Jeremias 38:9 - Ang Pulong sa Dios

⁹ “Mahal nga Hari, daotan gayod kaayo ang gibuhat niining mga tawhana kang Jeremias. Gibutang nila siya sa bangag nga pundohanan ug tubig. Mamatay gayod siya didto sa kagutom kon mahurot na ang pagkaon sa siyudad.”

Ang Biblia 2011

⁹ “Akong agalon nga hari, kining mga tawhana nakabuhat ug daotan sa tanan nilang gihimo kang Jeremias nga propeta, pinaagi sa pagtambog kaniya ngadto sa atabay ug siya mamatay didto sa kagutom kay wala may pan nga nahibilin sa siyudad.”

Maayong Balita Biblia

⁹ “Kamahalan, ang gibuhat niining mga tawhana dili maayo. Ilang gihulog si Jeremias sa atabay ug mamatay gayod siya sa gutom. Wala nay pagkaon sa siyudad.”

Ang Bag-ong Maayong Balita Biblia

⁹ “Kamahalan, ang gibuhat niining mga tawhana dili maayo. Ilang gihulog si Jeremias sa atabay ug mamatay gayod siya sa gutom. Wala nay pagkaon sa siyudad.”

Jeremias 38:9 Cross References

Job 31:34

Wala ako maghilom-hilom o magtago-tago tungod sa kahadlok sa isulti sa mga tawo.

Jeremias 19:9

Palibotan ko kining siyudara sa ilang mga kaaway nga molisod-lisod kanila hangtod nga mahutdan silag pagkaon. Busa kan-on na nila ang ilang isigka-tawo ug bisan ang ilang kaugalingong mga anak.’ ”

Jeremias 37:21

Busa nagmando si Haring Zedekia nga ibutang na lang si Jeremias didto sa hawanan sa mga tigbalantay sa palasyo. Nagmando usab ang hari nga hatagan si Jeremias ug pan gikan sa mga panadero sa siyudad adlaw-adlaw, hangtod nga aduna pay pan sa siyudad. Busa nagpabilin nga piniriso si Jeremias didto sa hawanan sa mga tigbalantay.

Jeremias 38:10

Unya gimandoan sa hari si Ebed Melec, “Pagdala ug 30 ka tawo gikan dinhi ug kuhaa ninyo si Jeremias gikan sa bangag nga pundohanan ug tubig sa dili pa siya mamatay.”

Jeremias 39:17

Apan luwason ka nako nianang higayona. Dili ka nako itugyan sa mga tawo nga imong gikahadlokan.

Jeremias 52:6

Sa ikasiyam nga adlaw sa ikaupat nga bulan sa maong tuig, labihan na gayod ang kagutom sa siyudad ug wala na gayoy pagkaon ang mga tawo.

Mga Pagbangotan 1:11

Ang iyang katawhan nag-agulo samtang nangita ug pagkaon. Gipabaylohan nilag pagkaon ang ilang mga bahandi aron padayon silang mabuhi. Miingon ang Jerusalem, “O Ginoo, tan-awa ako, kay gipakaulawan ako.”

Mga Pagbangotan 3:53

Nagtinguha sila sa pagpatay kanako pinaagi sa paghulog kanako sa bangag ug pagbato kanako.