Jeremias 39:14 - Ang Pulong sa Dios

¹⁴ Gipakuha nila si Jeremias gikan sa hawanan sa mga tigbalantay ug gitugyan kang Gedalia nga anak ni Ahikam ug apo ni Shafan, nga maoy midala kaniya pauli sa iyang balay. Busa nagpabilin si Jeremias sa Juda uban sa iyang mga katagilungsod.

Ang Biblia 2011

¹⁴ gipaadto ug gikuha si Jeremias gikan sa hawanan sa mga bantay, ug gitugyan siya kang Gedalias nga anak ni Ahikam nga anak ni Safan aron siya dad-on niya sa balay. Busa mipuyo siya uban sa katawhan.

Maayong Balita Biblia

¹⁴ mipakuha kanako gikan sa hawanan sa palasyo. Gitugyan ako ngadto kang Gedalias nga anak ni Ahikam ug apo ni Safan aron ako atimanon ug dili pasipad-an. Busa nagpuyo ako tipon sa katawhan.

Ang Bag-ong Maayong Balita Biblia

¹⁴ mipakuha kanako gikan sa hawanan sa palasyo. Gitugyan ako ngadto kang Gedalias nga anak ni Ahikam ug apo ni Safan aron ako atimanon ug dili pasipad-an. Busa nagpuyo ako tipon sa katawhan.

Jeremias 39:14 Cross References

2 Mga Hari 22:12

Unya nagmando siya kang Hilkia nga pari, kang Ahikam nga anak ni Shafan, kang Acbor nga anak ni Micaya, kang Shafan nga sekretaryo, ug kang Asaya nga iyang personal nga alagad.

2 Mga Hari 22:14

Busa nangadto sila si Hilkia nga pari, Ahikam, Acbor, Shafan, ug Asaya aron sa pagpakigsulti sa usa ka babayeng propeta nga si Hulda. Kini si Hulda asawa ni Shalum nga anak ni Tikva ug apo ni Harhas. Si Shalum mao ang nag-atiman sa mga bisti sa Templo. Si Hulda didto magpuyo sa ikaduhang distrito sa Jerusalem.

2 Cronicas 34:20

Gimandoan dayon niya sila si Hilkia, si Ahikam nga anak ni Shafan, si Abdon nga anak ni Micas, si Shafan nga sekretaryo, ug si Asaya nga iyang personal nga alagad:

Salmo 105:19

hangtod nga natuman ang iyang gitagna. Ang mensahe sa Ginoo kaniya nga natuman nagpamatuod nga matarong siya.

Jeremias 26:22

Apan gipaadto ni Haring Jehoyakim sa Ehipto si Elnatan nga anak ni Acbor, uban sa lain pang mga tawo.

Jeremias 26:24

Apan gitabangan ni Ahikam nga anak ni Shafan si Jeremias, busa wala siya itugyan ngadto sa mga tawo aron patyon.

Jeremias 32:2

Niadtong higayona, gilibotan sa mga sundalo sa Babilonia ang Jerusalem, ug si Propeta Jeremias gipriso didto sa hawanan sa mga tigbalantay nga atua sa palasyo sa hari sa Juda.

Jeremias 37:21

Busa nagmando si Haring Zedekia nga ibutang na lang si Jeremias didto sa hawanan sa mga tigbalantay sa palasyo. Nagmando usab ang hari nga hatagan si Jeremias ug pan gikan sa mga panadero sa siyudad adlaw-adlaw, hangtod nga aduna pay pan sa siyudad. Busa nagpabilin nga piniriso si Jeremias didto sa hawanan sa mga tigbalantay.

Jeremias 38:13

ug gibira nila siya gikan sa bangag. Ug nagpabilin nga piniriso si Jeremias didto sa hawanan sa mga tigbalantay.

Jeremias 38:28

Ug nagpabilin nga piniriso si Jeremias didto sa hawanan sa mga tigbalantay hangtod sa adlaw nga nailog ang Jerusalem. Ingon niini ang pagkalaglag sa Jerusalem:

Jeremias 39:13

Gituman kini nila ni Nebuzaradan nga pangulo sa mga tigbalantay, ni Nabushazban nga pangulong opisyal, ni Nergal Sharezer nga usa usab sa taas ug ranggo nga opisyal, ug sa uban pang mga opisyal sa hari sa Babilonia.

Jeremias 39:15

Sa gipriso pa si Jeremias didto sa hawanan sa mga tigbalantay, miingon ang  Ginoo kaniya:

Jeremias 40:1

Adunay gisulti ang  Ginoo kang Jeremias human siya buhii ni Nebuzaradan nga pangulo sa mga tigbalantay didto sa Rama. Gikadenahan niadto si Jeremias uban sa mga bihag nga taga-Jerusalem ug taga-Juda nga pangdad-on ngadto sa Babilonia.

Jeremias 40:5

Apan kon mopabilin ka man gayod, balik kang Gedalia nga anak ni Ahikam ug apo ni Shafan. Gihimo siya sa hari sa Babilonia nga tigdumala sa mga lungsod sa Juda. Puyo uban kaniya ug sa mga katawhan o lakaw bisan asa nimo gusto.” Unya gihatagan siya ni Nebuzaradan ug pagkaon ug gasa ug gipalakaw.

Jeremias 40:6

Busa miadto si Jeremias kang Gedalia didto sa Mizpa, ug mipuyo didto uban sa mga tawong nahibilin sa Juda.

Jeremias 40:7

Adunay pipila ka mga opisyal ug mga sundalo sa Juda didto sa mga hilit nga dapit nga wala motahan sa ilang kaugalingon sa Babilonia. Nakabalita sila nga gihimo sa hari sa Babilonia nga gobernador sa Juda si Gedalia nga anak ni Ahikam; ug nga siya ang nagdumala sa pobreng mga kalalakin-an, kababayen-an, ug kabataan nga wala bihaga ngadto sa Babilonia.

Jeremias 41:1

Si Ishmael anak ni Netania ug apo ni Elishama. Miyembro siya sa harianong pamilya ug usa sa mga opisyal sa hari kaniadto. Sa ikapito nga bulan niadtong tuiga, miadto siya kang Gedalia uban sa napulo ka mga tawo. Ug samtang nangaon sila,