Jeremias 3:23 - Ang Pulong sa Dios

²³ Tinuod gayod nga dakong sayop ang among pagsimba sa mga dios-dios didto sa mga bungtod ug mga bukid. Kanimo lamang gayod ang kaluwasan sa Israel, O Ginoo nga among Dios.

Ang Biblia 2011

²³ Sa pagkatinuod ang kabungtoran mga limbong, mga kaguliyang sa ibabaw sa kabukiran. Sa pagkatinuod diha sa Ginoo nga atong Dios anaa ang kaluwasan sa Israel.

Maayong Balita Biblia

²³ Walay tabang alang kanamo didto sa mga bungtod ug gikan sa saba nga katawhan didto sa kabukiran. Ang makatabang lamang sa Israel mao ang Ginoo nga among Dios.

Ang Bag-ong Maayong Balita Biblia

²³ Walay tabang alang kanamo didto sa mga bungtod ug gikan sa saba nga katawhan didto sa kabukiran. Ang makatabang lamang sa Israel mao ang Ginoo nga among Dios.

Jeremias 3:23 Cross References

Salmo 3:8

Ikaw, Ginoo, ang nagluwas ug nagpanalangin sa imong mga katawhan.

Salmo 62:7

Anaa sa Dios ang akong kaluwasan ug kadungganan. Siya ang akong lig-ong salipdanan nga bato, ang akong tigpanalipod.

Mga Panultihon 21:31

Bisan hanas na ang mga kabayo sa gira, ang  Ginoo ray makapadaog.

Isaias 10:20

Moabot ang adlaw nga ang nangahibilin nga mga kaliwat ni Israel, nga mao si Jacob, dili na mosalig sa Asiria nga nagpaantos kanila, kondili sa Ginoo, ang Balaang Dios sa Israel. Mobalik na sila ngadto sa Makagagahom nga Dios.

Isaias 12:2

Ikaw, O Dios, mao ang akong manluluwas. Mosalig ako kanimo ug dili mahadlok. Ikaw, Ginoo, mao ang naghatag kanakog kusog, ug ikaw ang akong ginaawit. Ikaw ang nagluwas kanako.”

Isaias 43:11

Ako lang gayod ang  Ginoo. Gawas kanako, wala nay lain pa nga Manluluwas.

Isaias 44:9

Walay pulos ang tanang naghimog mga dios-dios. Ug kining mga dios-dios nga ilang gipakamahal walay bili. Sila mismo makapamatuod nga wala kini bili. Kay dili kini makakita ug walay nahibaloan. Mao gani nga maulawan ang mga nagsimba niini.

Isaias 45:15

O Dios ug Manluluwas sa Israel, tinuod nga ikaw Dios nga dili magpakita sa imong kaugalingon.

Isaias 45:17

Apan luwason mo, Ginoo, ang Israel, ug ang ilang kaluwasan walay kataposan. Dili na gayod sila maulawan ug tamayon hangtod sa hangtod.

Isaias 45:20

Miingon usab ang  Ginoo, “Pagpundok kamo ug duol kanako, kamong mga nakalingkawas gikan sa pagsakop sa mga nasod. Wala gayoy kahibalo ang mga nagdala-dala sa ilang mga dios-dios nga kahoy. Nagpangamuyo sila niining mga dios-dios nga dili makaluwas kanila.

Isaias 63:1

Kinsa kining naabot gikan sa Bozra nga sakop sa Edom nga nagbistig pula? Kinsa kining adunay harianong bisti, ug nagmartsa uban sa iyang gamhanang kusog? Ako kini ang  Ginoo nga nagmantala sa kadaogan sa iyang katawhan ug adunay gahom sa pagluwas.

Isaias 63:16

Kay ikaw ang among Amahan bisan tuod ug wala kami mailhi sa among mga katigulangan nga si Abraham ug si Jacob. Oo, ikaw, Ginoo, ang among Amahan, ang among Manluluwas sukad pa kaniadto.

Jeremias 14:8

Ikaw lang ang paglaom sa Israel, ug ang iyang manluluwas sa panahon sa kalisdanan. Nganong daw nahimo ka man nga usa ka dumuduong dinhi sa among nasod? Nganong daw nahimo kang usa ka biyahedor nga mihapit lamang aron sa pagpalabay sa kagabhion?

Jeremias 17:14

O Ginoo, ayoha ako ug maulian ako. Luwasa ako ug makalingkawas ako. Kay ikaw ang akong ginadayeg.

Jeremias 17:2

Mao usab ang inyong mga kabataan, nagsimba sila sa inyong mga halaran ug sa mga poste nga simbolo sa diosa nga si Ashera didto sa labong nga mga kahoy ug sa taas nga mga bungtod.

Jeremias 3:6

Sa panahon sa paghari ni Josia, miingon ang  Ginoo kanako, “Nakita mo ba ang gihimo sa maluibon nga Israel? Misimba siya sa mga dios-dios ibabaw sa matag taas nga bukid ug ilalom sa matag labong nga kahoy. Nahisama siya sa usa ka babayeng nagbaligya sa iyang dungog.

Jeremias 31:7

Miingon pa gayod ang  Ginoo: “Pag-awit kamo ug panghugyaw sa kalipay alang sa Israel, ang gauna sa tanang nasod. Ipadayag ang inyong mga pagdayeg ug moingon, ‘O Ginoo, luwasa ang imong katawhan, ang nahibiling buhi sa mga Israelinhon.’

Ezequiel 20:28

Kay sa dihang gidala ko sila sa yuta nga akong gisaad nga ihatag kanila, naghalad silag mga halad, mga insenso, ug mga ilimnon didto sa matag taas nga bungtod ug sa matag labong nga kahoy nga ilang makita. Busa nasuko ako pag-ayo kanila.

Oseas 1:7

Apan kaloy-an ko ang katawhan sa Juda. Ako, ang  Ginoo nga ilang Dios, moluwas kanila pinaagi sa akong gahom ug dili pinaagi sa gira, sa pana, sa espada, sa mga kabayo o sa mga tigkabayo.”

Juan 4:22

Kamo nga mga Samarianhon wala gayod makaila kon kinsa ang inyong ginasimba. Apan kami nga mga Judio nakaila sa among ginasimba, kay pinaagi kanamo luwason sa Dios ang mga tawo.