Jeremias 4:30 - Ang Pulong sa Dios

³⁰ Unsay gibuhat mo, Jerusalem, nga laglagonon? Nganong nagsul-ob ka pa ug nindot nga bisti ug alahas? Nganong nangarte ka sa imong mga mata? Ang imong pagpatahom wala nay pulos. Ang imong mga hinigugma misalikway na kanimo ug gusto ka na nilang patyon.

Ang Biblia 2011

³⁰ Ug ikaw nga biniyaan, unsa bay imong ipasabot nga ikaw nagbisti ug pula, nga ikaw nagdayandayan sa imong kaugalingon ug mga dayandayan nga bulawan, nga gipadako nimo ang imong mga mata sa pintal? Sa walay pulos nagpaanyag ikaw sa imong kaugalingon. Ang imong mga hinigugma nagtamay kanimo; sila nagtinguha sa imong kinabuhi.

Maayong Balita Biblia

³⁰ Alaot ka, O Jerusalem nga biniyaan! Nganong nagbisti kag pula? Nganong nangalahas ka man ug namintal sa imong mata? Anugon lang ang imong pagpaguwapa kay gisalikway ka na sa imong mga hinigugma, ug buot ka nilang patyon!

Ang Bag-ong Maayong Balita Biblia

³⁰ Alaot ka, O Jerusalem nga biniyaan! Nganong nagbisti kag pula? Nganong nangalahas ka man ug namintal sa imong mata? Anugon lang ang imong pagpaguwapa kay gisalikway ka na sa imong mga hinigugma, ug buot ka nilang patyon!

Jeremias 4:30 Cross References

2 Mga Hari 9:30

Unya miadto si Jehu sa Jezreel. Pagkahibalo niini ni Jezebel, nangarte siya ug namintana.

Mga Panultihon 6:25

Ayaw pagpatintal sa iyang katahom. Ayaw pagpadala sa iyang mga kidhat.

Mga Panultihon 7:10

Unya gisugat siya sa usa ka babaye nga nagsul-ob ug bisti sa babayeng nagbaligyag dungog, nga aduna nay planong daan sa unsay iyang himuon sa maong lalaki.

Isaias 10:3

Unsay inyong buhaton sa adlaw nga silotan kamo? Unsay inyong himuon inig-abot sa katalagman gikan sa halayo? Kinsay inyong pangayoan ug tabang? Ug asa man ninyo tagoan ang inyong bahandi?

Isaias 20:6

Sa panahon nga mahitabo kini, moingon ang mga Filistihanon, ‘Tan-awa ang nahitabo sa mga nasod nga gisaligan nato ug gipangayoan ug tabang aron sa pagluwas kanato gikan sa hari sa Asiria. Unsaon na man nato karon pag-ikyas?’ ”

Isaias 33:14

Nangurog sa kahadlok ang mga makasasala sa Jerusalem. Moingon sila, “Ang Dios sama sa nagdilaab nga kalayo nga dili mapalong. Kinsa man kanato ang makapuyo atubangan sa presensya sa Dios?”

Jeremias 13:21

Unsa kahay imong bation kon ang mga nasod nga imong gihimong kaabin maoy pagamhon sa Ginoo kanimo? Dili mo kaha bation ang kasakit nga sama sa bation sa babayeng nagbati?

Jeremias 22:23

Kamong nagpuyo sa palasyo nga hinimo sa mga kahoyng sedro nga gikan sa Lebanon, mag-agulo kamo kon moabot na ang mga kasakit kaninyo, sama sa pag-agulo sa usa ka babayeng nagbati.

Jeremias 30:14

Gikalimtan na kamo sa inyong kaabin nga mga nasod; wala na sila magpakabana kaninyo. Gisulong ko kamo sama sa pagsulong sa usa ka kaaway. Gisilotan ko kamo sa hilabihan tungod kay bug-at na kaayo ang inyong mga sala ug labihan kadaghan.

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Mga Pagbangotan 1:19

“Nangayo akog tabang sa akong mga kaabin, apan gilimbongan nila ako. Nangamatay sa siyudad ang akong mga pari ug mga tigdumala sa ilang pagpangitag pagkaon aron padayon silang mabuhi.

Mga Pagbangotan 1:2

Sama siya sa babaye nga naghilak pag-ayo tibuok gabii; ang iyang mga luha nagtulo sa iyang mga aping. Wala gayoy bisan usa sa iyang mga hinigugma nga milipay kaniya. Giluiban siya sa tanan niyang mga higala, ug nahimo niya silang mga kaaway.

Mga Pagbangotan 4:17

Nagngitngit na ang among mga panan-aw sa paghulat sa tabang gikan sa among kaabin nga mga nasod, apan wala gayoy miabot. Nagbantay kami sa among mga tore alang sa pag-abot niining mga nasod nga dili makaluwas kanamo.

Ezequiel 28:13

Didto ka kaniadto sa Eden, sa hardin sa Dios. Gidekorasyonan ka sa nagkalain-laing matang sa mga mahalong bato: rubi, topas, emerald, krisolito, onix, haspe, sapiro, turquiso, ug beril. Gidekorasyonan ka usab ug bulawan nga giandam nang daan alang kanimo sa adlaw nga ikaw gilalang.

Ezequiel 28:9

Tan-awon ta kon makaingon ka pa ba gihapon nga ikaw usa ka dios atubangan sa mga mopatay kanimo. Alang kanila usa ka lang ka tawo ug dili dios.

Abdias 1:7

Limbongan kamo sa inyong kaabin nga mga nasod, ug abugon gikan sa inyong dapit. Sila nga nakig-uban kaninyo sa pagpangaon maoy magbutang ug laang alang kaninyo, ug dili kamo makamatikod niini.

Mga Hebreo 2:3

Busa dili gayod kita makalingkawas sa silot kon dili nato hatagan ug pagtagad kining kaluwasan nga wala gayoy sama. Ang Ginoo mismo mao ang una nga nagbutyag niini nga kaluwasan, ug gipamatud-an kini kanato sa mga tawong nakadungog kaniya.

Gipadayag 17:13

Kining napulo ka hari adunay usa lang ka katuyoan, ug ihatag nila ang ilang gahom ug katungod sa mananap.

Gipadayag 17:2

Nakighilawas kaniya ang mga hari sa kalibotan pinaagi sa pagsunod sa iyang pagtulon-an, ug ang mga tawo sa kalibotan nangahubog tungod sa iyang pagkabigaon.”

Gipadayag 17:4

Ang babaye nagsul-ob ug panapton nga pulahon ug mahalon. Nagsul-ob usab siyag bulawan, mahalong mga bato, ug mga perlas. Aduna siyay gikuptang kopa nga bulawan nga puno sa law-ay ug hugaw nga mga butang nga bunga sa iyang pagpakighilawas.