Jeremias 39:18 - Ang Pulong sa Dios

¹⁸ Luwason ko gayod ikaw. Dili ka mamatay sa gira, tungod kay misalig ka kanako. Ako, ang  Ginoo, ang nag-ingon niini.’ ”

Ang Biblia 2011

¹⁸ Kay ako magluwas gayod kanimo, ug dili ikaw mapukan sa espada, kondili ang imong kinabuhi mahimong ingon nga ganti sa gubat tungod kay gibutang nimo ang imong pagsalig kanako, nag-ingon ang Ginoo.’ ”

Maayong Balita Biblia

¹⁸ Maluwas ang imong kinabuhi kay misalig ka man kanako. Ako, ang Ginoo, maoy nagsulti niini.”

Ang Bag-ong Maayong Balita Biblia

¹⁸ Maluwas ang imong kinabuhi kay misalig ka man kanako. Ako, ang Ginoo, maoy nagsulti niini.”

Jeremias 39:18 Cross References

1 Cronicas 5:20

Nangayo sila ug tabang sa Dios sa dihang nakig-gira sila, ug gitubag sa Dios ang ilang pag-ampo tungod kay misalig sila kaniya. Busa gipadaog sila sa Dios batok sa mga Hagarnon ug sa tanang mga kaabin niini.

Job 5:20

Luwason niya ikaw gikan sa kamatayon sa panahon sa kagutom o sa gira.

Salmo 147:11

kondili sa mga nagtahod kaniya ug nagsalig sa iyang gugma.

Salmo 2:12

Tahora ninyo ang hari nga iyang pinili, kay kon dili, masuko siya, ug diha-diha laglagon kamo niya. Bulahan kadtong mga tawo nga nagdangop sa Ginoo.

Salmo 33:18

Nagbantay ang  Ginoo sa mga nagtahod kaniya, ug sa mga nagsalig sa iyang gugma.

Salmo 34:22

Luwason sa Ginoo ang nag-alagad kaniya. Ang tanan nga modangop kaniya dili silotan.

Salmo 37:3

Salig sa Ginoo ug himoa ang maayo. Ug magpuyo ka sa yuta sa Israel nga adunay kasigurohan ug walay kahadlokang katalagman.

Salmo 84:12

O Ginoo nga Makagagahom, bulahan ang nagsalig kanimo.

Salmo 91:7

Bisan linibo pa ka mga tawo ang mangamatay sa imong palibot, ikaw dili maunsa.

Isaias 26:3

Hatagan mo, Ginoo, ug hingpit nga kalinaw ang tawo kansang huna-huna nasentro diha kanimo, kay nagsalig siya kanimo.

Jeremias 21:9

Bisan kinsa nga magpabilin niini nga siyudad mamatay sa gira, sa kagutom, o sa balatian. Apan ang mogawas ug motahan sa ilang kaugalingon ngadto sa mga taga-Babilonia nga nagpalibot kaninyo, mabuhi. Oo, maluwas ang iyang kinabuhi.

Jeremias 38:2

“Miingon ang  Ginoo nga bisan kinsa nga magpabilin niini nga siyudad mamatay sa gira, kagutom, ug balatian. Apan ang motahan sa iyang kaugalingon ngadto sa mga taga-Babilonia dili mamatay. Maluwas siya ug mabuhi.

Roma 2:12

Ang mga tawo nga nagbuhat ug sala malaglag, bisan wala sila masayod mahitungod sa Kasugoan ni Moises. Ang mga tawo nga nakahibalo sa Kasugoan ni Moises apan nagpadayon sa pagbuhat ug sala, hukman usab sa Dios, apan ang Kasugoan gayod ang iyang basihan sa paghukom kanila.

Mga Taga-Efeso 1:12

aron nga kami nga unang naglaom kang Cristo magdayeg kaniya.

1 Pedro 1:21

Ug pinaagi kang Cristo nagtuo kamo sa Dios. Ug inyong gibutang ang inyong pagtuo ug paglaom sa Dios tungod gibanhaw niya si Cristo ug gipasidunggan siya pag-ayo.