Jeremias 39:5 - Ang Pulong sa Dios

⁵ Apan gigukod sila sa mga sundalo sa Babilonia, ug naapsan sila didto sa kapatagan sa Jerico. Gidakop nila si Zedekia ug gidala kang Haring Nebucadnezar didto sa Ribla, sa yuta sa Hamat, ug didto gihukman siya ni Nebucadnezar.

Ang Biblia 2011

⁵ Apan ang kasundalohan sa mga Caldeanhon migukod kanila ug naapsan si Zedekias didto sa kapatagan sa Jerico; ug sa diha nga nadakpan nila siya, gidala nila siya ngadto kang Nabucodonosor nga hari sa Babilonia didto sa Ribla, sa yuta sa Hamat, ug siya nagpakanaog ug hukom kaniya.

Maayong Balita Biblia

⁵ Apan gigukod sila sa mga sundalo sa Babilonia ug nadakpan nila si Sedekias didto sa kapatagan duol sa Jerico. Ila siyang gidala ngadto kang Hari Nabucodonosor didto sa lungsod sa Ribla sa yuta sa Hamat ug didto gihukman siya ni Nabucodonosor.

Ang Bag-ong Maayong Balita Biblia

⁵ Apan gigukod sila sa mga sundalo sa Babilonia ug nadakpan nila si Sedekias didto sa kapatagan duol sa Jerico. Ila siyang gidala ngadto kang Hari Nabucodonosor didto sa lungsod sa Ribla sa yuta sa Hamat ug didto gihukman siya ni Nabucodonosor.

Jeremias 39:5 Cross References

2 Samuel 8:9

Pagkadungog ni Toi nga hari sa Hamat nga gipildi ni David ang tibuok kasundalohan ni Hadadezer,

2 Mga Hari 17:24

Nagpadala ang hari sa Asiria ug mga tawo ngadto sa Samaria nga gikan sa Babilonia, Cut, Ava, Hamat, ug Sefarvaim, ug gipapuyo niya sila sa mga lungsod sa Samaria puli sa mga taga-Israel. Busa gisakop nila ang Samaria ug ang uban pang mga lungsod sa Israel.

2 Mga Hari 23:33

Gipriso siya ni Paraon Neco sa Ribla nga sakop sa yuta sa Hamat, aron dili siya makahari sa Jerusalem. Gipabayad ni Neco ang Juda ug 3,400 ka kilong plata ug 35 ka kilong bulawan ingon nga buhis.

2 Mga Hari 25:6

ug nadakpan siya. Gidala siya ngadto sa hari sa Babilonia didto sa Ribla ug gihukman.

2 Cronicas 33:11

Busa gipasulong sa Ginoo ang mga komander sa kasundalohan sa Asiria ngadto kanila. Gibihag nila si Manases, gikaw-itan ang iyang ilong, gikadenahan ug bronsi, ug gidala sa Babilonia.

Isaias 22:3

Nangagiw ang tanan ninyong mga pangulo, ug dali ra kaayo silang nadakpan. Ang uban kaninyo naninguha nga makakagiw, apan nadakpan ra gihapon.

Jeremias 21:7

Unya, ikaw Zedekia nga hari sa Juda, ug ang imong mga opisyal, ug ang mga tawong nahibilin nga wala mangamatay sa balatian, sa gira, ug sa kagutom, itugyan ko kang Nebucadnezar nga hari sa Babilonia ug sa uban pa ninyong mga kaaway nga nagtinguha sa inyong kinabuhi. Pamatyon kamo ni Nebucadnezar nga walay kaluoy. Ako, ang  Ginoo, ang nag-ingon niini.

Jeremias 24:8

“Apan isipon kong sama sa daot nga mga igera nga dili makaon si Zedekia nga hari sa Juda ug ang iyang mga opisyal, apil ang mga Israelinhon nga nahibiling buhi diha sa Jerusalem ug sa Ehipto.

Jeremias 38:18

Apan kon dili ka motahan sa imong kaugalingon, itugyan kini nga siyudad ngadto sa mga taga-Babilonia, ug sunogon nila kini ug dili ka makaikyas gikan kanila.”

Jeremias 38:23

“Ang tanan mong mga asawa ug anak bihagon sa mga taga-Babilonia. Ikaw mismo dili makaikyas kanila. Bihagon ka sa hari sa Babilonia, ug sunogon kining siyudad.”

Jeremias 4:12

Labihan kini kakusog nga hangin nga maggikan kanako. Ipadayag ko karon kanila ang akong silot.”

Jeremias 44:30

Itugyan ko si Paraon Hofra nga hari sa Ehipto sa kamot sa iyang mga kaaway nga gustong mopatay kaniya, maingon nga gitugyan ko si Zedekia nga hari sa Juda ngadto sa iyang kaaway nga si Nebucadnezar nga hari sa Babilonia nga gusto usab nga mopatay kaniya.’ ”

Jeremias 49:23

Mao kini ang mensahe bahin sa Damasco, “Gibati ug kahadlok ang mga taga-Hamat ug taga-Arpad sa daotang balita nga ilang nadungog. Nabalaka sila ug dili mahimutang sama sa dagat nga baloron.

Mga Pagbangotan 1:3

Gipaantos ug gibihag ang katawhan sa Juda. Tua na sila magpuyo sa laing mga nasod diin lisod ang ilang kahimtang. Gigukod sila sa ilang mga kaaway, ug wala silay kaikyasan.

Mga Pagbangotan 4:20

Nadakpan nila pinaagi sa ilang mga bangag ang hari nga pinili sa Ginoo, nga maoy among gisaligan nga manalipod kanamo batok sa mga kaaway nga nasod.

Ezequiel 23:24

Mosulong sila kanimo gikan sa amihan uban ang daghang mga sundalo, mga kabayo, ug mga karwahi. Adunay mga taming sila ug mga helmet, ug ila kang palibotan. Itugyan ka nako kanila aron silotan, ug silotan ka nila sa gusto nila nga isilot kanimo.

Habacuc 1:7

Sila ang gikahadlokan ug gikalisangan nga mga katawhan; ang ilang kaugalingon lang ang ilang gisunod ug nagpataas sa ilang dungog.

Numeros 13:21

Busa nanglakaw sila ug gisusi nila ang yuta gikan sa kamingawan sa Zin hangtod sa Rehob duol sa Lebo Hamat.

Josue 13:5

ang yuta sa mga Gebalihanon, ug ang tibuok nga Lebanon sa sidlakan, gikan sa Baal Gad sa tiilan sa Bukid sa Hermon hangtod sa Lebo sa Hamat;

Josue 4:13

Kining 40,000 ka mga armadong kalalakin-an miagi sa presensya sa Ginoo ug miadto sa kapatagan sa Jerico aron sa pagpakig-gira.

Josue 5:10

Samtang nagkampo ang mga Israelinhon sa Gilgal, sa kapatagan sa Jerico, gisaulog nila ang Pista sa Paglabay sa Anghel sa gabii sa ika-14 nga adlaw sa unang bulan.

Mga Maghuhukom 3:3

Mao kini ang mga katawhan nga gipangbilin sa Ginoo: ang mga lumulupyo sa lima ka lungsod sa mga Filistihanon, ang tanang mga Canaanhon, ang mga Sidonhon, ug ang mga Hibihanon nga nagpuyo sa mga bukid sa Lebanon, gikan sa Bukid sa Baal Hermon hangtod sa Lebo Hamat.