Jeremias 41:10 - Ang Pulong sa Dios

¹⁰ Unya gipangbihag ni Ishmael ang mga tawo nga nahibilin sa Mizpa, ang mga anak nga babaye sa hari ug ang mga katawhan nga gitugyan ni Nebuzaradan sa pagdumala ni Gedalia. Unya milakaw si Ishmael pabalik sa Amon dala kini nga mga bihag.

Ang Biblia 2011

¹⁰ Unya gibihag ni Ismael ang tanang nahibilin sa mga tawo nga didto sa Mispa, ang mga anak nga babaye sa hari, ug ang tanang mga tawo nga nagpabilin sa Mispa, kadtong gitugyan ni Nebusaradan nga kapitan sa mga bantay ngadto kang Gedalias nga anak ni Ahikam; ug sila gibihag ni Ismael nga anak ni Netanias, ug migikan aron motabok ngadto sa mga Amonihanon.

Maayong Balita Biblia

¹⁰ Unya gibilanggo ni Ismael ang mga anak nga babaye sa hari ingon man ang tanang tawo sa Mispa nga gipiyal sa pangulo nga si Nebusaradan ngadto kang Gedalias. Gibihag sila ni Ismael ug unya mipanaw sila paingon sa yuta sa Ammon.

Ang Bag-ong Maayong Balita Biblia

¹⁰ Unya gibilanggo ni Ismael ang mga anak nga babaye sa hari ingon man ang tanang tawo sa Mispa nga gipiyal sa pangulo nga si Nebusaradan ngadto kang Gedalias. Gibihag sila ni Ismael ug unya mipanaw sila paingon sa yuta sa Ammon.

Jeremias 41:10 Cross References

Nehemias 2:10

Apan sa dihang nadunggan ni Sanbalat nga taga-Horon ug ni Tobia nga usa ka opisyal nga Amonihanon nga miabot ako sa pagtabang sa mga Israelinhon, nasuko sila pag-ayo.

Nehemias 2:19

Apan sa dihang nabalitaan kini ni Sanbalat nga taga-Horon, ni Tobia nga usa ka opisyal nga Amonihanon, ug ni Geshem nga Arabo, gibugal-bugalan nila kami ug gikataw-an. Miingon sila, “Unsa kanang inyong gipanghimo? Nagplano ba kamo sa pagrebelde sa hari?”

Jeremias 22:30

Kay mao kini ang giingon sa  Ginoo: “Isulat nga kini si Jehoyakin walay anak. Kay walay bisan usa sa iyang mga anak nga molampos sa paglingkod sa trono ni David ingon nga hari sa Juda. Kining tawhana dili magmauswagon sa iyang kinabuhi.”

Jeremias 38:23

“Ang tanan mong mga asawa ug anak bihagon sa mga taga-Babilonia. Ikaw mismo dili makaikyas kanila. Bihagon ka sa hari sa Babilonia, ug sunogon kining siyudad.”

Jeremias 39:6

Didto sa Ribla, gipapatay ni Nebucadnezar ang mga anak nga lalaki ni Zedekia sa iya mismong atubangan, apil ang tanang dungganong tawo sa Juda.

Jeremias 40:14

ug miingon, “Wala ka ba masayod nga si Haring Baalis sa mga Amonihanon nagsugo kang Ishmael nga anak ni Netania sa pagpatay kanimo?” Apan wala motuo si Gedalia kanila.

Jeremias 40:7

Adunay pipila ka mga opisyal ug mga sundalo sa Juda didto sa mga hilit nga dapit nga wala motahan sa ilang kaugalingon sa Babilonia. Nakabalita sila nga gihimo sa hari sa Babilonia nga gobernador sa Juda si Gedalia nga anak ni Ahikam; ug nga siya ang nagdumala sa pobreng mga kalalakin-an, kababayen-an, ug kabataan nga wala bihaga ngadto sa Babilonia.