Jeremias 39:10 - Ang Pulong sa Dios

¹⁰ Apan gibilin niya sa Juda ang pipila ka mga pobre kaayo nga mga tawo nga wala gayoy mga kabtangan. Niadtong adlawa, gihatagan niyag mga tamnanan ug ubas ug mga uma ang nahibilin.

Ang Biblia 2011

¹⁰ Si Nebusaradan nga kapitan sa mga bantay nagbilin didto sa yuta sa Juda ug mga kabos nga mga tawo nga walay gipanag-iya nga bisan unsa, ug naghatag kanila ug kaparasan ug kaumahan sa samang higayon.

Maayong Balita Biblia

¹⁰ Apan iyang gibilin sa Juda kadtong mga kabos kaayo ug walay nahot ug sila iyang gihatagag mga parasan ug kaumahan.

Ang Bag-ong Maayong Balita Biblia

¹⁰ Apan iyang gibilin sa Juda kadtong mga kabos kaayo ug walay nahot ug sila iyang gihatagag mga parasan ug kaumahan.

Jeremias 39:10 Cross References

2 Mga Hari 25:12

Apan gibilin niya ang uban sa labing kabos nga mga tawo aron sa pag-atiman sa mga ubasan ug sa mga uma.

Isaias 7:21

“Nianang panahona, ang mga tawo magmantinir na lang sa pag-alima ug tagsa kabuok dumalagang baka ug duha ka kanding,

Jeremias 40:10

Ako, sa akong kabahin, magpabilin dinhi sa Mizpa aron sa pagrepresentar kaninyo sa mga taga-Babilonia nga moanhi dinhi kanato. Puyo kamo sa mga dapit nga inyong nailog. Makapanguha kamo sa mga ubas, mga olibo, ug uban pang mga prutas, ug tipigi ninyo kini sa inyong mga sudlanan.”

Jeremias 40:7

Adunay pipila ka mga opisyal ug mga sundalo sa Juda didto sa mga hilit nga dapit nga wala motahan sa ilang kaugalingon sa Babilonia. Nakabalita sila nga gihimo sa hari sa Babilonia nga gobernador sa Juda si Gedalia nga anak ni Ahikam; ug nga siya ang nagdumala sa pobreng mga kalalakin-an, kababayen-an, ug kabataan nga wala bihaga ngadto sa Babilonia.

Jeremias 43:6

Apil niini ang mga kalalakin-an, kababayen-an, kabataan, ug mga anak nga babaye sa hari nga gitugyan ni Nebuzaradan nga pangulo sa mga tigbalantay kang Gedalia nga anak ni Ahikam ug apo ni Shafan. Gidala usab nila si Propeta Jeremias ug si Baruc nga anak ni Neria.

Jeremias 52:16

Apan gibilin niya ang uban sa labing kabos nga mga tawo aron sa pag-atiman sa mga ubasan ug sa mga uma.

Ezequiel 33:24

“Tawo, ang mga tawo nga nagpuyo didto sa guba nga mga lungsod sa Israel nag-ingon, ‘Usa lang si Abraham, apan gihatag kaniya ang tibuok nga yuta. Daghan kita, busa sigurado nga panag-iyahon nato kini nga yutaa.’

Zacarias 11:7

Busa giatiman ko ang mga karnerong ihawonon alang sa mga nagbaligya ug mga karnero. Nagkuha ako ug duha ka baston; ang usa gitawag ko ug Kaayo ug ang usa gitawag ko ug Paghiusa.