Jeremias 3:21 - Ang Pulong sa Dios

²¹ Madungog ang kasaba ibabaw sa taas nga mga dapit. Magtiyabaw ug magpakiluoy ang katawhan sa Israel tungod sa daotan nila nga binuhatan, ug tungod kay gikalimtan nila ako, ang  Ginoo nga ilang Dios.

Ang Biblia 2011

²¹ Nadungog ang usa ka tingog sa kabungtoran, ang paghilak ug mga pangaliyupo sa mga anak sa Israel, tungod kay gipasukwahi nila ang ilang dalan, sila nalimot sa Ginoo nga ilang Dios.

Maayong Balita Biblia

²¹ Mabati ang kaguliyang gikan sa kabungtoran; nanghilak ug nagpakiluoy ang katawhan sa Israel tungod sa ilang pagpakasala, ug sa ilang paghikalimot sa Ginoo nga ilang Dios.

Ang Bag-ong Maayong Balita Biblia

²¹ Mabati ang kaguliyang gikan sa kabungtoran; nanghilak ug nagpakiluoy ang katawhan sa Israel tungod sa ilang pagpakasala, ug sa ilang paghikalimot sa Ginoo nga ilang Dios.

Jeremias 3:21 Cross References

Job 33:27

Unya mosulti siya sa mga tawo, ‘Nakasala ako, ug naghimog dili maayo, apan wala ko madawat ang silot nga angay unta kanako.

Mga Panultihon 10:9

Ang tawong matarong layo sa kadaot, apan ang tawong daotan mabulgar ang sala.

Mga Panultihon 19:3

Adunay mga tawo nga nagdaot sa ilang kaugalingon pinaagi sa ilang kabuang, ug unya ang  Ginoo pa ang ilang basolon.

Isaias 15:2

Mitungas ang mga taga-Dibon sa ilang templo ug sa ilang mga halaran sa habog nga mga dapit aron manghilak didto. Gihilakan sa mga taga-Moab ang Nebo ug Medeba. Ang matag-usa kanila nagpaupaw ug namarbas sa pagpakita sa ilang pagsubo.

Isaias 17:10

Mahitabo kini kaninyong mga taga-Israel, kay gikalimtan ninyo ang Dios nga inyong manluluwas ug ang inyong salipdanan nga Bato. Busa bisan pag magtanom kamog maayo nga klasi sa mga tanom sama sa ubas nga gikan pa sa ubang dapit,

Isaias 57:11

Miingon ang Ginoo, “Kinsa ba kining mga dios-dios nga inyong gikalisangan nga namakak man kamo kanako? Gikalimtan ninyo ako ug wala kamo magtagad kanako. Unsa bay hinungdan nga wala na man kamo motahod kanako? Tungod ba kay nagpakahilom lang ako sulod sa taas nga panahon?

Jeremias 12:12

Miabot sa taas nga mga dapit sa kamingawan ang mga tiglaglag. Gigamit ko kini silang espada sa paglaglag sa tibuok yuta, ug wala gayoy makaikyas kanila.

Jeremias 18:15

Apan ang akong katawhan nalimot na kanako. Nagsunog silag insenso ngadto sa walay pulos nga mga dios-dios. Mibiya sila sa husto ug karaan nga dalan ug misubay sa hiwi nga dalan diin nangapandol sila.

Jeremias 2:32

Malimtan ba sa usa ka putli nga babaye ang iyang alahas o ang iyang bisti nga pangkasal? Apan kamong akong katawhan, nalimot kanako sa dugayng panahon.

Jeremias 3:2

Tan-awa ang taas nga mga dapit. Aduna pa ba didtoy dapit diin wala ninyo mahugawi? Gihugawan ninyo ang yuta tungod sa inyong pagsimba sa mga dios-dios ug sa inyong pagkadaotan. Sama kamo sa usa ka babayeng nagbaligya sa iyang dungog, nga naglingkod daplin sa dalan aron sa paghulat ug lalaki. Sama usab kamo sa tulisan nga nag-atang sa iyang mabiktima.

Jeremias 31:9

Dad-on ko sila pagbalik nga gahilak ug nag-ampo. Dad-on ko sila sa kasapaan ug moagi sila sa maayong dalan diin dili sila mapandol. Kay ako ang amahan sa Israel, ug si Efraim ang akong kamagulangang anak.

Jeremias 7:29

“O mga taga-Jerusalem, pagpakiskis kamo sa inyong ulo ug ilabay ang inyong buhok sa pagpakita sa inyong pagsubo. Pagbangotan kamo didto sa taas nga mga dapit, kay gisalikway ug gipasagdan na sa Ginoo ang inyong henerasyon nga nagpalagot kaniya.”

Ezequiel 23:35

“Ug tungod kay gikalimtan mo ako ug gitalikdan, ako, ang Ginoong Dios, nag-ingon nga mag-antos ka gayod tungod sa imo nga law-ay nga binuhatan nga mao ang pagbaligya sa imo nga dungog.”

Ezequiel 7:16

Ug kon adunay makagawas sa kamatayon ug makaikyas ngadto sa kabukiran, maghilak sila sama sa salampati, tungod sa ilang mga sala.

Oseas 13:6

Apan sa dihang nakakaon kamo ug natagbaw, nahimo kamong garboso ug gikalimtan ninyo ako.

Oseas 8:14

Gikalimtan sa mga Israelinhon ang nagbuhat kanila. Sila ug ang mga taga-Juda nagpatukod ug mga palasyo ug daghang mga lungsod nga nalibotan ug paril. Apan sunogon ko ang ilang mga lungsod apil ang lig-ong mga bahin niini.”

Miqueas 3:9

Kamong mga pangulo sa Israel ug sa Juda, pamati kamo! Gipungtan ninyo ang hustisya ug ginatuis ninyo ang matarong.

Numeros 22:32

Nangutana kaniya ang anghel sa Ginoo, “Nganong gibunalan mo ang imong asno sa makatulo gayod? Mianhi ako dinhi sa pagbabag kanimo kay daotan ang imong binuhatan sa akong tan-aw.

2 Mga Taga-Corinto 7:10

Kay ang kasub-anan nga sumala sa kabubut-on sa Dios naghatod sa tawo ngadto sa paghinulsol ug kana nagresulta sa kaluwasan. Ug kini dili angay nga basolan. Apan ang kasubo sa mga tawo nga wala moila sa Dios nagdala kanila ngadto sa kamatayon.