Jeremias 4:22 - Ang Pulong sa Dios

²² Miingon ang  Ginoo, “Buang-buang ang akong katawhan. Wala sila makaila kanako. Sama sila sa mga batang walay panabot. Hanas silang mohimo ug daotan; dili sila mahibalong mobuhat ug maayo.”

Ang Biblia 2011

²² “Kay ang akong katawhan mga buangbuang, wala sila makaila kanako; sila hungog nga mga anak, ug wala silay mga salabotan. Sila mga batid sa pagbuhat ug kadaotan, apan sa pagbuhat ug maayo sila walay kahibalo.”

Maayong Balita Biblia

²² Nag-ingon ang Ginoo, “Mga buangbuang ang akong katawhan; wala sila makaila kanako. Sama sila sa kabataan nga walay buot, wala silay salabotan. Hanas na sila sa pagbuhat ug daotan apan dili sila maantigong mobuhat sa maayo.”

Ang Bag-ong Maayong Balita Biblia

²² Nag-ingon ang Ginoo, “Mga buangbuang ang akong katawhan; wala sila makaila kanako. Sama sila sa kabataan nga walay buot, wala silay salabotan. Hanas na sila sa pagbuhat ug daotan apan dili sila maantigong mobuhat sa maayo.”

Jeremias 4:22 Cross References

Genesis 39:16

Gitipigan sa babaye ang bisti ni Jose hangtod sa pagpauli sa iyang bana.

2 Samuel 13:3

Adunay amigo si Amnon nga ginganlan ug Jonadab. Maro kaayo kining tawhana. Anak siya sa igsoon ni David nga si Shimea.

Salmo 36:3

Daotan ug bakak ang iyang mga gipanulti. Dili na siya mobuhat sa husto ug maayo.

Salmo 36:4

Bisan naghigda siya nagplano siya ug daotan. Mihunong siya sa paghimo ug maayo, ug wala niya isalikway ang daotan.

Salmo 53:4

Wala ba makahibalo kining daotang mga tawo sa ilang ginahimo? Siyempre nakahibalo! Nanginabuhi sila pinaagi sa pagpangilkil sa akong mga katawhan, ug wala sila nag-ampo sa Dios.

Salmo 82:5

“Wala silay nahibaloan. Dili sila makasabot. Daw nagkinabuhi sila sa kangitngit, ug walay kalig-onan ang ilang kinabuhi.

Mga Panultihon 28:5

Ang mga tawong daotan wala makasabot kon unsay hustisya, apan ang mga nagdangop sa Ginoo nakasabot pag-ayo niini.

Isaias 1:3

Bisan gani ang mga baka makaila sa ilang agalon, ug ang mga asno makatultol sa pasungan nga pakan-an kanila sa ilang agalon, apan ang Israel nga akong katawhan wala makasabot, wala makaila kanako.”

Isaias 27:11

Ug sa dihang nangalaya ug nangabali ang mga sanga, gitigom kini sa mga babaye aron isugnod. Tungod kay ang mga katawhan niini walay pagtagad, dili sila kaloy-an sa Dios nga nagbuhat kanila.

Jeremias 10:8

Mga hungog silang tanan ug mga buang-buang. Ang mga pagtulon-an sa ilang mga dios-dios nga kahoy walay pulos.

Jeremias 13:23

Mahimo bang ilisan sa usa ka itom nga tawo ang kolor sa iyang panit? Mahimo bang ilisan sa mananap nga leopardo ang puntik-puntik niini nga balhibo? Dili gayod! Mao usab kamo, mga taga-Jerusalem, dili kamo makahimog maayo, kay naanad na kamo sa paghimog daotan.

Jeremias 2:8

Bisan ang mga pari wala mangita kanako. Ang mga magtutudlo sa balaod wala makaila kanako. Ang mga pangulo nagrebelde kanako. Ang mga propeta nagsulti ug mga mensahe sa ngalan ni Baal, ug nagsunod sa mga dios-dios nga walay pulos.

Jeremias 4:21

Hangtod kanus-a ko pa padayon nga makita ang bandera sa pagpakig-gira ug madungog ang tingog sa budyong?

Jeremias 5:21

Patalinghogi ninyo kini, kamong mga buang-buang ug walay buot nga mga katawhan. Aduna kamoy mga mata, apan dili makakita, adunay mga dalunggan, apan dili makadungog.

Jeremias 5:4

Gipakaingon ko nga, “Mga kabos lamang sila, apan mga buang-buang diay sila. Kay wala sila masayod sa pamaagi sa Ginoo nga ilang Dios nga gipatuman kanila.

Jeremias 9:2

Kon aduna lang unta akoy kadayonan didto sa disyerto aron makapalayo ako sa akong mga katagilungsod. Kay maluibon silang tanan sa Ginoo. Sama sila sa mga babayeng mananapaw.

Jeremias 9:3

Miingon ang  Ginoo, “Mga bakak ang naggawas gikan sa mga baba sa akong katawhan, daw mga udyong kini gikan sa pana. Bakak ug dili kamatuoran ang nagpatigbabaw dinhi niini nga yuta. Migrabe na gayod ang ilang pagpakasala, ug wala nila ako ilha.”

Jeremias 9:5

Ang matag-usa manglimbong sa iyang isigka-tawo, ug walay usa nga nagsulti sa tinuod. Naanad na ang ilang dila sa pagpamakak, ug nahago sila sa pagpakasala.

Ezequiel 16:30

“ ‘Ako, ang Ginoong Dios, nag-ingon nga pagkahuyang mo nga nahimo mo kini nga mga butanga. Sama ka sa usa ka babaye nga baga ug nawong nga nagbaligya sa iyang dungog.

Oseas 4:1

Kamong mga Israelinhon nga nagpuyo sa yuta sa Israel, pamatia ninyo kining akusasyon sa Ginoo batok kaninyo, “Wala nay tawo sa inyong yuta nga nagmatinumanon, naghigugma, ug nag-ila kanako.

Oseas 4:6

Nalaglag ang akong katawhan tungod kay kulang sila sa kahibalo mahitungod kanako. “Kay kamo mismo nga mga pari gisalikway ninyo ang kahibalo mahitungod kanako, busa isalikway ko usab kamo isip akong mga pari. Gikalimtan ninyo ang akong Kasugoan, busa kalimtan ko usab ang inyong mga anak.

Oseas 5:4

“Ang inyong daotang mga binuhatan nagpugong kaninyo sa pagbalik kanako nga inyong Dios. Kay anaa sa inyong kasing-kasing ang espiritu sa pagsimba sa mga dios-dios, ug wala ninyo ako ilha nga Ginoo.

Amos 3:10

“Dili sila kahibalong mobuhat ug matarong, ug ang lig-ong mga bahin sa ilang lungsod puno sa mga butang nga kinawat ug inilog,” miingon ang Ginoo.

Miqueas 2:1

Alaot kamong nagplano ug daotan bisan sa inyong paghigda. Pagkabuntag buhaton ninyo ang daotan ninyong giplano tungod kay aduna kamoy gahom sa paghimo niini.

Miqueas 7:3

Hanas sila sa paghimo ug daotan. Ang mga pangulo ug mga huwes nagdawat ug suborno, ug nagsunod lang sila sa gusto sa mga inila ug gamhanan nga mga tawo. Nagkahiusa sila sa pagplano sa pagtuis sa hustisya.

Lucas 16:8

Pagkahibalo sa agalon sa iyang gihimo, gidayeg niya ang limbongan nga sinaligan sa kaabtik niini tungod kay nakapangandam na kini alang sa iyang umaabot. Kay ang mga tawo nga mipalabi sa mga butang dinhi sa kalibotan mas abtik makig-angay sa sama kanila kaysa mga gilamdagan na sa Dios.

Juan 16:3

Buhaton nila kini kaninyo tungod kay wala sila makaila sa Amahan o kanako.

Roma 1:22

Nag-ingon sila nga sila mga maalamon, apan ang tinuod nahimo silang mga buang-buang.

Roma 1:28

Tungod kay dili sila moila sa Dios, gipasagdan niya sila sa ilang kaugalingong huna-huna nga dili makapili sa husto. Busa gibuhat nila ang mga butang nga dili angayng buhaton.

Roma 16:19

Nabantog ang inyong pagkamatinumanon kang Cristo, busa nalipay gayod ako; apan gusto ko nga magmaalamon kamo mahitungod sa pagbuhat ug maayo, ug inosente mahitungod sa pagbuhat ug daotan.

Roma 3:11

Wala gayoy bisan usa nga nakasabot mahitungod sa Dios, ug wala gayoy nagtinguha sa pag-ila kaniya.

1 Mga Taga-Corinto 14:20

Mga igsoon, kon mahitungod niining mga butanga, dili ko gusto nga sama kamo sa bata kon maghuna-huna. Pagpakasama kamo kainosente sa bata kon daotan maoy hisgotan. Apan kon sa paggamit sa inyong panghuna-huna, pagpakahingkod kamo.

Deuteronomio 32:28

“Ang Israel usa ka nasod nga walay kaalam ug panabot.

Deuteronomio 32:6

Mao ba kini ang inyong ibalos sa Ginoo? Mga buang-buang gayod kamo ug kulang sa panabot. Dili ba siya ang inyong Amahan nga nagbuhat kaninyo?