Jeremias 4:13 - Ang Pulong sa Dios

¹³ Tan-awa! Ang atong kaaway nagpadulong nga daw sa mga panganod. Ang iyang mga karwahi daw buhawi, ug ang iyang mga kabayo tulin pa sa mga agila. Alaot kita! Malaglag gayod kita.

Ang Biblia 2011

¹³ Tan-awa, siya moanhi sama sa mga panganod, ang iyang mga karwahi sama sa alimpulos; ang iyang mga kabayo tulin pa kay sa mga agila— alaot kita, kay kita nangalaglag!

Maayong Balita Biblia

¹³ Ang kaaway nagpaingon na nganhi nga daw panganod, ang karwahing iggugubat niya sama sa alimpulos; tulin pa sa agila ang iyang mga kabayo ug sigurong mangamatay gayod kita.

Ang Bag-ong Maayong Balita Biblia

¹³ Ang kaaway nagpaingon na nganhi nga daw panganod, ang karwahing iggugubat niya sama sa alimpulos; tulin pa sa agila ang iyang mga kabayo ug sigurong mangamatay gayod kita.

Jeremias 4:13 Cross References

2 Samuel 1:23

Gimahal gayod sa mga Israelinhon si Saulo ug si Jonatan sa buhi pa sila, ug nag-inunongay sila hangtod sa kamatayon. Mas abtik pa sila kay sa mga agila ug mas kusgan pa kay sa mga liyon.

Isaias 13:5

Naggikan sila sa layo kaayong mga dapit. Laglagon sa Ginoo ang tibuok yuta pinaagi sa iyang mga sundalo.

Isaias 19:1

Kini nga mensahe bahin sa Ehipto: Pamati! Nagsakay ang  Ginoo sa tulin nga panganod padulong sa Ehipto. Sa iyang pag-abot, mangurog sa kahadlok ang mga dios-dios sa Ehipto, ug malisang ang mga Ehiptohanon.

Isaias 3:8

Sigurado nga malaglag ang Jerusalem ug ang Juda, tungod kay ang ilang mga binuhatan ug ginapanulti batok sa Ginoo. Nagrebelde sila batok sa gamhanang presensya sa Ginoo.

Isaias 5:28

Hait ang ilang mga udyong ug andam na ang ilang mga pana. Ang kuko sa ilang mga kabayo sama sa gahi kaayong bato, ug ang tinuyokan sa ligid sa ilang mga karwahi sama kakusog sa alimpulos.

Isaias 66:15

Pamati! Moabot ang  Ginoo inubanan sa kalayo, ug ang iyang mga karwahi murag alimpulos. Ipahamtang niya ang iyang kapungot ngadto sa iyang mga kaaway, ug silotan niya sila sa nagdilaab nga kalayo.

Jeremias 10:19

Miingon ang mga taga-Jerusalem, “Alaot kita! Grabe kaayo ang atong samad. Dili na kini maulian. Apan kinahanglan nga antoson nato kini.

Jeremias 4:12

Labihan kini kakusog nga hangin nga maggikan kanako. Ipadayag ko karon kanila ang akong silot.”

Jeremias 4:31

Nakadungog akog tiyabaw ug agulo, sama sa usa ka babayeng nanganak nga primerisa. Tiyabaw kini sa mga lumulupyo sa Jerusalem nga daw makabsan sa ginhawa. Giisa nila ang ilang mga kamot ug nagkanayon, “Pagkamakaluluoy namo; daw mawad-an na kamig panimuot. Kay miabot na ang mopatay kanamo.”

Jeremias 46:18

“Ako, ang buhi nga Hari, ang  Ginoo nga Makagagahom, magsaad nga adunay mosulong sa Ehipto nga labaw kaniya, sama sa Bukid sa Tabor sa taliwala sa kabukiran, o sa Bukid sa Carmel daplin sa dagat.

Jeremias 48:40

Nagpadayon pa gayod sa pagsulti ang  Ginoo, “Tan-awa! Ang kaaway sa Moab daw agila nga mosakdap niini.

Jeremias 49:22

Tan-awa! Ang kaaway daw agila nga molupad ug mosakdap sa Bozra. Nianang panahona ang mga sundalo sa Edom bation ug kahadlok sama sa bation sa babayeng nagbati.”

Jeremias 6:23

Armado sila sa mga pana ug bangkaw. Bangis sila ug walay kaluoy. Nagsakay sila sa ilang mga kabayo, ug ang ilang kabanha sama sa dahunog sa makusog nga balod. Moabot sila aron sa pagsulong kaninyo, O mga taga-Jerusalem.”

Jeremias 9:19

Paminawa ang pagminatay didto sa Jerusalem. Nag-ingon ang mga tawo, ‘Nalaglag kita! Makauulaw kining nahitabo kanato! Kinahanglang biyaan ta ang atong yuta kay gipangguba ang atong mga balay!’ ”

Mga Pagbangotan 4:19

Mas tulin pa sa mga agila ang among mga kaaway nga naggukod kanamo. Ginagukod nila kami sa kabukiran. Ug bisan sa kamingawan giatangan nila kami.

Ezequiel 26:10

Matabonan kamo sa abog tungod sa iyang mga kabayo nga labihan kadaghan. Matay-og ang inyong mga paril tungod sa iyang naghaguros nga mga kabayo ug mga karwahi nga pasulod sa mga pultahan sa guba ninyong lungsod.

Ezequiel 38:9

Ikaw ug ang imo nga mga sundalo, ug ang imo nga kauban nga mga nasod, magsulong sa Israel nga daw sa usa ka bagyo, ug libotan ninyo kini nga daw sa panganod nga motabon niini.”

Daniel 11:40

“Pag-abot sa kataposan, makiggubat ang hari sa Ehipto sa hari sa Siria. Apan sulongon siya sa hari sa Siria nga adunay mga karwahi ug mga tigkabayo ug daghang mga barko. Sulongon niya nga daw baha ang daghang mga nasod ug laglagon.

Daniel 7:4

“Ang una nga mananap murag liyon, ug adunay pako sa agila. Unya, nakita ko nga gilangkat ang iyang mga pako. Gialsa siya ug gipatindog nga daw tawo ug gihatagan sa panghuna-huna nga sama sa tawo.

Oseas 8:1

Miingon ang Ginoo, “Patingoga ang budyong sa pagpahibalo sa akong katawhan nga ang Israel nga giisip ko nga akong puloy-anan sulongon sa kaaway nga daw agila nga mosakdap kanila. Kay gipakawalay-bili nila ang akong kasabotan ug gilapas nila ang akong Kasugoan.

Miqueas 2:4

Nianang adlawa bugal-bugalan kamo sa mga tawo pinaagi sa awit sa pagminatay nga nag-ingon, ‘Gilaglag kami sa hingpit! Gikuha sa Ginoo ang among yuta ug gihatag sa mga maluibon.’ ”

Nahum 1:3

Ang Ginoo dili daling masuko apan hilabihan ang iyang gahom; Silotan gayod sa Ginoo ang mga sad-an. Iyang gipakita ang iyang gahom sa alimpulos ug sa unos, ug ang mga panganod mga abog sa iyang tiil.

Habacuc 1:8

Ang ilang mga kabayo mas tulin pa kaysa leopardo, bangis pa kaysa mga lobo sa kilumkilom. Ang ilang mga kabalyero kusog nga modagan sa unahan, ang ilang mangabayo gikan pa sa halayo. Sama sila sa agila nga paspas molupad aron sa pagdakop sa ilang tukbonon.

Zacarias 6:1

Unya nakita ko ang upat ka karwahi nga mitunga taliwala sa duha ka bukid nga bronsi.

Mateo 24:30

“Unya makita diha sa langit ang ilhanan sa iyang pagbalik, ug manghilak ang tanang tawo sa kalibotan tungod niini. Ug makita nila ang Anak sa Tawo nga moabot gikan sa mga panganod uban sa gahom ug dakong himaya.

Deuteronomio 28:49

“Ipasulong kamo sa Ginoo sa usa ka nasod nga gikan sa layong dapit, sa kinatumyang bahin sa kalibotan, kansang pinulongan dili ninyo masabtan. Sulongon nila kamo nga daw sama sa agila nga nagsakdap.

Gipadayag 1:7

Tan-awa ninyo! Moanhi si Jesu-Cristo uban sa mga panganod. Ang tanang mga tawo makakita kaniya ingon man ang mga tawo nga mipatay kaniya. Ug ang mga tawo sa tanang nasod sa kalibotan manghilak tungod sa ilang kahadlok nga silotan na niya sila. Tinuod gayod kini! Amen!