Jeremias 4:11 - Ang Pulong sa Dios

¹¹ Moabot ang higayon nga moingon ang  Ginoo sa katawhan sa Jerusalem, “Mohuyop ang init nga hangin gikan sa taas nga mga dapit sa kamingawan paingon sa akong katawhan. Apan dili kini hangin nga mopalid sa tahop sa ilang trigo.

Ang Biblia 2011

¹¹ Nianang panahona kini isulti ngadto niining katawhan ug sa Jerusalem, “Ang usa ka init nga hangin gikan sa mga hawan nga kabungtoran didto sa kamingawan ngadto sa anak nga babaye sa akong katawhan, dili alang sa pagtahop o pagpanghinlo,

Maayong Balita Biblia

¹¹ Moabot ang panahon nga ang katawhan sa Jerusalem pahibaloon nga adunay makapasong hangin nga mohuros gikan sa kamingawan ug mohapak kini sa katawhan sa Ginoo. Dili kini huyohoy nga mopalid sa tahop.

Ang Bag-ong Maayong Balita Biblia

¹¹ Moabot ang panahon nga ang katawhan sa Jerusalem pahibaloon nga adunay makapasong hangin nga mohuros gikan sa kamingawan ug mohapak kini sa katawhan sa Ginoo. Dili kini huyohoy nga mopalid sa tahop.

Jeremias 4:11 Cross References

Salmo 11:6

Paulanan niyag nagdilaab nga mga baga ug asupre ang mga daotan; ug silotan niya sila pinaagi sa init nga hangin nga makapaso.

Isaias 22:4

Karon, pasagdi ninyo ako nga mohilak alang sa akong mga katagilungsod nga nangamatay. Ayaw ninyo ako lingawa.

Isaias 27:8

Gipabihag sa Ginoo ang iyang katawhan isip silot kanila. Giabog niya sila pinaagi sa hapak sa makusog nga hangin gikan sa sidlakan.

Isaias 41:16

Taphan mo sila ug ilupad sila sa hangin; ikatag sila sa alimpulos. Apan ikaw maglipay sa Ginoo; magdayeg ka sa Balaan nga Dios sa Israel.

Isaias 64:6

Nahisama kaming tanan sa usa ka hugawng butang, ug ang tanan namong mga maayong binuhatan sama lang sa hugawng trapo. Sama kaming tanan sa dahon nga nalaya, ug ang among kadaotan sama sa hangin nga mipalid kanamo.

Jeremias 13:24

Miingon ang  Ginoo, “Patibulaagon ko kamo nga daw sa tahop nga gipalid sa hangin gikan sa kamingawan. Mao kini ang inyong dangatan. Himuon ko kini kaninyo tungod kay gikalimtan ninyo ako, ug misalig kamo sa mini nga mga dios.

Jeremias 14:17

“Jeremias, isulti kini sa mga tawo, “ ‘Adlaw ug gabii walay hunong ang akong paghilak kay grabe ang samad sa akong katawhan nga giisip ko nga akong putli nga anak, ug nasakitan gayod sila.

Jeremias 23:19

Paminaw! Ang akong kasuko daw sa bagyo o buhawi nga mohapak sa ulo nianang mga tawong daotan.

Jeremias 4:12

Labihan kini kakusog nga hangin nga maggikan kanako. Ipadayag ko karon kanila ang akong silot.”

Jeremias 8:19

Paminawa ang pagpakitabang sa akong mga katagilungsod; madungog kini sa tibuok kayutaan. Nag-ingon sila, “Wala na ba sa Jerusalem ang  Ginoo? “Wala na ba dinhi ang Dios nga Hari sa Jerusalem?” Mitubag ang  Ginoo, “Nganong gipalagot ninyo ako pinaagi sa pagsimba sa mga dios-dios nga walay pulos?”

Jeremias 9:1

Kon ang akong ulo tinubdan pa sa tubig, ug ang akong mga mata tuboran sa mga luha, mohilak ako adlaw ug gabii alang sa akong mga katagilungsod nga gipamatay.

Jeremias 9:7

Busa ako, ang  Ginoo nga Makagagahom nag-ingon: “Putlion ko ang akong katawhan ug sulayan ko sila. Kay unsa pa may mahimo ko kanila?

Mga Pagbangotan 2:11

Nanghubag ang akong mga mata sa pagsigeg hilak. Hilabihan ang kasakit nga akong gibati. Daw mobuto ang akong dughan tungod sa pagkalaglag sa akong mga katawhan. Nangakuyapan diha sa mga kadalanan sa siyudad ang mga kabataan ug mga masuso.

Mga Pagbangotan 3:48

Daw nagbaha ang luha sa akong mga mata tungod kay nalaglag ang akong katawhan.

Mga Pagbangotan 4:10

Tungod sa labihan nga kagutom nga bunga sa kalaglagan nga miabot sa akong mga katawhan, bisan ang mahigugmaong mga inahan miluto sa ilang kaugalingong mga anak aron kan-on.

Mga Pagbangotan 4:3

Ang ihalas nga mga iro mopasuso sa ilang mga anak, apan ang akong mga katawhan walay kaluoy sa ilang mga anak sama sa mga langgam nga ostrich sa kamingawan.

Mga Pagbangotan 4:6

Ang silot nga gipahamtang ngadto sa akong mga katawhan mas labaw pa kaysa silot sa Sodom, nga kalit lang nga gilaglag sa Dios ug wala gayoy mitabang kanila.

Ezequiel 17:10

Bisan itanom pa kini pag-usab sa laing dapit dili gihapon kini motubo. Malaya kini sa hingpit kon huypon sa init nga hangin gikan sa sidlakan. Malaya kini diha sa iyang gituboan.’ ”

Ezequiel 19:12

Apan giibot kini sa nasuko kaniya, ug gilabay sa yuta. Nalawos kini tungod sa mainit nga hangin gikan sa sidlakan. Nalaya ang iyang lig-ong punoan ug gisunog dayon kini.

Oseas 13:15

Bisan pa ug mas mauswagon kamo kay sa inyong isigka-Israelinhon, laglagon ko gihapon kamo. Ipadala ko ang init nga hangin gikan sa disyerto sa sidlakan ug mohubas ang inyong mga tuboran ug mga atabay. Ug unya ilogon ang inyong mga mahalong kabtangan.

Oseas 13:3

Busa mahisama kamo sa gabon o yamog sa kabuntagon nga dali rang mahanaw, o sa tahop nga gipalid gikan sa giokanan o sa aso nga migawas gikan sa panghaw.

Oseas 4:19

Laglagon gayod sila nga daw gipalid sa makusog nga hangin, ug maulawan sila tungod sa ilang mga halad ngadto sa mga dios-dios.”

Habacuc 1:11

Unya moagi sila sama sa hangin. Nakasala sila tungod kay gisimba nila ang ilang mga kusog nga maoy ilang dios.

Habacuc 1:6

Akong ipamando ang mga taga-Babilonia, ang walay kaluoy ug bangis nga mga tawo, nga moataki sa tibuok kayutaan aron ilogon ang mga puloy-anan nga dili ilaha.

Mateo 3:12

Sama siya sa tawo nga nagpalid sa iyang giani aron ilain ang timgas gikan sa uhot. Ang trigo ibutang niya sa bodega, apan ang uhot sunogon niya sa kalayo nga dili gayod mapalong.”

Lucas 3:17

Sama siya sa tawo nga nagpalid sa iyang giani aron ilain ang timgas gikan sa uhot. Ang timgas ibutang niya sa bodega apan ang uhot sunogon niya sa kalayo nga dili gayod mapalong.”