Jeremias 27:7 - Ang Pulong sa Dios

⁷ Mag-alagad ang tanang kanasoran kaniya, sa iyang anak, ug sa iyang apo, hangtod nga moabot ang panahon nga malaglag ang Babilonia. Ug nianang panahona, ang Babilonia na usab ang moalagad sa daghang kanasoran ug sa gamhanang mga hari.

Ang Biblia 2011

⁷ Ang tanang mga nasod mag-alagad kaniya ug sa iyang anak, ug sa anak sa iyang anak, hangtod nga moabot ang panahon sa iyang kaugalingong yuta; unya daghang mga nasod ug gamhanang mga hari ang mag-ulipon kaniya.

Maayong Balita Biblia

⁷ Mag-alagad kaniya ang tanang nasod. Moalagad sila sa iyang anak ug apo hangtod nga moabot ang panahon nga mapukan ang iyang nasod. Unya ang iyang nasod maulipon sa mas gamhanan pang mga nasod ug mga hari.

Ang Bag-ong Maayong Balita Biblia

⁷ Mag-alagad kaniya ang tanang nasod. Moalagad sila sa iyang anak ug apo hangtod nga moabot ang panahon nga mapukan ang iyang nasod. Unya ang iyang nasod maulipon sa mas gamhanan pang mga nasod ug mga hari.

Jeremias 27:7 Cross References

Salmo 37:13

Apan nagkatawa lang ang Ginoo sa mga daotan, kay nahibalo siya nga hapit na ang panahon nga laglagon sila.

Isaias 13:1

Mao kini ang mensahe bahin sa Babilonia nga gipadayag sa Ginoo kang Isaias nga anak ni Amos:

Isaias 21:9

Ug karon, tan-awa! Adunay nagpadulong dinhi nga mga karwahi ug mga tigkabayo nga nagparis-paris.” Unya mipadayon ang tigbalantay, “Napukan na gayod ang Babilonia. Ang tanang imahen sa iyang mga dios nangadugmok ug nagkatag sa yuta.”

Jeremias 34:1

Gisulong ni Nebucadnezar nga hari sa Babilonia ang Jerusalem ug ang mga lungsod sa palibot niini. Uban niya sa pagsulong ang tanan niyang sundalo lakip ang mga sundalo gikan sa tanang gingharian nga sakop niya. Niadtong higayona miingon ang  Ginoo, nga Dios sa Israel, kang Jeremias, “Adto kang Zedekia nga hari sa Juda ug ingna siya nga ako, ang  Ginoo, nag-ingon: Itugyan ko kini nga siyudad sa mga kamot sa hari sa Babilonia ug sunogon niya kini.

Jeremias 44:30

Itugyan ko si Paraon Hofra nga hari sa Ehipto sa kamot sa iyang mga kaaway nga gustong mopatay kaniya, maingon nga gitugyan ko si Zedekia nga hari sa Juda ngadto sa iyang kaaway nga si Nebucadnezar nga hari sa Babilonia nga gusto usab nga mopatay kaniya.’ ”

Jeremias 46:13

Mao kini ang giingon sa Ginoo kang Propeta Jeremias mahitungod sa pagsulong ni Nebucadnezar nga hari sa Babilonia ngadto sa Ehipto:

Jeremias 52:31

Sa ika-37 nga tuig sa pagkabihag ni Jehoyakin nga hari sa Juda, nahimong hari sa Babilonia si Evil Merodac. Gibuhian niya si Jehoyakin sa ika-25 nga adlaw sa ika-12 nga bulan niadtong tuiga.

Ezequiel 30:24

Lig-onon ko ang mga bukton sa hari sa Babilonia ug pakuptan ko kaniya ang akong espada. Apan balion ko ang mga bukton sa Paraon, ug mag-agulo siya nga samaran ug himalatyon atubangan sa hari sa Babilonia.

Daniel 2:37

Mahal nga Hari, ikaw ang hari sa mga hari. Gihimo ka sa Dios sa langit nga hari, ug gihatagan sa gahom, kusog, ug kadungganan.

Daniel 4:22

mao ikaw, Mahal nga Hari. Kay nahimo kang gamhanan hangtod nga ang imong pagkagamhanan misangko sa langit, ug nasakop sa imong paghari ang tanang bahin sa kalibotan.

Habacuc 2:7

Dili ba unya mobangon ang inyong tigpautang? Dili ba unya sila momata ug mopakurog ninyo? Ug unya sila mahimo kaninyo nga inyong makaon.

Habacuc 2:8

Kay inyong gikurakot ang daghang mga nasod, ang mga tawo nga nabilin mokarakot usab ninyo. Kay gipaagas nimo ang dugo sa tawo; imong giguba ang mga yuta ug ang mga siyudad ug ang tanan nga anaa niini.

Gipadayag 14:8

Adunay ikaduhang anghel nga misunod ug miingon, “Nagun-ob! Nagun-ob na ang inila nga siyudad sa Babilonia. Kay ang iyang mga lumulupyo mao ang nagtintal sa mga tawo sa tibuok kalibotan nga mosunod sa ilang mga daotang binuhatan nga gikayugtan sa Dios.”

Gipadayag 16:19

Ang inilang siyudad napikas sa tulo ka bahin, ug ang mga siyudad sa tanang nasod nagun-ob. Gituman sa Dios ang iyang saad ngadto sa mga tawo nga nagpuyo sa siyudad sa Babilonia. Mao nga gipatagamtam kanila ang iyang kasuko ug silot.