Jeremias 39:4 - Ang Pulong sa Dios

⁴ Sa pagkakita kanila ni Haring Zedekia ug sa tanan niyang sundalo miikyas sila. Mibiya sila sa siyudad pagkagabii agi sa hardin sa hari. Nanggawas sila agi sa ganghaan nga gipataliwad-an sa duha ka paril, ug nangadto sa Walog sa Jordan.

Ang Biblia 2011

⁴ Sa diha nga si Zedekias nga hari sa Juda ug ang tanang mga sundalo nakakita kanila, nanagan sila, nanggula sa siyudad sa pagkagabii agi sa tanaman sa hari latas sa ganghaan taliwala sa duha ka paril, ug mipadulong sila sa Araba.

Maayong Balita Biblia

⁴ Sa pagkakita ni Sedekias ug sa tanan niyang sundalo sa nahitabo, miikyas sila sa siyudad panahon sa kagabhion. Didto sila miagi sa tanaman sa hari agi sa pultahan nga nagdugtong sa duha ka paril ug milibot sila ngadto sa Walog sa Jordan.

Ang Bag-ong Maayong Balita Biblia

⁴ Sa pagkakita ni Sedekias ug sa tanan niyang sundalo sa nahitabo, miikyas sila sa siyudad panahon sa kagabhion. Didto sila miagi sa tanaman sa hari agi sa pultahan nga nagdugtong sa duha ka paril ug milibot sila ngadto sa Walog sa Jordan.

Jeremias 39:4 Cross References

2 Cronicas 32:5

Unya gipalig-on pa pag-ayo ni Ezequias ang iyang mga depensa pinaagi sa pagpaayo sa mga paril ug sa pagpatukod ug mga tore. Gipadoblehan pa gayod niya ug paril ang siyudad, ug gilig-on ang mubong bahin sa Lungsod ni David. Nagpahimo usab siyag daghang mga hinagiban ug mga taming.

Isaias 22:11

Naghimo kamog pundohanan ug tubig sa taliwala sa duha ka paril alang sa tubig nga gikan sa daang pundohanan ug tubig. Apan wala kamo mosalig ug motagad sa Dios nga mao ang nagplano ug nagbuot nga mahitabo kini sukad pa kaniadto.

Isaias 22:3

Nangagiw ang tanan ninyong mga pangulo, ug dali ra kaayo silang nadakpan. Ang uban kaninyo naninguha nga makakagiw, apan nadakpan ra gihapon.

Isaias 29:2

Apan sulongon ko kini, ug manghilak ug magbakho ang mga lumulupyo niini. Ug alang kanako, ang tibuok nga siyudad mahimong sama sa halaran nga napuno sa dugo.

Jeremias 32:4

Dili makaikyas si Haring Zedekia gikan sa kamot sa mga taga-Babilonia. Itugyan gayod siya ngadto sa hari sa Babilonia ug i-atubang siya kaniya aron hukman.

Jeremias 32:5

Ipadala ko si Zedekia sa Babilonia, ug magpabilin siya didto hangtod nga silotan ko siya. Bisan pa ug mosukol kamo sa mga taga-Babilonia dili gihapon kamo modaog. Ako, ang  Ginoo, ang nag-ingon niini.”

Ezequiel 12:12

Bisan ang ilang pangulo mag-agi sa dingding nga gibangagan alang kaniya ug magpas-an sa iyang dala ug maglakaw sa kagabhion. Manabon siya sa iyang nawong aron dili niya makita ang yuta.

Ezequiel 12:4

Sa adlaw panghipos sa imo nga dad-onon aron makita nila. Pagkagabii, samtang nagtan-aw sila, molakaw ka nga daw sa usa ka binihag.

Levitico 26:17

Kapungtan ko kamo aron nga mapildi kamo sa inyong mga kaaway ug sila na ang modumala kaninyo. Tungod sa inyong kataranta moikyas kamo bisan ug walay naggukod kaninyo.

Levitico 26:36

“ ‘Kamo nga mga nahibilin sa gira, nga gidala sa inyong mga kaaway ngadto sa ilang mga dapit, patarantahon ko gayod kamo. Bisan sa kinasikas lang sa mga dahon nga huypon sa hangin, mangikyas na kamo nga daw adunay naggukod sa pagpatay kaninyo. Magbinanggaanay kamo ug mangatumba, busa dili gayod kamo makasukol sa inyong mga kaaway.

Amos 2:14

Busa bisan kadtong kusog modagan kaninyo dili makaikyas, ang kusgan magluya, ug ang mga sundalo dili makaluwas sa ilang kaugalingon.

Deuteronomio 28:25

“Ipapildi kamo sa Ginoo sa inyong mga kaaway. Mag-usa kamong mosulong kanila, apan magkatibulaag kamo nga moikyas gikan kanila. Kangil-aran kamo sa tanang gingharian sa kalibotan.