Jeremias 27:19 - Ang Pulong sa Dios

¹⁹ Kay nag-ingon ang  Ginoo nga Makagagahom nga ang bronsi nga mga haligi sa Templo, ang sudlanan sa tubig nga gitawag Dagat, ang mga karomata, ug ang uban pang kagamitan niini nga siyudad dad-on ngadto sa Babilonia.

Ang Biblia 2011

¹⁹ Kay mao kini ang giingon sa Ginoo sa mga panon mahitungod sa mga haligi, sa tangke, sa mga tungtonganan ug sa uban nga mga kagamitan nga nahibilin niining siyudara,

Maayong Balita Biblia

^19-20 Sa dihang gibihag ni Nabucodonosor ang anak ni Joakim nga si Joaquin nga hari sa Juda ug ang mga inilang tawo sa Juda ug sa Jerusalem, gibilin niya ang mga haligi, ang bronsi nga tangke, ang mga sangga ug ang uban pang mga mahal nga kabtangan sa Templo.)

Ang Bag-ong Maayong Balita Biblia

^19-20 Sa dihang gibihag ni Nabucodonosor ang anak ni Joakim nga si Joaquin nga hari sa Juda ug ang mga inilang tawo sa Juda ug sa Jerusalem, gibilin niya ang mga haligi, ang bronsi nga tangke, ang mga sangga ug ang uban pang mga mahal nga kabtangan sa Templo.)

Jeremias 27:19 Cross References

1 Mga Hari 7:23

Naghimo usab si Huram ug dakong sudlanan sa tubig nga murag kawa, nga gitawag ug Dagat. Ang giladmon niini pito ug tunga ka piye, ang gilapdon 15 ka piye, ug ang kalinginon niini 45 ka piye.

1 Mga Hari 7:27

Naghimo usab si Huram ug napulo ka mga karomatang bronsi nga ginagamit sa paghakot sa tubig. Ang gitas-on sa matag-usa unom ka piye, ang gilapdon unom usab ka piye, ug ang gihabugon upat ug tunga ka piye.

2 Mga Hari 25:13

Gipangguba sa mga taga-Babilonia kining mosunod nga mga kagamitan sa Templo sa Ginoo: ang bronsi nga mga haligi, ang mga karomata nga gigamit sa paghakot ug tubig, ug ang dakong sudlanan ug tubig nga bronsi nga gitawag ug Dagat. Ug gidala nila ang mga bronsi sa Babilonia.

2 Mga Hari 25:17

Ang gitas-on sa matag haligi 27 ka piye. Ang gitas-on sa bronsi nga ulo-ulo sa matag haligi upat ug tunga ka piye. Kining mga ulo-ulo gidekorasyonan ug linala nga bronsi ug gipalibotan ug bronsi nga pormag prutas nga pomegranata.

2 Cronicas 36:18

Gidala ni Nebucadnezar ngadto sa Babilonia ang tanang kagamitan sa Templo sa Ginoo, gagmay man o dagko, ingon man ang tanang bahandi sa templo, sa hari, ug sa iyang mga opisyal.

Mga Pagbangotan 1:10

Gipanguha sa kaaway ang tanan niyang bahandi. Nakita niya nga misulod ang mga pagano didto sa iyang Templo nga mga tawo nga gidid-an sa Ginoo nga mosulod sa Templo.

Daniel 1:2

Gibihag niya si Haring Jehoyakim sumala sa kabubut-on sa Ginoo. Gipanguha usab niya ang ubang mga butang sa Templo sa Dios ug gidala sa Babilonia. Unya gibutang niya kini sa butanganan sa mga bahandi didto sa templo sa iyang dios.