman.

Salmo 31:20

Gitagoan mo sila sa dapit diin anaa ang imong presensya, ug didto luwas sila sa mga daotang mga plano ug pagpanginsulto sa mga tawo.

Isaias 44:28

Moingon ako kang Cyrus, “Ikaw ang magbalantay sa akong katawhan, ug himuon mo ang tanan kong gusto. Magmando siya nga tukoron pag-usab ang Jerusalem ug ang Templo niini.”

Isaias 45:1

Mao kini ang giingon sa Ginoo kang Cyrus nga iyang pinili, kansang gahom iyang gipalig-on. “Sakopon mo ang mga nasod ug pildihon mo ang mga hari. Ablihan mo ang mga pultahan sa ilang mga siyudad ug dili na kini sirad-an.

Jeremias 1:15

Pamati! Ipadala ko ang mga sundalo sa mga gingharian sa amihanan sa pagsulong sa Jerusalem. “Ibutang sa ilang mga hari ang ilang mga trono diha sa mga ganghaan sa Jerusalem. Gub-on nila ang mga paril sa Jerusalem ug sulongon ang mga lungsod sa Juda.

Jeremias 43:9

“Samtang gatan-aw ang katawhan sa Juda, pagkuha ug dagkong bato ug ilubong kini sa minasang yutang kolonon, sa agianan pasulod sa puloy-anan sa hari sa Ehipto dinhi sa Tahpanhes.

Jeremias 46:13

Mao kini ang giingon sa Ginoo kang Propeta Jeremias mahitungod sa pagsulong ni Nebucadnezar nga hari sa Babilonia ngadto sa Ehipto:

Jeremias 49:38

Ipahimutang ko sa Elam ang akong trono ug hukman ko sila. Laglagon ko ang hari ug ang mga opisyal sa Elam.

Ezequiel 5:12

Bahinon ko kamo sa tulo ka bahin. Ang unang bahin mangamatay diha sa siyudad pinaagi sa kagutom ug mga sakit. Ang ikaduhang bahin mangamatay sa gawas sa siyudad pinaagi sa espada. Ug ang ikatulong bahin katagon ko sa tibuok kalibotan ug padayon ko silang lisod-lisoron.

Daniel 2:21

Siya ang nagbuot sa dagan sa panahon. Siya ang nagpapahawa sa mga hari ug siya usab ang nagbuot kon kinsa ang maghari. Siya ang naghatag ug kaalam sa mga maalamon.

Mateo 22:7

Busa nasuko pag-ayo ang hari. Gisugo niya ang iyang mga sundalo nga pamatyon usab ang nagpatay sa iyang mga sulugoon ug sunogon ang ilang lungsod.