Jeremias 4:18 - Ang Pulong sa Dios

¹⁸ Ang inyo mismong mga gawi ug binuhatan maoy naghatod kaninyo niini. Mao kini ang inyong silot. Pait kini kaayo, ug midulot kini sa inyong kasing-kasing!”

Ang Biblia 2011

¹⁸ Ang imong mga pamaagi ug ang imong mga binuhatan nagdala niini nganha kanimo. Mao kini ang imong kaalaotan, ug pait kini; miabot kini sa imo gayong kasingkasing.”

Maayong Balita Biblia

¹⁸ Juda, mahitabo kini kanimo tungod sa daotan mong mga buhat. Ang imong sala maoy nakaingon niining tanan busa bation mo ang kapait ug tumang kasakit.

Ang Bag-ong Maayong Balita Biblia

¹⁸ Juda, mahitabo kini kanimo tungod sa daotan mong mga buhat. Ang imong sala maoy nakaingon niining tanan busa bation mo ang kapait ug tumang kasakit.

Jeremias 4:18 Cross References

Salmo 107:17

Adunay mga tawo nga nahimong buang-buang tungod sa ilang pagkamalapason ug nag-antos sila tungod sa ilang pagkadaotan.

Mga Panultihon 1:31

Busa anihon ninyo ang bunga sa inyong binuhatan ug sa inyong mga daotang plano.

Mga Panultihon 5:22

Ang binuhatan sa tawong daotan sama sa lit-ag nga mounay kaniya.

Isaias 50:1

Miingon ang  Ginoo, “Gisalikway ko ba ang Jerusalem sama sa usa ka bana nga mibulag sa iyang asawa? Pamatud-i ninyo! Gibaligya ko ba kamo ingon nga ulipon ngadto sa akong giutangan isip bayad? Gibihag kamo tungod sa inyong mga sala. Gisalikway ang Jerusalem tungod sa inyong mga kalapasan.

Jeremias 14:16

Ug mahitungod sa mga tawo nga ilang gisultihan sa ilang mga mensahe, ipanglabay ang ilang mga patayng lawas diha sa mga kadalanan sa Jerusalem. Mangamatay sila tungod sa gira ug kagutom. Walay molubong kanila, sa ilang mga asawa, ug sa ilang mga kabataan. Ipatagamtam ko kanila ang silot nga angay kanila.

Jeremias 2:17

Kamo ra mismong mga Israelinhon ang nagdala niini nga kalaglagan sa inyong kaugalingon. Kay gisalikway ninyo ako, ang  Ginoo nga inyong Dios, sa dihang gigiyahan ko kamo sa dalan.

Jeremias 2:19

Tungod sa inyong kadaotan ug pagsalikway kanako, badlongon ug silotan ko kamo. Karon, huna-hunaa ninyo pag-ayo kon unsa kadaotan ug kapait ang pagsalikway ug dili pagtahod sa Ginoo nga inyong Dios. Ako, ang  Ginoo nga Makagagahom, ang nag-ingon niini.

Jeremias 26:19

Gipatay ba siya ni Ezequias o ni bisan kinsa sa Juda? Wala! Mitahod hinuon si Ezequias sa Ginoo ug midangop kaniya. Busa wala ipadayon sa Ginoo ang katalagman nga iyang giingon nga ipahamtang kanila. Kon patyon ninyo si Jeremias, kamo mismo ang nagdalag makalilisang nga katalagman kanatong tanan.”

Jeremias 5:19

Ug kon mangutana ang mga tawo, ‘Nganong gibuhat man kining tanan sa Ginoo nga atong Dios kanato?’ Ingna sila, ‘Kay gisalikway ninyo ang  Ginoo ug nag-alagad kamo sa ubang mga dios diha mismo sa inyong kaugalingong yuta. Busa karon mag-alagad kamo sa mga langyaw, sa yuta nga dili inyo.’

Jeremias 5:25

Ang inyong pagkadaotan maoy nagpahilayo niining mga kaayohan gikan kaninyo. Ang inyong mga sala maoy nakapugong nga madawat ninyo kini nga mga pagpanalangin.

Jeremias 6:19

Pamati, O kalibotan! Magpadala akog kalaglagan niini nga mga tawo ingon nga silot sa ilang daotang mga plano. Kay wala nila hatagig pagtagad ang akong mga pulong ug gisalikway nila ang akong kasugoan.

Mga Pagbangotan 3:15

Pulos kapaitan ang gihatag niya kanako.

Ezequiel 39:24

Gihimo ko lang kanila ang angay sa ilang gihimo nga kahugaw ug kadaotan. Gitalikdan ko gayod sila.”

Oseas 7:2

Wala sila nakahuna-huna nga gihinumdoman ko ang tanan nilang daotang buhat. Sa gihapon nagapos sila sa ilang mga sala ug nakita ko kining tanan.